സി.പി.എം തൃശൂർ ജില്ല സമ്മേളനം ചുരുക്കി; പൊ​തു​സ​മ്മേ​ള​നം വെ​ർ​ച്വൽ

തൃ​ശൂ​ർ: കോ​വി​ഡ് അ​തി​വ്യാ​പ​നം കാ​ര​ണം സി.​പി.​എം ജി​ല്ല സ​മ്മേ​ള​ന പ​രി​പാ​ടി​ക​ൾ ചു​രു​ക്കി. കോ​വി​ഡ് നി​യ​ന്ത്ര​ണ​ങ്ങ​ൾ​ക്കി​ടെ സ​മ്മേ​ള​ന പ​രി​പാ​ടി​ക​ൾ കൊ​ട്ടി​ഘോ​ഷി​ച്ച്​ ന​ട​ത്തു​ന്ന​തി​നെ​തി​രെ വി​മ​ർ​ശ​നം ഉ‍‍യ​ർ​ന്ന​തോ​ടെ​യാ​ണ് ഇ​ത്.

30.2 ആ​ണ് ജി​ല്ല​യി​ലെ ടെ​സ്റ്റ് പോ​സി​റ്റി​വി​റ്റി നി​ര​ക്ക്. ഈ ​മാ​സം 21 മു​ത​ൽ 23 വ​രെയാ​ണ് സ​മ്മേ​ള​നം. ഞാ​യ​റാ​ഴ്ച ചേ​ർ​ന്ന ജി​ല്ല സെ​ക്ര​ട്ടേ​റി​യ​റ്റ് യോ​ഗം ആ​ൾ​ക്കൂ​ട്ട പ​രി​പാ​ടി​ക​ൾ ഒ​ഴി​വാ​ക്കാ​ൻ തീ​രു​മാ​നി​ച്ചു. 21 മു​ത​ൽ 23 വ​രെ ന​ട​ക്കു​ന്ന പ്ര​തി​നി​ധി സ​മ്മേ​ള​ന​ത്തി​ൽ പ​ങ്കെ​ടു​ക്കു​ന്ന​വ​രു​ടെ എ​ണ്ണം 200ന് ​താ​ഴെ​യാ​ക്കും.

19നും 20​നു​മാ​യി ന​ട​ക്കു​ന്ന പ​താ​ക, കൊ​ടി​മ​ര, ദീ​പ​ശി​ഖ റാ​ലി​ക​ളി​ൽ പ​ങ്കെ​ടു​ക്കു​ന്ന​വ​രു​ടെ എ​ണ്ണ​വും ചു​രു​ക്കി. പൊ​തു​സ​മ്മേ​ള​നം വെ​ർ​ച്വ​ലാ​ക്കി. 22ന് ​തേ​ക്കി​ൻ​കാ​ട് മൈ​താ​നി​യി​ലെ സെ​മി​നാ​ർ സാ​ഹി​ത്യ അ​ക്കാ​ദ​മി​യി​ലേ​ക്ക് മാ​റ്റി. കേ​ന്ദ്രീ​ക​രി​ച്ച പൊ​തു​സ​മ്മേ​ള​ന പ​രി​പാ​ടി​ക​ൾ മാ​റ്റി.

എ​ല്ലാ പ​രി​പാ​ടി​ക​ളും കോ​വി​ഡ് മാ​ന​ദ​ണ്ഡം പാ​ലി​ച്ചാ​ണ് ന​ട​ക്കു​ക​യെ​ന്ന് ജി​ല്ല സെ​ക്ര​ട്ട​റി എം.​എം. വ​ർ​ഗീ​സും സ്വാ​ഗ​ത​സം​ഘം ജ​ന​റ​ൽ ക​ൺ​വീ​ന​ർ യു.​പി. ജോ​സ​ഫും അ​റി​യി​ച്ചു. തെ​ക്കും​ക​ര വെ​സ്റ്റ് ലോ​ക്ക​ൽ ക​മ്മി​റ്റി ന​ട​ത്തി​യ തി​രു​വാ​തി​ര​ക​ളി വി​വാ​ദ​മാ​യ സാ​ഹ​ച​ര്യ​ത്തി​ൽ ഇ​ത്ത​രം പ​രി​പാ​ടി​ക​ൾ സം​ഘ​ടി​പ്പി​ക്കേ​ണ്ട​തി​ല്ലെ​ന്നും നി​ർ​ദേ​ശി​ച്ചി​ട്ടു​ണ്ട്.

