സൈബർ തട്ടിപ്പ് വീണ്ടും; എളയാവൂർ സ്വദേശിനിക്ക് 6.33 ലക്ഷം നഷ്ടമായി

ക​ണ്ണൂ​ർ: ജോ​ലി​യും നി​ക്ഷേ​പ​ത്തി​ന് ലാ​ഭ​വി​ഹി​ത​വും വാ​ഗ്ദാ​നം ന​ൽ​കി ഓ​ൺ​ലൈ​ൻ ആ​പ് അ​യ​ച്ചു​കൊ​ടു​ത്ത് സൈ​ബ​ർ ത​ട്ടി​പ്പ് സം​ഘം യു​വ​തി​യു​ടെ അ​ക്കൗ​ണ്ടി​ൽ നി​ന്ന് ല​ക്ഷ​ങ്ങ​ൾ ത​ട്ടി​യെ​ടു​ത്തു. മു​ണ്ട​യാ​ട് എ​ള​യാ​വൂ​ർ സ്വ​ദേ​ശി​നി സ​ക്കീ​ന​യു​ടെ (27) പ​ണ​മാ​ണ് ത​ട്ടി​യെ​ടു​ത്ത​ത്. ജോ​ലി​യും ക​മീ​ഷ​നും വാ​ഗ്‌​ദാ​നം ന​ൽ​കി വാട്സ് ആപ് ​വഴി വ​ന്ന സ​ന്ദേ​ശ​മാ​ണ് ഇ​വ​രെ കു​രു​ക്കി​യ​ത്.

ഡി​സം​ബ​ർ മൂ​ന്നി​ന് യു​വ​തി​യി​ൽ നി​ന്ന് 10,500 രൂ​പ നി​ക്ഷേ​പ​മാ​യി സ്വീ​ക​രി​ച്ച സം​ഘം, പി​ന്നീ​ട് യു​വ​തി​യു​ടെ വി​വി​ധ ബാ​ങ്ക് അ​ക്കൗ​ണ്ടു​ക​ളി​ൽ നി​ന്ന് ത​ട്ടി​പ്പ് സം​ഘം 6,33,000 രൂ​പ ത​ട്ടി​യെ​ടു​ക്കു​ക​യാ​യി​രു​ന്നു. മൊ​ബൈ​ൽ ഫോ​ണി​ൽ ഇ​ൻ​സ്റ്റാ​ൾ ചെ​യ്ത ആ​പ് വ​ഴി അ​ക്കൗ​ണ്ട് വി​വ​ര​ങ്ങ​ൾ ചോ​ർ​ത്തി​യാ​ണ് പ​ണം ത​ട്ടി​യ​ത്. തു​ട​ർ​ന്ന് ത​ട്ടി​പ്പു സം​ഘം ഉ​പ​യോ​ഗി​ച്ച മൊ​ബൈ​ൽ ന​മ്പ​ർ സ​ഹി​തം യു​വ​തി പൊ​ലീ​സി​ൽ പ​രാ​തി ന​ൽ​കി. കേ​സെ​ടു​ത്ത പൊ​ലീ​സ് അ​ന്വേ​ഷ​ണം തു​ട​ങ്ങി.

യോനോ ആപ് ബ്ലോക്കായെന്ന പേരിൽ 25,000 രൂപ തട്ടി

ക​ണ്ണൂ​ർ: എ​സ്.​ബി.​ഐ​യു​ടെ ഓ​ൺ​ലൈ​ൻ ഇ​ട​പാ​ടു​ക​ൾ ന​ട​ത്തു​ന്ന യോ​നോ ആ​പ് ബ്ലോ​ക്കാ​യെ​ന്ന് വ്യാ​ജ സ​ന്ദേ​ശ​മ​യ​ച്ച് ത​ല​ശ്ശേ​രി എ​ര​ഞ്ഞോ​ളി സ്വ​ദേ​ശി​യു​ടെ 25,000 രൂ​പ ത​ട്ടി. ആ​പ് ബ്ലോ​ക്കാ​യെ​ന്നും പാ​ൻ​കാ​ർ​ഡ് അ​പ്ഡേ​റ്റ് ചെ​യ്യ​ണ​മെ​ന്നു​മാ​വ​ശ്യ​പ്പെ​ട്ട് എ​സ്.​എം.​എ​സ് അ​യ​ച്ചാ​ണ് 79കാ​ര​ന്റെ പ​ണം ത​ട്ടി​യ​ത്. ത​ല​ശ്ശേ​രി പൊ​ലീ​സ് സ്റ്റേ​ഷ​നി​ൽ ല​ഭി​ച്ച പ​രാ​തി​യി​ൽ കേ​സ് ര​ജി​സ്റ്റ​ർ ചെ​യ്തു.

ബാ​ങ്കി​ൽ​നി​ന്ന് അ​യ​ക്കു​ന്ന സ​ന്ദേ​ശം എ​ന്ന വ്യാ​ജേ​ന​യാ​ണ് ത​ട്ടി​പ്പു​കാ​ർ സ​ന്ദേ​ശ​മ​യ​ച്ച​ത്. യോ​നോ ആ​പ് ബ്ലോ​ക്കാ​യ​ത് ഒ​ഴി​വാ​ക്കാ​ൻ പാ​ൻ കാ​ർ​ഡ് വി​വ​ര​ങ്ങ​ളും നെ​റ്റ് ബാ​ങ്ക് വി​വ​ര​ങ്ങ​ളും അ​പ്ഡേ​റ്റ് ചെ​യ്യാ​ൻ ലി​ങ്കി​ൽ ക്ലി​ക്ക് ചെ​യ്യ​ണ​മെ​ന്നാ​ണ് സ​ന്ദേ​ശ​ത്തി​ലു​ണ്ടാ​യി​രു​ന്ന​ത്.

ലി​ങ്കി​ൽ ക്ലി​ക്ക് ചെ​യ്താ​ലു​ട​ൻ എ​സ്.​ബി.​ഐ​യു​ടേ​തെ​ന്ന് തോ​ന്നി​പ്പി​ക്കു​ന്ന വ്യാ​ജ വെ​ബ്സൈ​റ്റ് ഓ​പ​ണാ​കും. യൂ​സ​ർ ഐ.​ഡി​യും പാ​സ്​​വേ​ഡും അ​ടി​ച്ച് ലോ​ഗി​ൻ ചെ​യ്യു​മ്പോ​ൾ വെ​രി​ഫി​ക്കേ​ഷ​നെ​ന്ന പേ​രി​ൽ ഒ.​ടി.​പി കൂ​ടി ന​ൽ​കു​ന്ന​തി​ലൂ​ടെ​യാ​ണ് പ​ണം ന​ഷ്ട​പ്പെ​ട്ട​ത്.