ദിലീപിന്റെ ജാമ്യം റദ്ദാക്കണമെന്ന് ക്രൈം ബ്രാഞ്ച്; ഹരജി ഹൈകോടതി ഇന്ന് പരിഗണിക്കും
text_fieldsകൊച്ചി: നടിയെ ആക്രമിച്ച കേസിലെ പ്രതി നടൻ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് ക്രൈം ബ്രാഞ്ച് നല്കിയ അപ്പീല് ഹൈകോടതി ശനിയാഴ്ച പരിഗണിക്കും. ദിലീപ് ജാമ്യ വ്യവസ്ഥകള് ലംഘിച്ചുവെന്നും സാക്ഷികളെ സ്വാധീനിച്ചുവെന്നും ആണ് ക്രൈംബ്രാഞ്ചിന്റെ ആക്ഷേപം.
നേരത്തെ സമാന ആവശ്യത്തിൽ, പ്രൊസിക്യൂഷന് ഹാജരാക്കിയ തെളിവുകള്ക്ക് ആധികാരികതയില്ല എന്നായിരുന്നു വിചാരണ കോടതിയുടെ വിധി. എന്നാൽ, ഹരജി തള്ളിയ എറണാകുളം അഡീഷണല് സെഷന്സ് കോടതിയുടെ വിധി നിയമ വിരുദ്ധമാണെന്നാണ് സര്ക്കാരിന്റെ നിലപാട്.
തെളിവുകള് പരിശോധിക്കാതെയാണ് ക്രൈംബ്രാഞ്ചിന്റെ അപേക്ഷയില് വിചാരണ കോടതി തീരുമാനമെടുത്തതെന്നും ശബ്ദ സന്ദേശങ്ങള് കോടതി പരിഗണിച്ചില്ലെന്നുമാണ് സർക്കാർ വാദം. വിധി റദ്ദാക്കണമെന്നും ദീലീപിന്റെ ജാമ്യം റദ്ദാക്കണമെന്നും ആവശ്യപ്പെട്ടാണ് സര്ക്കാര് ഇപ്പോൾ ഹൈകോടതിയെ സമീപിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.