യുവതിക്ക്​ പിന്തുണയർപ്പിച്ച്​ പഴയ കവിതയുമായി മന്ത്രി ജി. സുധാകര​ൻ

തിരുവനന്തപുരം: ലൈംഗികാതിക്രമത്തിന്​ ശ്രമിച്ച സ്വാമിയുടെ ജനനേന്ദ്രിയം മുറിച്ച യുവതിക്ക്​ പിന്തുണയർപ്പിച്ച്​ പഴയ കവിതയുമായി മന്ത്രി ജി. സുധാകര​ൻ. താൻ മൂന്നു വർഷം മുമ്പ്​ എഴുതിയ കവിത ഇപ്പോൾ സത്യമെന്ന്​ തെളിഞ്ഞതായും അന്ന്​ കവിതയെ പരിഹസിച്ചവർ ഇപ്പോൾ എവിടെയെന്നും മന്ത്രി ചോദിച്ചു.

​‘നീച ലിംഗങ്ങൾ മുറിക്കുന്ന പെണ്ണുങ്ങൾ’ എന്ന പേരിൽ കവിതയെഴുതിയപ്പോൾ എല്ലാവരും ഒറ്റക്കെട്ടായാണ്​ തനിക്കെതിരെ തിരിഞ്ഞത്​. ഇതെന്ത്​ കവിതയെന്നാണ്​ അന്ന്​ പല മാന്യൻമാരും ചോദിച്ചത്​. കവിതയല്ല ജീവിതമാണ്​ പ്രതിപാദ്യമെന്ന്​ ഇപ്പോൾ എല്ലാവർക്കും ബോധ്യ​​െപ്പട്ടതായും അദ്ദേഹം അഭി​പ്രായപ്പെട്ടു. യുവതി ചെയ്​ത നടപടി ധീരമാണെന്നും ഇക്കാര്യത്തിൽ മുഖ്യമന്ത്രി സ്വീകരിച്ച നിലപാട്​ അഭിനന്ദനാർഹമാണെന്നും മന്ത്രി കൂട്ടിച്ചേർത്തു.

പെൺകുട്ടിയുടെ നടപടി ധീരം -മേഴ്​സിക്കുട്ടിയമ്മ​
കൊല്ലം: പീഡിപ്പിക്കാൻ ശ്രമിച്ചയാൾക്കെതിരെ പ്രതികരിച്ച പെൺകുട്ടിയുടെ നടപടി ധീരമാണെന്ന്​ മ​ന്ത്രി ​ജെ. മേഴ്​സിക്കുട്ടിയമ്മ. സ്വാമിമാരിൽനിന്നും ഇത്തരം പ്രവൃത്തികൾ ഉണ്ടാകുന്നത്​ അപമാനകരമാണ്​. സ്​ത്രീകളുടെ ആത്​മാഭിമാനം നശിപ്പിക്കുന്ന നടപടികൾ ആരുടെ ഭാഗത്തുനിന്നും ഉണ്ടാകരുത്. ​സ്വാമിയുടെ അതിക്രമത്തിനെതിരെ പ്രതികരിച്ച ​െപൺകുട്ടി അഭിനന്ദനം അർഹിക്കു​െന്നന്നും മന്ത്രി കൊല്ലത്ത്​ മാധ്യമപ്രവർത്തകരോട്​ പറഞ്ഞു.