സി.പി.എം നേതൃയോഗം; തൊലിപ്പുറത്തുള്ള ചികിത്സ പോരാ, വേണ്ടത്​ ആഴത്തിലുള്ള പരിഹാരക്രിയ

തി​രു​വ​ന​ന്ത​പു​രം: ന​ഷ്ട​പ്പെ​ട്ട ജ​ന​വി​ശ്വാ​സ​മാ​ർ​ജി​ക്കാ​ൻ തൊ​ലി​പ്പു​റ​ത്തു​ള്ള ചി​കി​ത്സ​ക്ക്​ പ​ക​രം ആ​ഴ​ത്തി​ലു​ള്ള പ​രി​ഹാ​ര​ക്രി​യ അ​നി​വാ​ര്യ​മെ​ന്ന്​ സി.​പി.​എം സം​സ്ഥാ​ന ക​മ്മി​റ്റി​യോ​ഗ​ത്തി​ൽ പ്ര​തി​നി​ധി​ക​ൾ. ഭ​ര​ണ​ത്തു​ട​ർ​ച്ച​ക്കു​ ശേ​ഷം സ​ർ​ക്കാ​ർ ജ​ന​ങ്ങ​ളി​ൽ​നി​ന്ന​ക​ന്നു. ​ഒ​രു ഭാ​ഗ​ത്ത്​ സേ​വ​ന​ങ്ങ​ൾ​ക്കു​ള്ള നി​ര​ക്കു​യ​രു​ക​യും ജീ​വി​ത​ച്ചെ​ല​വ്​ വ​ർ​ധി​ക്കു​ക​യും ​ചെ​യ്ത​പ്പോ​ൾ മ​റു​ഭാ​ഗ​ത്ത്​ ക്ഷേ​മ​പ്ര​വ​ർ​ത്ത​ന​ങ്ങ​ൾ മു​ട​ങ്ങി. ഇ​ത്​ അ​ടി​സ്ഥാ​ന വി​ഭാ​ഗ​ങ്ങ​ളി​ൽ ക​ടു​ത്ത അ​തൃ​പ്തി​യു​ണ്ടാ​ക്കി. സി.​പി.​എ​മ്മി​ന്‍റെ ഉ​റ​ച്ച വോ​ട്ടു​ബാ​ങ്കു​ക​ളാ​യ ഈ ​വി​ഭാ​ഗ​വും പാ​ർ​ട്ടി​യി​ൽ​നി​ന്ന്​ അ​ക​ന്ന​ത്​ വ​ള​രെ പ്ര​തീ​ക്ഷ വെ​ച്ച മ​ണ്ഡ​ല​ങ്ങ​ളി​ൽ പോ​ലും ജ​ന​വി​ധി​യെ ബാ​ധി​ച്ചു. ചി​ല നേ​താ​ക്ക​ളു​ടെ ​ശൈ​ലി​യും വാ​ക്കു​ക​ളും പ്ര​യോ​ഗ​ങ്ങ​ളും വ​​രെ ജ​ന​ങ്ങ​ളി​ൽ പാ​ർ​ട്ടി​ക്കെ​തി​രെ എ​തി​ർ​വി​കാ​ര​മു​ണ്ടാ​ക്കാ​ൻ ഇ​ട​യാ​ക്കി.

തു​ട​ർ​ഭ​ര​ണ​ത്തി​നു​ ശേ​ഷം ജ​ന​കീ​യ വി​ഷ​യ​ങ്ങ​ളി​ല​ട​ക്കം സ്വീ​ക​രി​ച്ച സ​മീ​പ​ന​ങ്ങ​ൾ ഇ​ത്ത​ര​ത്തി​ൽ ജ​ന​ങ്ങ​ളെ പാ​ർ​ട്ടി​യി​ൽ​നി​ന്ന്​ അ​ക​റ്റാ​ൻ ഇ​ട​യാ​ക്കി. സി​ൽ​വ​ർ​ലൈ​ൻ സ​മ​ര ഘ​ട്ട​ത്തി​ല​ട​ക്ക​മു​ണ്ടാ​യ പ​രാ​മ​ർ​ശ​ങ്ങ​ളും ജ​ന​ത്തെ എ​തി​രാ​ക്കി. പൂ​ക്കോ​ട്​ സ​ർ​വ​ക​ലാ​ശാ​ല​യി​ലെ സി​ദ്ധാ​ർ​ഥ​ന്‍റെ മ​ര​ണ​വു​മാ​യി ബ​ന്ധ​​​പ്പെ​ട്ട സം​ഭ​വ​ങ്ങ​ൾ ചെ​റു​പ്പ​ക്കാ​രി​ലും അ​മ്മ​മാ​രി​ലു​മ​ട​ക്കം പാ​ർ​ട്ടി​ക്കെ​തി​രെ വി​കാ​ര​മു​ണ്ടാ​കാ​ൻ ഇ​ട​യാ​ക്കി. യു.​ഡി.​എ​ഫും ബി.​ജെ.​പി​യും വി​ഷ​യം പ്ര​ചാ​ര​ണാ​യു​ധ​മാ​ക്കി​യ​​​​പ്പോ​ഴൊ​ക്കെ പ്ര​തി​രോ​ധി​ക്കാ​നും ക​ഴി​യാ​ത്ത സ്ഥി​തി​യു​ണ്ടാ​യി. കാ​മ്പ​സു​ക​ളി​ലെ ഇ​ട​തു വി​ദ്യാ​ർ​ഥി സം​ഘ​ട​ന പ്ര​വ​ർ​ത്ത​ന​ങ്ങ​ളി​ൽ കൂ​ടു​ത​ൽ ജാ​ഗ്ര​ത വേ​ണ​മെ​ന്ന വി​ല​യി​രു​ത്ത​ലും പൊ​തു​വി​ലു​യ​ർ​ന്നു. സാ​മ്പ​ത്തി​ക പ്ര​തി​സ​ന്ധി സ​ർ​ക്കാ​റി​ന്‍റെ ക്ഷേ​മ​പ്ര​വ​ർ​ത്ത​ന​ങ്ങ​ളെ വ​ലി​യ തോ​തി​ൽ ബാ​ധി​​ച്ചെ​ങ്കി​ലും ഇ​തു​ ജ​ന​ങ്ങ​ളെ ബോ​ധ്യ​പ്പെ​ടു​ത്തു​ന്ന​തി​ലും കേ​​ന്ദ്ര​സ​ർ​ക്കാ​റി​നെ​തി​രെ പൊ​തു​വി​കാ​രം സൃ​ഷ്​​ടി​ക്കു​ന്ന​തി​ലും പ​രാ​ജ​യ​പ്പെ​ട്ടു.