തെക്കുംകര തിരുവാതിര: സി.പി.എമ്മിൽ അതൃപ്തി

തൃ​ശൂ​ർ ജി​ല്ല സ​മ്മേ​ള​ന​ത്തോ​ട​നു​ബ​ന്ധി​ച്ച് വ​ട​ക്കാ​ഞ്ചേ​രി തെ​ക്കും​ക​ര​യി​ൽ മെ​ഗാ തി​രു​വാ​തി​ര​ക​ളി സം​ഘ​ടി​പ്പി​ച്ച​തി​ൽ സി.​പി.​എ​മ്മി​ൽ അ​തൃ​പ്തി. സ​മ്മേ​ള​ന പ​രി​പാ​ടി​ക​ൾ ആ​ലോ​ചി​ക്കാ​ൻ ചേ​ർ​ന്ന ജി​ല്ല സെ​ക്ര​ട്ടേ​റി​യ​റ്റ് യോ​ഗം തി​രു​വാ​തി​ര​ക​ളി ച​ർ​ച്ച ചെ​യ്​​തു. തി​രു​വ​ന​ന്ത​പു​ര​ത്തെ മെ​ഗാ തി​രു​വാ​തി​ര​ക​ളി വി​വാ​ദ​മാ​യി​രി​ക്കെ അ​ന​വ​സ​ര വി​വാ​ദ​ങ്ങ​ളു​ണ്ടാ​വാ​തി​രി​ക്കാ​ൻ ശ്ര​ദ്ധി​ക്കു​ന്ന​തി​ൽ മു​തി​ർ​ന്ന നേ​താ​ക്ക​ൾ​ക്കു പോ​ലും വീ​ഴ്ച​യു​ണ്ടാ​യെ​ന്നാ​ണ് ജി​ല്ല സെ​ക്ര​ട്ടേ​റി​യ​റ്റി​ൽ അ​ഭി​പ്രാ​യ​മു​യ​ർ​ന്ന​ത്.

എ​ന്നാ​ൽ, കോ​വി​ഡ് ച​ട്ട ലം​ഘ​ന​മു​ണ്ടാ​യി​ട്ടി​ല്ലെ​ന്ന് സി.​പി.​എം ജി​ല്ല സെ​ക്ര​ട്ട​റി എം.​എം. വ​ർ​ഗീ​സ് അ​റി​യി​ച്ചു. മാ​സ്ക് ധ​രി​ച്ചും സാ​മൂ​ഹി​ക അ​ക​ലം പാ​ലി​ച്ചും ആ​ൾ​ക്കൂ​ട്ടം ഒ​ഴി​വാ​ക്കി​യു​മാ​ണ് പ​രി​പാ​ടി സം​ഘ​ടി​പ്പി​ച്ച​ത്. 80 പേ​രാ​ണ് പ​ങ്കെ​ടു​ത്ത​ത്.

അ​തി​നി​ടെ, കോ​വി​ഡ് കാ​ല​ത്തെ മെ​ഗാ തി​രു​വാ​തി​ര​ക​ളി​ക്കെ​തി​രെ കേ​സെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് കോ​ൺ​ഗ്ര​സ് പൊ​ലീ​സി​ൽ പ​രാ​തി ന​ൽ​കി. കെ.​പി.​സി.​സി സെ​ക്ര​ട്ട​റി രാ​ജേ​ന്ദ്ര​ൻ അ​ര​ങ്ങ​ത്താ​ണ് സി​റ്റി പൊ​ലീ​സ് ക​മീ​ഷ​ണ​ർ​ക്ക് പ​രാ​തി ന​ൽ​കി​യ​ത്.

സം​ഘാ​ട​ക സ​മി​തി​ക്കും പ​രി​പാ​ടി സം​ഘ​ടി​പ്പി​ച്ച സി.​പി.​എം തെ​ക്കും​ക​ര വെ​സ്റ്റ് ലോ​ക്ക​ൽ ക​മ്മി​റ്റി അം​ഗ​ങ്ങ​ൾ​ക്കും കാ​ഴ്ച​ക്കാ​ർ​ക്കും എ​തി​രെ കോ​വി​ഡ് നി​യ​ന്ത്ര​ണ ലം​ഘ​ന​ത്തി​ന് കേ​സെ​ടു​ക്ക​ണ​മെ​ന്നാ​ണ് ആ​വ​ശ്യം. തെ​ക്കും​ക​ര ഊ​രാം​കോ​ട് അ​യ്യ​പ്പ​ക്ഷേ​ത്ര പ​രി​സ​ര​ത്താണ്​ തി​രു​വാ​തി​ര​ക​ളി സം​ഘ​ടി​പ്പി​ച്ച​ത്.