കാ​ക്ക​പ്പേ​ടി​യി​ൽ പൊ​റു​തി​മു​ട്ടി ശ്രീ​ധ​ര​ന്റെ കു​ടും​ബം

വ​ണ്ടൂ​ർ: എ​ലി​യെ പേ​ടി​ച്ച് ഇ​ല്ലം ചു​ട​രു​ത് എ​ന്നൊ​രു പ​ഴ​ഞ്ചൊ​ല്ലു​ണ്ട്. എ​ന്നാ​ൽ, അ​തി​നെ അ​ന്വ​ർ​ഥ​മാ​ക്കു​ന്ന രീ​തി​യി​ലാ​ണ് പോ​രൂ​രി​ലെ ഒ​രു കു​ടും​ബ​ത്തി​ന്റെ അ​വ​സ്ഥ. പോ​രൂ​ർ പൂ​ത്ര​ക്കോ​വ് പ​ള്ളി​ക്കു​ന്നി​ലെ കി​ഴ​ക്ക് വീ​ട്ടി​ൽ ശ്രീ​ധ​ര​ന്റെ കു​ടും​ബ​ത്തി​ന്റെ ജീ​വി​ത​മാ​ണ് കാ​ക്ക കാ​ര​ണം ആ​കെ മാ​റി​മ​റി​ഞ്ഞ​ത്. കാ​ക്ക​പ്പേ​ടി​യി​ൽ വീ​ടാ​കെ അ​ട​ച്ചു​പൂ​ട്ടി മൂ​ടി​ക്കെ​ട്ടി ക​ഴി​യേ​ണ്ട ഗ​തി​കേ​ടി​ലാ​ണി​വ​ർ. ഒ​ന്നും പു​റ​ത്തു​വെ​ക്കാ​ൻ പ​റ്റി​ല്ല. ഒ​രു പ​ഴ​കി​യ വ​സ്ത്രം പോ​ലും പു​റ​ത്ത് വെ​ക്ക​ണ​മെ​ങ്കി​ൽ കെ​ട്ടി പൂ​ട്ടി​വെ​ക്ക​ണം. വീ​ടി​ന്റെ വാ​തി​ലോ ജ​ന​ലോ തു​റ​ന്നാ​ൽ അ​ക​ത്തു​ള്ള​വ​യും കൊ​ണ്ടു​പോ​കും. ഇ​ങ്ങ​നെ കൊ​ണ്ടു​പോ​യ വ​സ്ത്ര​ങ്ങ​ൾ​ക്കും ന​ശി​പ്പി​ച്ച​തി​നും കൈ​യും ക​ണ​ക്കു​മി​ല്ല. കാ​ക്ക​പ്പ​ക​ക്ക് കാ​ര​ണ​മാ​യി ശ്രീ​ധ​ര​ൻ പ​റ​യു​ന്ന​ത് ഇ​ങ്ങ​നെ: ആ​റു​മാ​സം മു​മ്പ് ര​ണ്ട് ക​ണ്ണ​ട​ക​ൾ ന​ഷ്ട​പ്പെ​ട്ടി​രു​ന്നു. ഇ​ത് കാ​ക്ക കൂ​ട്ടി​ലു​ണ്ടാ​വു​മെ​ന്ന് ക​രു​തി വീ​ട്ടു​പ​റ​മ്പി​ലെ മ​ര​ത്തി​ലു​ള്ള കൂ​ട് പൊ​ളി​ച്ചു. അ​ന്നൊ​ന്നും ശ​ല്യം ഉ​ണ്ടാ​യി​രു​ന്നി​ല്ല. പി​ന്നീ​ട് കോ​ഴി​ക്കൂ​ട്ടി​ൽ കു​ടു​ങ്ങി​യ ഒ​രു കാ​ക്ക കു​ഞ്ഞി​നെ പി​ടി​ച്ച് ര​ക്ഷ​പ്പെ​ടു​ത്തി​യി​രു​ന്നു. അ​തി​നു​ശേ​ഷ​മാ​ണ് പ​രാ​ക്ര​മം തു​ട​ങ്ങി​യ​ത്. ജ​ന​ലും വാ​തി​ലും തു​റ​ന്നി​ടാ​താ​യ​തോ​ടെ എ​യ​ർ ഹോ​ളി​ന​ക​ത്ത് കൂ​ടെ​യും ഔ​ട്ട് ഫാ​നി​ന്റെ വി​ട​വി​നി​ട​യി​ലൂ​ടെ​യും അ​ക​ത്തു​ക​യ​റി സാ​ധ​ന​ങ്ങ​ൾ കൊ​ത്തി ന​ശി​പ്പി​ക്കാ​നും കൊ​ണ്ടു​പോ​കാ​നും തു​ട​ങ്ങി. മാ​ക്സി​ക​ൾ, സാ​രി, ഉ​ടു​പ്പു​ക​ൾ, അ​ടി​വ​സ്ത്ര​ങ്ങ​ൾ, ഷ​ർ​ട്ട്, പാ​ൻ​റ്, കാ​ർ ഷീ​റ്റു​ക​ൾ, മ​ഴ​ക്കോ​ട്ടു​ക​ൾ, ബൈ​ക്കി​ന്റെ ചാ​വി, മൊ​ബൈ​ൽ ഫോ​ൺ, ഇ​യ​ർ ഫോ​ൺ എ​ന്നി​ങ്ങ​നെ കാ​ക്ക എ​ടു​ക്കാ​ത്ത​തോ കേ​ടു​വ​രു​ത്താ​ത്ത​തോ ആ​യി ശ്രീ​ധ​ര​ന്റെ വീ​ട്ടി​ൽ സാ​ധ​ന​ങ്ങ​ൾ കു​റ​വാ​ണ്.

