ശുചിത്വ കേരളത്തിന് കാമ്പയിനുമായി സി.പി.എം; വീടുകയറി ബോധവത്​കരണം നടത്തും

തിരുവനന്തപുരം: ശുചിത്വ കേരളത്തിനായി ​സി.പി.എം നേതൃത്വത്തിൽ വീടുകയറി ബോധവത്​കരണം നടത്തും. മേയ്​ രണ്ടുമുതൽ 14 വരെ രണ്ടുഘട്ടങ്ങളായാണ്​ പ്രചാരണം. വീടുകയറിയുള്ള ബോധവത്​കരണ ​പ്രവർത്തനങ്ങൾക്കൊപ്പം നിശ്ചിതകേന്ദ്രങ്ങളിൽ ജനകീയ ശുചീകരണ പ്രവർത്തനങ്ങളും നടത്തും. ഉറവിടത്തിൽതന്നെ മാലിന്യം സംസ്കരിക്കുന്ന സംവിധാനം വ്യാപിപ്പിക്കുകയും ശാസ്ത്രീയ മാലിന്യ സംസ്കരണ സംവിധാനങ്ങ​ൾക്കെതിരായ എതിർപ്പ്​ നീക്കുകയുമാണ്​ കേരളത്തിന്‍റെ ശുചിത്വ ​പ്രശ്നങ്ങൾക്കുള്ള പരിഹാരമെന്ന്​ സി.പി.എം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു.

വിഷുക്കാലത്ത്​ വിഷരഹിത പച്ചക്കറി ലഭ്യമാക്കാൻ മെയ്​ 12,13,14 തീയതികളിൽ വിഷുക്കാല പച്ചക്കറി ചന്ത സംഘടിപ്പിക്കും. പ്രാദേശികമായി ഉൽപാദിപ്പിച്ച പച്ചക്കറികളാകും ചന്തയിൽ ലഭ്യമാക്കുക. വൈക്കം സത്യഗ്രഹത്തിന്‍റെ നൂറാം വാർഷികവുമായി ബന്ധപ്പെട്ട്​ സി.പി.എം വിപുലമായ പരിപാടികൾ സംഘടിപ്പിക്കും. എ.കെ.ജി പഠന ഗവേഷണ കേ​ന്ദ്രത്തിന്‍റെ ആഭിമുഖ്യത്തിലുള്ള ദേശീയതല സെമിനാർ ഏപ്രിൽ 24ന്​ തിരുവനന്തപുരത്ത്​ നടക്കും. എല്ലാ ജില്ലകളിലും നവോത്ഥാന സമരകേന്ദ്രങ്ങളുമായി ബന്ധപ്പെട്ട്​ വിപുലമായ പരിപാടികൾ ജില്ലതലത്തിലും സംഘടിപ്പിക്കും.