‘ദന’ ചുഴലിക്കാറ്റ് കേരളത്തെ ബാധിക്കില്ല; രണ്ട് ജില്ലകളിൽ യെല്ലോ അലർട്ട്

തിരുവനന്തപുരം: ബംഗാൾ ഉൾക്കടലിൽ ബുധനാഴ്ചയോടു കൂടി രൂപപ്പെടുന്ന ‘ദന’ ചുഴലിക്കാറ്റ് കേരളത്തെ ബാധിക്കില്ല. അടുത്ത 24 മണിക്കൂറിൽ തീവ്രന്യൂനമർദം കൂടുതൽ ശക്തിപ്രാപിച്ച് ചുഴലിക്കാറ്റായി മാറും.

24ന് ഒഡിഷ-പശ്ചിമ ബംഗാൾ തീരത്തിന് ചുഴലിക്കാറ്റായി എത്തുച്ചേരുമെന്നാണ് പ്രവചനം. ഒഡിഷ- പശ്ചിമബംഗാൾ തീരത്ത് ജാഗ്രത നിർദേശം പുറപ്പെടുവിച്ചിട്ടുണ്ട്.

കേരള- കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ല. പത്തനംതിട്ട, ഇടുക്കി ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്.