ക്ഷേത്ര ദർശനത്തിന് പോകവേ സൈക്കിളും കാറും കൂട്ടിയിടിച്ചു വയോധികൻ മരിച്ചു

വൈറ്റില: ദേശീയപാതയിൽ സൈക്കിളും കാറും കൂട്ടിയിടിച്ചു വയോധികൻ മരിച്ചു. തൈക്കൂടം റാഫേൽ ലൈനിൽ പ്രസാദം വീട്ടിൽ പരേതനായ ശങ്കരൻ മകൻ റിട്ട. കെ. എസ്.ഇ. ബി ഉദ്യോഗസ്ഥൻ ഒ.എസ്. കാർത്തികേയൻ (81) ആണ് മരിച്ചത്.

വൈറ്റില പവർ ഹൗസിനു സമീപം ബുധനാഴ്ച പുലർച്ചെ ആറിന് സൈക്കിളിൽ ക്ഷേത്ര ദർശനത്തിന് പോകുന്ന വഴി കാർ ഇടിക്കുകയായിരുന്നു. ഭാര്യ: സരള. മക്കൾ: ബീന, വിജി, ബിന്ദു. മരുമക്കൾ: രാജേഷ്, സതീഷ് കുമാർ. മരട് പോലീസ് കേസെടുത്തു.