സൈക്കിൾ യാത്രികൻ കാറിടിച്ച് മരിച്ചു

മണ്ണഞ്ചേരി (ആലപ്പുഴ): ദേശീയപാതയിൽ പാതിരപ്പള്ളി കൺവൻഷൻ സെന്ററിന് സമീപം സൈക്കിൾ യാത്രികൻ കാർ ഇടിച്ച് മരിച്ചു. മാരാരിക്കുളം തെക്ക് പഞ്ചായത്ത് 18-ാം വാർഡ് സർവോദയപുരം വക്കാട് വീട്ടിൽ ടോമി (46) ആണ് മരിച്ചത്. കഴിഞ്ഞ ദിവസം രാത്രിയായിരുന്നു. അപകടം. പെയിന്റിങ് തൊഴിലാളിയായ ടോമി പാതിരപ്പള്ളിയിൽ നിന്നു സാധനങ്ങൾ വാങ്ങി വീട്ടിലേക്ക് മടങ്ങവേ എതിരെ വന്ന കാർ ഇടിക്കുകയായിരുന്നു.

തിരുവനന്തപുരത്ത് നിന്ന് മലപ്പുറത്തേക്ക് പോകുകയായിരുന്ന ദമ്പതികൾ സഞ്ചരിച്ച കാറാണ് അപകടത്തിൽ പെട്ടത്. തലയ്ക്ക് സാരമായി പരിക്കേറ്റ ടോമിയെ കാർ യാത്രികർ ആലപ്പുഴ മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരിച്ചു. ഭാര്യ: ഷീബ. മകൻ: ക്രിസ്റ്റഫർ.