മതത്തിന്‍റെ പേരിൽ ജലീലിന് രക്തസാക്ഷി പരിവേഷം നൽകാൻ സി.പി.എം ശ്രമിക്കുന്നു- കെ. സുരേന്ദ്രൻ

തി​രു​വ​ന​ന്ത​പു​രം: മതത്തിന്‍റെ പേരിൽ മ​ന്ത്രി ജലീലിന് രക്തസാക്ഷി പരിവേഷം നൽകാൻ സി.പി.എം ശ്രമിക്കുന്നുവെന്ന് ബി​.ജെ.പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ. വ​ർ​ഗീ​യ രാ​ഷ്ട്രീ​യം സി.​പി​.എ​മ്മി​ന് തി​രി​ച്ച​ടി​യാ​കും. വര്‍ഗീയ ധ്രുവീകരണം ഉണ്ടാക്കി നേട്ടമുണ്ടാനുള്ള ശ്രമം അപകടരമാണ്. സി​.പി.​എ​മ്മി​ന്‍റെ അ​ണി​ക​ൾ ഇ​തി​നെ പി​ന്തു​ണ​ക്കു​മെ​ന്നാ​ണോ പാ​ർ​ട്ടി​യു​ടെ ധാ​ര​ണയെന്നും സുരേന്ദ്രൻ ചോദിച്ചു.

ജ​ലീ​ലി​ന് അ​ന്വേ​ഷ​ണ ഏ​ജ​ൻ​സി​ക​ൾ ക്ലീ​ൻ​ചി​റ്റ് ന​ൽ​കി​യി​ട്ടി​ല്ല. ഖു​റാ​നെ അ​വ​ഹേ​ളി​ക്കു​ന്ന​ത് ജ​ലീ​ലാ​ണെ​ന്നും കെ.സുരേന്ദ്രൻ വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു. ജ​ലീ​ൽ ചോ​ദ്യം ചെ​യ്യ​ലി​ന് വി​ധേ​യ​നാ​യി​ട്ടു​ള്ള​ത് ച​ട്ട​ലം​ഘ​നക്കേസിൽ അ​ല്ല. ഭീ​ക​ര​വാ​ദം, ഗൂ​ഢാ​ലോ​ച​ന തു​ട​ങ്ങി​യ കേ​സു​ക​ളു​മാ​യി ബ​ന്ധ​പ്പെ​ട്ടാ​ണ്. ഖു​റാ​ൻ ക​ട​ത്തു​ന്ന​ത് നി​യ​മ​ലം​ഘ​ന​മാ​ണോ എ​ന്നാ​ണ് കോ​ടി​യേ​രി ബാ​ല​കൃ​ഷ്ണ​ൻ ചോ​ദി​ക്കു​ന്ന​ത്.

ഈ​ന്ത​പ്പ​ഴ​ത്തെ​യും വ​ർ​ഗീ​യ നേ​ട്ട​മാ​ക്കു​മോ എ​ന്നാ​ണ് സി​.പി​.എം നോ​ക്കു​ന്ന​ത്. വി​ശു​ദ്ധ ഗ്ര​ന്ഥ​ത്തെ മ​റ​യാ​ക്കി സ്വ​ർ​ണം ക​ട​ത്തി​യോ എ​ന്നാ​ണ് സി​.പി​.എം പ​രി​ശോ​ധി​ക്കേ​ണ്ട​തെ​ന്നും അ​ദ്ദേ​ഹം പ​റ​ഞ്ഞു.

വി​ശു​ദ്ധ ഗ്ര​ന്ഥ​ത്തെ അ​പ​മാ​നി​ച്ച​ത് ജ​ലീ​ലാ​ണ്. ഖു​റാ​ൻ വി​ത​ര​ണം ചെ​യ്യ​ണ​മാ​യി​രു​ന്നെ​ങ്കി​ൽ വ​ഖ​ഫ് ബോ​ർ​ഡി​ൽ എ​ൽ​പ്പി​ക്കാ​മാ​യി​രു​ന്ന​ല്ലോ. ഇ​തി​നാ​യി വ​ഖ​ഫി​ന്‍റെ വാ​ഹ​ന​ങ്ങ​ൾ ഉ​പ​യോ​ഗി​ക്കാ​മാ​യി​രു​ന്ന​ല്ലോ? എ​ന്തി​നാ​ണ് ഒ​ളി​ച്ചു​ക​ട​ത്തി​യ​തെ​ന്നും സുരേന്ദ്രൻ ചോ​ദി​ച്ചു.