മിഗ്ജോം ചുഴലിക്കാറ്റ്: വിമാന സർവിസുകൾ തടസ്സപ്പെട്ടു

നെ​ടു​മ്പാ​ശ്ശേ​രി: ക​ന​ത്ത മ​ഴ​യെ​ത്തു​ട​ർ​ന്ന് ചെ​ന്നൈ വി​മാ​ന​ത്താ​വ​ളം അ​ട​ച്ച​തോ​ടെ ചെ​ന്നൈ​യി​ൽ​നി​ന്ന്​ കൊ​ച്ചി​യി​ലേ​ക്കും തി​രി​കെ​യു​മു​ള്ള എ​ല്ലാ സ​ർ​വി​സു​ക​ളും ത​ട​സ്സ​പ്പെ​ട്ടു.

രാ​വി​ലെ 9.25, 12.15, രാ​ത്രി 7 സ​മ​യ​ങ്ങ​ളി​ലെ​ത്തേ​ണ്ട ഇ​ൻ​ഡി​ഗോ വി​മാ​ന​ങ്ങ​ളാ​ണ് റ​ദ്ദാ​ക്കി​യ​ത്. ഇ​വ​യു​ടെ മ​ട​ക്ക​യാ​ത്ര​യും ഉ​ണ്ടാ​യി​ല്ല.

ബംഗാൾ ഉൾക്കടലിൽ രൂപംകൊണ്ട മിഗ്ജോം ചുഴലിക്കാറ്റ് അതിതീവ്ര ചുഴലിക്കാറ്റായി ശക്തി പ്രാപിച്ചതോടെ ചെന്നൈ നഗരം മഴയിൽ മുങ്ങിയിരിക്കുകയാണ്. 34 സെ.മീറ്റർ മഴയാണ് നിലവിൽ ചെന്നൈയിൽ രേഖപ്പെടുത്തിയത്. 1976 ൽ 45 സെ.മീറ്റർ മഴപെയ്തതിൽ പിന്നെ ഏറ്റവും കൂടുതൽ മഴ രേഖപ്പെടുത്തുന്നത് ഇപ്പോഴാണ്.

ചെ​ന്നൈ വി​മാ​ന​ത്താ​വ​ള​ത്തി​​ന്റെ പ്ര​വ​ർ​ത്ത​നം തി​ങ്ക​ളാ​ഴ്ച രാ​വി​ലെ 9.40 മു​ത​ൽ രാ​ത്രി 11 വ​രെ നി​ർ​ത്തി​വെ​ച്ചു. 70ഓ​ളം വി​മാ​ന​ങ്ങ​ൾ റ​ദ്ദാ​ക്കി. ​റ​ൺ​വേ അ​ട​ച്ചി​ട്ട​താ​യും എ​യ​ർ​പോ​ർ​ട്ട് അ​തോ​റി​റ്റി ഓ​ഫ് ഇ​ന്ത്യ അ​റി​യി​ച്ചു.

അ​ഹ്മ​ദാ​ബാ​ദ്, തി​രു​വ​ന​ന്ത​പു​രം ഉ​ൾ​പ്പെ​​ടെ സ്ഥ​ല​ങ്ങ​ളി​ലേ​ക്ക് പു​റ​പ്പെ​ടേ​ണ്ട 12 ആ​ഭ്യ​ന്ത​ര വി​മാ​ന​സ​ർ​വി​സു​ക​ളും റ​ദ്ദാ​ക്കി. സ്വ​കാ​ര്യ വി​മാ​ന​ക്ക​മ്പ​നി​യു​ടെ ദു​ബൈ, ശ്രീ​ല​ങ്ക ഉ​ൾ​പ്പെ​ടെ നാ​ല് അ​ന്താ​രാ​ഷ്ട്ര സ​ർ​വി​സു​ക​ളും റ​ദ്ദാ​ക്കി. ചെ​ന്നൈ​യി​ലേ​ക്കു​ള്ള 33 വി​മാ​ന​ങ്ങ​ൾ ബം​ഗ​ളൂ​രു​വി​ലേ​ക്ക് വ​ഴി​തി​രി​ച്ചു​വി​ട്ടു.

കേ​ര​ള​ത്തി​ലേ​ക്ക് ഉ​ൾ​പ്പെ​ടെ ഡോ. ​എം.​ജി.​ആ​ർ ചെ​ന്നൈ സെ​ൻ​ട്ര​ൽ റെ​യി​ൽ​വേ സ്റ്റേ​ഷ​നി​ൽ​നി​ന്ന് പു​റ​പ്പെ​ടേ​ണ്ട 12 ട്രെ​യി​നു​ക​ൾ തി​ങ്ക​ളാ​ഴ്ച റ​ദ്ദാ​ക്കി. ബു​ക്ക് ചെ​യ്ത മു​ഴു​വ​ൻ യാ​ത്ര​ക്കാ​ർ​ക്കും ടി​ക്ക​റ്റ് തു​ക തി​രി​ച്ചു​ന​ൽ​കു​മെ​ന്ന് ദ​ക്ഷി​ണ റെ​യി​ൽ​വേ അ​റി​യി​ച്ചു. വെ​ള്ള​ക്കെ​ട്ട് കാ​ര​ണം ന​ഗ​ര​ത്തി​ലെ 14 സ​ബ് വേ​ക​ൾ അ​ട​ച്ചി​ട്ട​താ​യി സി​റ്റി പൊ​ലീ​സ് അ​റി​യി​ച്ചു.