സി.പി.എം മുകേഷിനൊപ്പംതന്നെ

തി​രു​വ​ന​ന്ത​പു​രം: ഹേ​മ ക​മ്മി​റ്റി റി​പ്പോ​ർ​ട്ട്​ പു​റ​ത്തു​വ​ന്ന​തി​നെ തു​ട​ർ​ന്ന്​ ആ​രം​ഭി​ച്ച സി​നി​മ​ക്കു​ള്ളി​ലെ സ്ത്രീ​പീ​ഡ​ന ച​ർ​ച്ച​ക​ളി​ൽ പ്ര​തി​പ്പ​ട്ടി​ക​യി​ൽ​ കേ​ന്ദ്ര​സ്ഥാ​ന​ത്തു​ള്ള​ ന​ട​ൻ മു​കേ​ഷി​നെ കൈ​വി​ടാ​തെ സി.​പി.​എം. മു​കേ​ഷ്​ രാ​ജി​വെ​ക്ക​ണ​മെ​ന്ന സി.​പി.​ഐ നേ​തൃ​യോ​ഗ​ത്തി​ന്‍റെ നി​ല​പാ​ട്​ സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വം മു​ഖ്യ​മ​ന്ത്രി പി​ണ​റാ​യി വി​ജ​യ​നെ ക​ണ്ട്​ അ​റി​യി​ച്ചി​രു​ന്നു.

എ​ന്നാ​ൽ, മു​ന്ന​ണി​യി​ലെ ര​ണ്ടാം ഘ​ട​ക​ക​ക്ഷി​യു​ടെ ആ​വ​ശ്യ​വും സി.​പി.​എം പ​രി​ഗ​ണി​ക്കു​ന്നി​ല്ല. വെ​ള്ളി​യാ​ഴ്ച ചേ​ർ​ന്ന സി.​പി.​എം സം​സ്ഥാ​ന സെ​ക്ര​ട്ടേ​റി​യ​റ്റ്​ യോ​ഗ​ത്തി​ൽ ഇ​ക്കാ​ര്യം ച​ർ​ച്ച ചെ​യ്തി​ല്ല. മു​കേ​ഷി​ന്‍റെ രാ​ജി ഇ​പ്പോ​ൾ വേ​ണ്ടെ​ന്ന സി.​പി.​എം നി​ല​പാ​ടി​ൽ ത​ൽ​ക്കാ​ലം മാ​റ്റ​മി​ല്ലെ​ന്നാ​ണ്​ ഇ​ത്​ വ്യ​ക്ത​മാ​ക്കു​ന്ന​ത്. സി.​പി.​എം പാ​ർ​ട്ടി സ​മ്മേ​ള​ന​ങ്ങ​ളി​ലേ​ക്ക്​ ക​ട​ക്കു​ന്ന സാ​ഹ​ച​ര്യ​ത്തി​ൽ അ​തു​മാ​യി ബ​ന്ധ​പ്പെ​ട്ട ഒ​രു​ക്ക​മാ​യി​രു​ന്നു വെ​ള്ളി​യാ​ഴ്​​ച​ത്തെ സെ​ക്ര​ട്ടേ​റി​യ​റ്റ്​ യോ​ഗ​ത്തി​ന്‍റെ അ​ജ​ണ്ട​യെ​ന്ന്​ നേ​തൃ​ത്വം പ​റ​ഞ്ഞു. സി.​പി.​എം സം​സ്ഥാ​ന സ​മി​തി ​ശ​നി​യാ​ഴ്ച ​യോ​ഗം ചേ​രു​ന്നു​ണ്ട്. അ​വി​ടെ, മു​കേ​ഷ്​ വി​ഷ​യം ച​ർ​ച്ച​ക്ക്​ വ​ന്നേ​ക്കും. ​​​

ക​ഴി​ഞ്ഞ​ദി​വ​സം ചേ​ർ​ന്ന സി.​പി.​എം കൊ​ല്ലം ജി​ല്ല ക​മ്മി​റ്റി യോ​ഗ​ത്തി​ൽ മു​കേ​ഷി​ന്​ ക​ടു​ത്ത വി​മ​ർ​ശ​നം​ ഉ​യ​ർ​ന്നു. കൊ​ല്ല​ത്തു​നി​ന്നു​ള്ള എം.​എ​ൽ.​എ​യാ​യ മു​കേ​ഷി​ന്‍റെ കാ​ര്യ​ത്തി​ൽ ജി​ല്ല നേ​തൃ​ത്വം സം​സ്ഥാ​ന സ​മി​തി​യി​ൽ എ​ന്ത്​ പ​റ​യു​ന്നു​വെ​ന്ന​ത്​ നി​ർ​ണാ​യ​ക​മാ​ണ്. ഹേ​മ ക​മ്മി​റ്റി റി​പ്പോ​ർ​ട്ടി​ൽ നാ​ല​ര വ​ർ​ഷം ന​ട​പ​ടി​യെ​ടു​ക്കാ​തി​രു​ന്ന​തി​ന്​ സ​ർ​ക്കാ​റി​നു​നേ​രെ ക​ടു​ത്ത വി​മ​ർ​ശ​ന​മു​ണ്ട്.

മു​കേ​ഷി​നെ ചേ​ർ​ത്തു​നി​ർ​ത്തു​ന്ന​തി​ലൂ​ടെ ച​ർ​ച്ച അ​തി​ൽ കേ​ന്ദ്രീ​ക​രി​ച്ച്​ പ​രി​ക്ക്​ കു​റ​ക്കാ​മെ​ന്ന്​ സി.​പി.​എം ക​രു​തു​ന്നെ​ന്ന്​ വി​ല​യി​രു​ത്ത​പ്പെ​ടു​ന്നു. അ​തേ​സ​മ​യം, മു​കേ​ഷി​ന്‍റെ രാ​ജി ആ​വ​ശ്യ​​ത്തി​ൽ സി.​പി.​ഐ​യു​ടെ ഭാ​ഗ​ത്തു​നി​ന്ന്​ ക​ടും​പി​ടി​ത്ത​മു​ണ്ടാ​കി​ല്ല. മു​കേ​ഷി​നെ കൈ​വി​ടാ​ൻ സി.​പി.​എം ഒ​രു​ക്ക​മ​ല്ലെ​ന്ന്​ സി.​പി.​ഐ​ക്ക്​ ബോ​ധ്യ​മാ​യി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ ത​ങ്ങ​ളു​ടെ എ​തി​ർ​പ്പ​റി​യി​ച്ച്​ പി​ന്മാ​റു​ക​യെ​ന്ന സ​മീ​പ​ന​മാ​ണ്​ സി.​പി.​ഐ​ക്കു​ള്ള​ത്. രാ​ജി ആ​വ​ശ്യ​പ്പെ​ട്ട ആ​നി രാ​ജ​യെ ത​ള്ളി​യ ബി​നോ​യ്​ വി​ശ്വം ഇ​താ​ണ്​ വ്യ​ക്​​ത​മാ​ക്കു​ന്ന​ത്.