സി.പി.എം കേ​ന്ദ്ര കമ്മിറ്റി യോഗം; ദേശീയതലത്തിൽ കോൺഗ്രസ്​ സഖ്യത്തെ എതിർക്കില്ല

തി​രു​വ​ന​ന്ത​പു​രം: ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പ്​ ന​യ​ത്തി​ൽ​നി​ന്ന്​ വ്യ​ത്യ​സ്ത​മാ​യി ബം​ഗാ​ളി​ല​ട​ക്കം കോ​ൺ​ഗ്ര​സ്​ സ​ഖ്യ​നീ​ക്ക​ത്തി​ന്​ സി.​പി.​എം കേ​ന്ദ്ര ക​മ്മി​റ്റി​യി​ൽ വി​യോ​ജി​പ്പു​ണ്ടാ​കി​ല്ല.

വി​വി​ധ സം​സ്ഥാ​ന​ങ്ങ​ളി​ൽ ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ക​ഴി​യു​ന്ന രാ​ഷ്ട്രീ​യ പാ​ർ​ട്ടി​ക​ളു​മാ​യി ധാ​ര​ണ​യു​ണ്ടാ​ക്കു​ക​യും സീ​റ്റ്​ വ​ർ​ധി​പ്പി​ക്കു​ക​യും വേ​ണ​മെ​ന്ന പ്ര​ധാ​ന രാ​ഷ്ട്രീ​യ ലൈ​ൻ കേ​ന്ദ്രീ​ക​രി​ച്ചാ​ണ്​ ​തി​രു​വ​ന​ന്ത​പു​ര​ത്ത്​ ആ​രം​ഭി​ച്ച ത്രി​ദി​ന കേ​ന്ദ്ര ക​മ്മി​റ്റി​യി​ലെ ച​ർ​ച്ച​ക​ൾ. ലോ​ക്സ​ഭ തെ​​ര​ഞ്ഞെ​ടു​പ്പി​ൽ ബി.​ജെ.​പി​യെ പ​രാ​ജ​യ​പ്പെ​ടു​ത്തു​ക​യാ​ണ് പ്ര​ധാ​ന​മെ​ന്ന് പോ​ളി​റ്റ് ബ്യൂ​റോ​യി​ൽ ധാ​ര​ണ​യു​ണ്ടാ​യി​രു​ന്നു.

വി​വി​ധ സം​സ്ഥാ​ന​ങ്ങ​ളി​ലെ രാ​ഷ്ട്രീ​യ​സ്ഥി​തി വി​ല​യി​രു​ത്തു​ന്ന യോ​ഗം ക​ണ്ണൂ​ർ കോ​ൺ​ഗ്ര​സി​ൽ സ്വീ​ക​രി​ച്ച രാ​ഷ്ട്രീ​യ അ​ട​വു​ന​യ​ത്തി​ന്​ അ​നു​സൃ​ത​മാ​യി ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ക​ഴി​യും​വി​ധം സ​ഖ്യ​ങ്ങ​ൾ​ക്ക്​ രൂ​പ​രേ​ഖ ത​യാ​റാ​ക്കും. ത​മി​ഴ്​​നാ​ട്ടി​ൽ ഇ​ത്ത​രം സ​ഹ​ക​ര​ണ​ത്തോ​ടെ പാ​ർ​ട്ടി​ക്ക്​ സീ​റ്റ്​ നേ​ടാ​നാ​യി​രു​ന്നു. ഈ ​മാ​തൃ​ക മ​റ്റു സം​സ്ഥാ​ന​ങ്ങ​ളി​ലേ​ക്ക്​ വ്യാ​പി​പ്പി​ക്കും.

