സി.പി.എം നേതാവ്​ പി.എ.മത്തായി നിര്യാതനായി

അങ്കമാലി: അങ്കമാലിയിലെ സി.പി.എമ്മി​​െൻറ പ്രമുഖ ട്രേഡ് യൂണിയൻ നേതാവ്​ പി.എ.മത്തായി (72) നിര്യാതനായി. സി.പി.എം ലോക്കൽ സെക്രട്ടറി, ഏരിയാ കമ്മിറ്റി അംഗം, സി.ഐ.ടി.യു ഏരിയ സെക്രട്ടറി എന്നീ നിലകളിൽ ദീർഘകാലം പ്രവർത്തിച്ചിട്ടുണ്ട്. സി.പി.എം കേന്ദ്ര കമ്മിറ്റി അംഗവും സംസ്ഥാന വനിത കമ്മീഷൻ അദ്ധ്യക്ഷയുമായ ശ്രീമതി എം.സി.ജോസഫൈൻ ഭാര്യയാണ്.

അങ്കമാലി നഗരഭ രൂപീകരണ കാലത്ത് അദ്ദേഹം കൗൺസിലറായും പ്രവർത്തിച്ചിട്ടുണ്ട്​. മൃതദേഹം രാവിലെ 9.30 വീട്ടിൽ കൊണ്ടുവരികയും 10.30 കളമശ്ശേരി മെഡിക്കൽ കോളേജിന് വിട്ടുകൊടുക്കുകയും ചെയ്യും.