അഴിമതിക്ക്​ വലുപ്പച്ചെറുപ്പമില്ല; മാണി അഴിമതിക്കാരൻ തന്നെ -സി.പി.​െഎ

മലപ്പുറം: അഴിമതിക്ക്​ വലിപ്പച്ചെറുപ്പമില്ലെന്നും കെ.എം. മാണി അഴിമതിക്കാരന്‍ തന്നെയാണെന്നുമുള്ള ഉറച്ച നിലപാടിൽ സി.പി.​െഎ. മാണിയെ എൽ.ഡി.എഫിൽ കൊണ്ടുവരുന്നത്​ പ്രതിച്ഛായക്ക്​ മങ്ങലേൽപ്പിക്കുമെന്ന്​ സംസ്​ഥാന സമ്മേളനത്തിൽ അവതരിപ്പിച്ച പ്രവർത്തന റിപ്പോർട്ട്​ വ്യക്​തമാക്കുന്നു. അവസരവാദികളെയും അഴിമതിക്കാരെയും മുന്നണിയുടെ ഭാഗമാക്കി എൽ.ഡി.എഫ്​ അടിത്തറ വികസിപ്പിക്കാമെന്നത്​ വിപരീതഫലമാണുമുണ്ടാക്കുക.

കേരള കോൺഗ്രസ്​ ജോസഫ്​ വിഭാഗം എൽ.ഡി.എഫിലുണ്ടായിരുന്നപ്പോഴും ന്യൂനപക്ഷ ​േവാട്ടുകൾ കൂടുതൽ എൽ.ഡി.എഫിന്​ ലഭിച്ചില്ല. പൊന്നാനി ലോക്​സഭ തെരഞ്ഞെടുപ്പിൽ പി.ഡി.പിയുമായി ​െഎക്യമുണ്ടാക്കാനുള്ള നീക്കം നടന്നു. അന്ന്​ സി.പി.​െഎ നിലപാടിന്​ അനുകൂലമായിരുന്നു പൊതുജനാഭിപ്രായം. കെ.എം. മാണി അഴിമതിക്കാരനാണെന്ന സംസ്​ഥാന നേതൃത്വത്തി​​​െൻറ നിലപാടിനെ പിന്തുണക്കുന്ന നിലപാടാണ്​ ജനറല്‍ സെക്രട്ടറി സുധാകർ റെഡ്​ഢിയും കൈക്കൊണ്ടത്​. 

പ്രതിനിധി സമ്മേളനം ഉദ്​ഘാടനം ചെയ്യവെ മാണി വിഷയത്തിൽ പരസ്യപ്രതികരണം നടത്തിയില്ലെങ്കിലും സംസ്​ഥാന ഘടകം കൈക്കൊണ്ട രാഷ്​ട്രീയ നിലപാടുകളെ ദേശീയ കൗൺസിൽ അഭിനന്ദിക്കുന്നെന്ന്​ അദ്ദേഹം വ്യക്​തമാക്കി. എന്നാൽ, ഒരു സ്വകാര്യ ചാനലിന്​ അനുവദിച്ച അഭിമുഖത്തിൽ സംശയലേശമന്യേ സുധാകർ റെഡ്​ഢി വ്യക്​തമാക്കിയത്​ കെ.എം. മാണി അഴിമതിക്കാരൻ തന്നെയെന്നും അഴിമതിക്ക്​ വലുപ്പച്ചെറുപ്പമില്ലെന്നുമാണ്​.

സി.പി.എമ്മുമായുള്ള പ്രശ്​നങ്ങൾ ചർച്ചയിലൂടെ പരിഹരിക്കണമെന്നും ഇടതുപക്ഷത്തെ ശക്​തിപ്പെടുത്തുന്ന തൂണായി സി.പി.​െഎ നിലകൊള്ളണമെന്നുമുള്ള സന്ദേശവും ജനറല്‍ സെക്രട്ടറി നൽകി. കെ.എം. മാണി വിഷയത്തിൽ നിലപാടിൽ മാറ്റമില്ലെന്ന്​ സംസ്​ഥാന സെക്രട്ടറി കാനം രാജേന്ദ്രനും വ്യക്​തമാക്കി. മുന്നണിയിൽ ചർച്ച ചെയ്യ​​െട്ടയെന്നും മുന്നണി എന്ത്​ നിലപാടെടുക്കുന്നു എന്നതിനെ ആശ്രയിച്ച്​ സി.പി.​െഎ നിലപാട്​ വ്യക്​തമാക്കാമെന്നും അദ്ദേഹം കൂട്ടിച്ചേർത്തു.