സി.പി.ഒ റാങ്ക് ലിസ്റ്റിൽ ഗുരുതരവീഴ്ച

തി​രു​വ​ന​ന്ത​പു​രം: സി.​പി.​ഒ റാ​ങ്ക് ലി​സ്റ്റ് ത​യാ​റാ​ക്കി​യ​തി​ൽ പി.​എ​സ്‌.​സി​ക്ക് ഗു​രു​ത​ര​വീ​ഴ്ച്ച. ശാ​രീ​രി​ക പ​രി​ശോ​ധ​ന​യി​ൽ പ​രാ​ജ​യ​പ്പെ​ട്ട 12 ഉ​ദ്യോ​ഗാ​ർ​ഥി​ക​ളെ റാ​ങ്ക് ലി​സ്റ്റി​ൽ ഉ​ൾ​പ്പെ​ടു​ത്തി. തെ​റ്റ്​ ക​ണ്ടെ​ത്തി​യ​തോ​ടെ 12 പേ​രെ​യും മൂ​ന്ന് മാ​സ​ത്തി​ന് ശേ​ഷം പു​റ​ത്താ​ക്കി പി.​എ​സ്.​സി വി​ജ്ഞാ​പ​ന​മി​റ​ക്കി. സം​ഭ​വ​ത്തി​ൽ കു​റ്റ​ക്കാ​രാ​യ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി​ക്കൊ​രു​ങ്ങു​ക​യാ​ണ് കേ​ര​ള പ​ബ്ലി​ക് സ​ർ​വി​സ് ക​മീ​ഷ​ൻ.

കാ​യി​ക​ക്ഷ​മ​ത പ​രീ​ക്ഷ​യി​ൽ ആ​ദ്യം ഉ​ദ്യോ​ഗാ​ർ​ഥി​യു​ടെ ശാ​രീ​രി​ക അ​ള​വെ​ടു​പ്പും പി​ന്നീ​ട് കാ​യി​ക​ക്ഷ​മ​ത പ​രീ​ക്ഷ​യു​മാ​ണ് ന​ട​ത്തു​ന്ന​ത്. ശാ​രീ​രി​ക അ​ള​വെ​ടു​പ്പി​ൽ ചെ​റി​യ കു​റ​വു​ക​ൾ മാ​ത്ര​മാ​ണെ​ങ്കി​ൽ അ​ത്ത​രം ഉ​ദ്യോ​ഗാ​ർ​ഥി​യെ കാ​യി​ക​ക്ഷ​മ​ത പ​രീ​ക്ഷ​യി​ൽ പ​ങ്കെ​ടു​ക്കാ​ൻ അ​നു​വ​ദി​ക്കാ​റു​ണ്ട്. കാ​യി​ക​ക്ഷ​മ​ത പ​രീ​ക്ഷ​യി​ലെ കാ​യി​ക ഇ​ന​ങ്ങ​ൾ ഇ​വ​ർ വി​ജ​യി​ക്കു​ക​യാ​ണെ​ങ്കി​ൽ മാ​ത്രം ശാ​രീ​രി​ക അ​ള​വെ​ടു​പ്പ് വീ​ണ്ടും ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് ഉ​ദ്യോ​ഗാ​ർ​ഥി​ക​ൾ​ക്ക് പി.​എ​സ്.​സി​ക്ക് അ​പ്പീ​ൽ ന​ൽ​കാം. അ​പ്പീ​ലി​ന്‍റെ അ​ടി​സ്ഥാ​ന​ത്തി​ൽ കാ​യി​ക​ക്ഷ​മ​ത പ​രീ​ക്ഷ പാ​സാ​യ​വ​ർ​ക്ക് മാ​ത്ര​മാ​യി പി.​എ​സ്.​സി പു​ന​ര​ള​വെ​ടു​പ്പ് ന​ട​ത്തും.