വി​വി​ധ സാ​മു​ദാ​യി​ക വി​ഭാ​ഗ​ങ്ങ​ളു​ടെ പ​ര​മ്പ​രാ​ഗ​ത​മാ​യു​ള്ള വോ​ട്ടി​ങ്​ പാ​റ്റേ​ണി​ൽ വ​ലി​യ മാ​റ്റ​ങ്ങ​ളു​ണ്ടാ​യി. ര​ണ്ടു പ​ക്ഷ​ത്തു​മാ​യി നി​ല​യു​റ​പ്പി​ച്ചി​രു​ന്ന സ​മു​ദാ​യ വോ​ട്ടു​ക​ൾ മൂ​ന്നാ​മ​തൊ​രു ഓ​പ്​​ഷ​നി​ലേ​ക്ക്​ ക്ര​മ​മാ​യി മാ​റു​ന്നു​ണ്ട്. പി​ന്നാ​ക്ക വി​ഭാ​ഗ​ങ്ങ​ളി​​ലെ നേ​താ​ക്കാ​ൾ ദേ​ശീ​യ ത​ല​ത്തി​ൽ ബി.​ജെ.​പി ചേ​രി​യി​ലു​ണ്ടാ​യ​തി​ല​ന്‍റെ പ്ര​തി​ഫ​ല​ന​ങ്ങ​ൾ നേ​രി​യ തോ​തി​ൽ കേ​ര​ള​ത്തി​ലെ പി​ന്നാ​ക്ക വോ​ട്ടി​ലും പ്ര​തി​ഫ​ലി​ക്കു​ന്നു​ണ്ട്. ഇ​തി​നു​ പു​റ​മേ, ഈ​ഴ​വ വോ​ട്ടു​ക​ളി​ൽ​നി​ന്ന്​ ബി.​ജെ.​പി​യി​ലേ​ക്കു​ള്ള ചോ​ർ​ച്ച​യും ഗൗ​ര​വ​ത്തോ​​ടെ കാ​ണ​ണ​മെ​ന്ന്​ സം​സ്ഥാ​ന ക​മ്മി​റ്റി യോ​ഗ​ത്തി​ൽ അ​വ​ത​രി​പ്പി​ച്ച്​ സം​ഘ​ട​ന റി​പ്പോ​ർ​ട്ടി​ലും അ​ടി​വ​ര​യി​ടു​ന്നു.

ആ​ല​പ്പു​ഴ, ആ​റ്റി​ങ്ങ​ൽ മ​ണ്ഡ​ല​ങ്ങ​ളി​ലെ വോ​ട്ടു​ചോ​ർ​ച്ച​യാ​ണ്​ പ്ര​ധാ​ന​മാ​യും റി​പ്പോ​ർ​ട്ടി​ൽ അ​ടി​വ​ര​യി​ടു​ന്ന​ത്. സ​ർ​ക്കാ​റും പാ​ർ​ട്ടി​യും യോ​ജി​ച്ച്​ പ്ര​വ​ർ​ത്തി​ക്കു​ക​യും കൃ​ത്യ​മാ​യി തി​രു​ത്ത​ൽ ന​ട​പ​ടി പി​ന്തു​ട​രു​ക​യും ചെ​യ്താ​ൽ 2021ലേ​തി​ന്​ സ​മാ​നം നി​ല​വി​ലെ തി​രി​ച്ച​ടി​യെ മ​റി​ക​ട​ക്കാ​നാ​കു​മെ​ന്നും യോ​ഗ​ത്തി​ൽ വി​ല​യി​രു​ത്ത​ലു​ണ്ടാ​യി. പ​രാ​ജ​യം വി​ല​യി​രു​ത്തു​ന്ന​തി​ന്​ ര​ണ്ടു ദി​വ​സം നീ​ണ്ട സെ​ക്ര​ട്ടേ​റി​യ​റ്റും മൂ​ന്നു​ ദി​വ​സം നീ​ളു​ന്ന സം​സ്ഥാ​ന ക​മ്മി​റ്റി​യു​മ​ട​ക്കം അ​ഞ്ചു​ ദി​വ​സ​ങ്ങ​ളി​ലാ​യി നി​ശ്ച​യി​ച്ച നേ​തൃ​യോ​ഗ​ങ്ങ​ൾ​ വ്യാ​ഴാ​ഴ്ച അ​വ​സാ​നി​ക്കും.