സി.പി.എമ്മും ബി.ജെ.പിയും സഖ്യം പരസ്യമായി പ്രഖ്യാപിക്കണം -ചെന്നിത്തല

തി​രു​വ​ന​ന്ത​പു​രം: സി.​പി.​എ​മ്മും ബി.​ജെ.​പി​യു​മാ​യി ന​ട​ക്കു​ന്ന ഡീ​ലു​ക​ള്‍ എ​ത്ര​യെ​ന്ന് എ​ണ്ണി​ത്തി​ട്ട​പ്പെ​ടു​ത്താ​ന്‍ ക​ഴി​യാ​ത്ത അ​വ​സ്ഥ​യി​ലാ​ണെ​ന്ന് കോ​ണ്‍ഗ്ര​സ് പ്ര​വ​ര്‍ത്ത​ക സ​മി​തി അം​ഗം ര​മേ​ശ് ചെ​ന്നി​ത്ത​ല. ഇ​രു​കൂ​ട്ട​രും നേ​താ​ക്ക​ളെ വ​രെ പ​ര​സ്പ​രം വെ​ച്ചു​മാ​റു​ന്ന അ​വ​സ്ഥ നി​ല​നി​ല്‍ക്കെ ജ​ന​ങ്ങ​ളെ ക​ബ​ളി​പ്പി​ക്കു​ന്ന പ​ണി അ​വ​സാ​നി​പ്പി​ച്ച് ത​ങ്ങ​ളു​ടെ സ​ഖ്യം ഇ​രു​പാ​ര്‍ട്ടി​ക​ളും പ​ര​സ്യ​മാ​യി പ്ര​ഖ്യാ​പി​ക്കു​ന്ന​താ​കും ന​ല്ല​ത്.

ഇ​ട​തു​മു​ന്ന​ണി ക​ണ്‍വീ​ന​റും സി.​പി.​എം കേ​ന്ദ്ര​ക​മ്മി​റ്റി അം​ഗ​വു​മാ​യ ഇ.​പി. ജ​യ​രാ​ജ​നെ​പ്പോ​ലെ സീ​നി​യ​റാ​യ നേ​താ​ക്ക​ള്‍ ബി.​ജെ.​പി​യി​ല്‍ ചേ​രാ​ന്‍വേ​ണ്ടി ച​ര്‍ച്ച ന​ട​ത്തി എ​ന്ന​ത് ഗു​രു​ത​ര ആ​രോ​പ​ണ​മാ​ണ്. താ​ന്‍ പ്ര​കാ​ശ് ജാ​വ്‌​ദേ​ക്ക​റെ പ​ല​വ​ട്ടം ക​ണ്ടു എ​ന്ന​ത് ജ​യ​രാ​ജ​ന്‍ ത​ന്നെ സ​മ്മ​തി​ക്കു​ന്ന കാ​ര്യ​മാ​ണ്. ഇ​ക്കാ​ര്യ​ത്തി​ല്‍ ഇ​ട​തു​മു​ന്ന​ണി​യും സി.​പി.​എം സം​സ്ഥാ​ന സെ​ക്ര​ട്ട​റി ഗോ​വി​ന്ദ​നും കൃ​ത്യ​മാ​യ മ​റു​പ​ടി പ​റ​യ​ണം.

കൊ​ട​ക​ര കു​ഴ​ല്‍പ്പ​ണ ഇ​ട​പാ​ടി​ല്‍ ബി.​ജെ.​പി സം​സ്ഥാ​ന നേ​തൃ​ത്വ​ത്തെ ര​ക്ഷി​ക്കു​ന്ന നി​ല​പാ​ടാ​ണ് പി​ണ​റാ​യി വി​ജ​യ​ന്‍ നേ​ര​ത്തേ​ത​ന്നെ സ്വീ​ക​രി​ച്ച​ത്. ഇ​പ്പോ​ള്‍ പ്ര​ഖ്യാ​പി​ച്ച പു​ന​ര​ന്വേ​ഷ​ണം ക​ണ്ണി​ല്‍ പൊ​ടി​യി​ട​ലാ​ണെ​ന്നും ഉ​പ​തെ​ര​ഞ്ഞെ​ടു​പ്പു​ക​ളി​ൽ ഈ ​അ​ന്ത​ർ​ധാ​ര തു​ട​രു​മെ​ന്ന​തി​ന്‍റെ സൂ​ച​ന​ക​ളാ​ണ്​ പു​റ​ത്തു​വ​രു​ന്ന​തെ​ന്നും ചെ​ന്നി​ത്ത​ല പ​റ​ഞ്ഞു.