വീ​ടി​ന്റെ അ​ടു​ക്ക​ള​ക്ക് ചു​റ്റും വ​ല സ്ഥാ​പി​ച്ചെ​ങ്കി​ലും അ​തും ന​ശി​പ്പി​ച്ചു. നി​ര​വ​ധി കാ​ക്ക​ക​ൾ പ്ര​ദേ​ശ​ത്തു​ണ്ടെ​ങ്കി​ലും ര​ണ്ടെ​ണ്ണ​മാ​ണ് പ​രാ​ക്ര​മ​കാ​രി​ക​ളെ​ന്നാ​ണ് വീ​ട്ട​മ്മ​യും അം​ഗ​ൻ​വാ​ടി അ​ധ്യാ​പി​ക​യു​മാ​യ സ​ര​സ്വ​തി പ​റ​യു​ന്ന​ത്. എ​യ​ർ​ഹോ​ളി​ൽ സ്ഥാ​പി​ച്ച ചെ​റി​യ ഇ​രു​മ്പു വ​ല​ക​ള​ട​ക്കം കാ​ക്ക​ക​ൾ ന​ശി​പ്പി​ച്ചി​രു​ന്നു.

ശ​ല്യം പ​രി​ധി വി​ട്ട​തോ​ടെ എ​യ​ർ ഹോ​ൾ, ഔ​ട്ട് ഫാ​നി​ന്റെ വി​ട​വു​ക​ൾ തു​ട​ങ്ങി​യ എ​ല്ലാ​യി​ട​ത്തും ഇ​രു​മ്പു നെ​റ്റു​ക​ൾ സ്ഥാ​പി​ക്കു​ന്ന തി​ര​ക്കി​ലാ​ണ് ശ്രീ​ധ​ര​ൻ. ഇ​തി​ന​കം ത​ന്നെ 50,000 ത്തോ​ളം രൂ​പ​യു​ടെ ന​ഷ്ടം ഉ​ണ്ടാ​യ​താ​യി ഇ​വ​ർ പ​റ​യു​ന്നു. പ്ര​തി​വി​ധി അ​റി​യു​ന്ന​വ​ർ കു​ടും​ബ​ത്തെ സ​ഹാ​യി​ക്കാ​ൻ മു​ന്നോ​ട്ടു​വ​ര​ണ​മെ​ന്നാ​ണ് ഇ​വ​രു​ടെ അ​പേ​ക്ഷ. ഫോ​ൺ: 8547335078.