ഇ​ത്ത​ര​ത്തി​ൽ ആ​ദ്യ​ഘ​ട്ട​ത്തി​ൽ ശാ​രീ​രി​ക അ​ള​വെ​ടു​പ്പി​ൽ പ​രാ​ജ​യ​പ്പെ​ടു​ക​യും എ​ന്നാ​ൽ കാ​യി​ക​പ​രീ​ക്ഷ​ക​ളി​ൽ വി​ജ​യി​ക്കു​ക​യും ചെ​യ്ത 72 ഉ​ദ്യോ​ഗാ​ർ​ഥി​ക​ളാ​ണ് പി.​എ​സ്.​സി​ക്ക് അ​പ്പീ​ൽ ന​ൽ​കി​യ​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ പി.​എ​സ്.​സി അം​ഗ​ത്തി​ന്‍റെ മേ​ൽ​നോ​ട്ട​ത്തി​ൽ പി.​എ​സ്.​സി ആ​സ്ഥാ​ന​ത്ത് ഫി​സി​ക്ക​ൽ എ​ജു​ക്കേ​ഷ​ൻ അ​ധ്യാ​പ​ക​ന്‍റെ നേ​തൃ​ത്വ​ത്തി​ലാ​ണ് പു​ന​ര​ള​വെ​ടു​പ്പ് ന​ട​ന്ന​ത്. അ​ള​വെ​ടു​പ്പി​ൽ 37 പേ​ർ വി​ജ​യി​ക്കു​ക​യും 35 പേ​ർ പ​രാ​ജ​യ​പ്പെ​ടു​ക​യും ചെ​യ്തു. മെ​ഷ​ർ​മെ​ന്‍റ് ഷീ​റ്റി​ല​ട​ക്കം ഈ ​വി​വ​ര​ങ്ങ​ൾ രേ​ഖ​പ്പെ​ടു​ത്തി റാ​ങ്ക് ലി​സ്റ്റ് ത​യാ​റാ​ക്കു​ന്ന സെ​ക്ഷ​നി​ലേ​ക്ക് വി​വ​ര​ങ്ങ​ൾ കൈ​മാ​റി​യെ​ങ്കി​ലും പ​രാ​ജ​യ​പ്പെ​ട്ട 35 പേ​രി​ൽ 12 പേ​ർ അ​ന്തി​മ റാ​ങ്ക് ലി​സ്റ്റി​ൽ ക​യ​റി​ക്കൂ​ടു​ക​യാ​യി​രു​ന്നു. ഗു​രു​ത​ര പി​ശ​ക് പി.​എ​സ്.​സി​യു​ടെ ത​ന്നെ റാ​ങ്ക് ലി​സ്റ്റ് പ​രി​ശോ​ധ​ന​സം​ഘം ക​ണ്ടെ​ത്തി​യ​തോ​ടെ​യാ​ണ് സം​ഭ​വം പു​റ​ത്താ​യ​ത്. തു​ട​ർ​ന്ന് റാ​ങ്ക് ലി​സ്റ്റി​ൽ​നി​ന്ന് 12 പേ​രെ​യും ഒ​ഴി​വാ​ക്കു​ന്ന​തി​ന്‍റെ ഭാ​ഗ​മാ​യി ഉ​ദ്യോ​ഗാ​ർ​ഥി​ക​ൾ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കു​ക‍യും ഉ​ദ്യോ​ഗാ​ർ​ഥി​ക​ളു​ടെ മ​റു​പ​ടി​ക്ക​നു​സൃ​ത​മാ​യി ജൂ​ലൈ ര​ണ്ടി​ന് തി​രു​ത്ത​ൽ വി​ജ്ഞാ​പ​നം പു​റ​ത്തി​റ​ക്കി ക​ഴി​ഞ്ഞ ദി​വ​സം 12 പേ​രെ​യും ഒ​ഴി​വാ​ക്കു​ക​യാ​യി​രു​ന്നു. സം​ഭ​വ​ത്തി​ൽ കു​റ്റ​ക്കാ​രാ​യ ഉ​ദ്യോ​ഗ​സ്ഥ​ർ​ക്കെ​തി​രെ വി​ശ​ദീ​ക​ര​ണം തേ​ടി​യു​ണ്ടെ​ന്നും ഇ​വ​ർ​ക്കെ​തി​രെ ക​ടു​ത്ത അ​ച്ച​ട​ക്ക​ന​ട​പ​ടി സ്വീ​ക​രി​ക്കു​മെ​ന്നും പി.​എ​സ്.​സി അ​ധി​കൃ​ത​ർ അ​റി​യി​ച്ചു.