കേ​ര​ള​ത്തി​ൽ ബാ​ധി​ക്കു​മെ​ന്ന​തി​നാ​ൽ കോ​ൺ​ഗ്ര​സ്​ സ​ഖ്യ​ത്തെ നേ​ര​ത്തെ ശ​ക്ത​മാ​യി എ​തി​ർ​ത്തി​രു​ന്ന കേ​ര​ള നേ​തൃ​ത്വം ഇ​ക്കു​റി കാ​ര്യ​മാ​യ വി​യോ​ജി​പ്പു​യ​ർ​ത്താ​നി​ട​യി​ല്ല. ദേ​ശീ​യ​ത​ല​ത്തി​ൽ പ​ര​മാ​വ​ധി സീ​റ്റ്​ അ​ക്കൗ​ണ്ടി​ലു​റ​പ്പി​ക്കു​ക പ്ര​ധാ​ന​മാ​യ​തി​നാ​ൽ ദേ​ശീ​യ നേ​തൃ​ത്വ​ത്തി​ന്‍റെ രാ​ഷ്​​ട്രീ​യ ലൈ​നി​ന്​ പി​ന്തു​ണ ന​ൽ​കാ​നാ​ണ്​ സാ​ധ്യ​ത.

ബി.​ജെ.​പി​ക്കെ​തി​രെ പ്ര​തി​പ​ക്ഷ പാ​ർ​ട്ടി​ക​ളെ ഒ​ന്നി​ച്ച​ണി​നി​ര​ത്തു​ന്ന സം​വി​ധാ​ന​മെ​ന്ന നി​ല​യി​ൽ ഇ​ൻ​ഡ്യ മു​ന്ന​ണി​യെ കു​റി​ച്ചു​ള്ള പാ​ർ​ട്ടി നി​ല​പാ​ട് കേ​ന്ദ്ര ക​മ്മി​റ്റി​യി​ൽ ആ​വ​ർ​ത്തി​ക്കും. നി​തീ​ഷ്​ കു​മാ​ർ മു​ന്ന​ണി വി​ട്ട​തും ബം​ഗാ​ളി​ൽ മ​മ​ത ബാ​ന​ർ​ജി വി​യോ​ജി​പ്പു​ന്ന​യി​ച്ച​തും ക​ല്ലു​ക​ടി​യാ​കു​ന്ന സാ​ഹ​ച​ര്യ​ത്തി​ൽ മു​ന്ന​ണി​യി​ലെ ഐ​ക്യ​ത്തി​നാ​യി സി.​പി.​എം നി​ല​കൊ​ള്ളും. അ​തേ​സ​മ​യം ഇ​ൻ​ഡ്യ മു​ന്ന​ണി​ക്ക്​ സം​ഘ​ട​ന ഘ​ട​ന​യു​ണ്ടാ​ക്കു​ന്ന​തി​നെ പാ​ർ​ട്ടി എ​തി​ർ​ക്കും.

കേ​ന്ദ്ര സ​ർ​ക്കാ​ർ കേ​ര​ള​ത്തെ സാ​മ്പ​ത്തി​ക​മാ​യി ശ്വാ​സം മു​ട്ടി​ക്കു​ന്ന​തും ഗ​വ​ർ​ണ​ർ ബി.​ജെ.​പി​യു​ടെ ച​ട്ടു​ക​മാ​യി പ്ര​വ​ർ​ത്തി​ക്കു​ന്ന​തും യോ​ഗം ച​ർ​ച്ച ചെ​യ്​​തേ​ക്കും. ഈ ​വി​ഷ​യ​ത്തി​ൽ പ്ര​സ്താ​വ​ന​ക്കും സാ​ധ്യ​ത​യു​ണ്ട്. ഗ​വ​ർ​ണ​റു​ടെ നീ​ക്ക​ങ്ങ​ൾ ഭ​ര​ണ​ഘ​ട​ന പ​ദ​വി​ക്ക്​ നി​ര​ക്കാ​ത്ത​താ​​ണെ​ന്നാ​ണ്​ ദേ​ശീ​യ നേ​തൃ​ത്വ​ത്തി​ന്‍റെ നി​ല​പാ​ട്​.