ഓൺലൈൻ ക്ലാസിന് കുട്ടിക്ക്​ ഫോൺ നൽകി, ഉപയോഗിക്കുന്നത്​ പിതാവ്​; പരാതിയുമായി മുത്തച്ഛൻ

അടിമാലി: ഓൺലൈൻ പഠനസൗകര്യമില്ലാത്ത കുട്ടിക്ക്​ നൽകിയ മൊബൈൽ ഫോൺ ഉപയോഗിക്കുന്നത്​ പിതാവെന്ന്​ പരാതി. പിതാവിൽനിന്ന്​ ഫോൺ ലഭിക്കാത്തതിനാൽ കുട്ടിക്ക്​ പഠിക്കാനാകുന്നില്ല. ഇതേതുടർന്ന്​ മുത്തച്ഛൻ പരാതിയുമായി പൊലീസിനെ സമീപിച്ചു.

അടിമാലിയിലെ ഒരു സ്​കൂളിലെ വിദ്യാർഥിയുടെ മുത്തച്ഛനാണ്​ മകനെതിരെ പരാതിയുമായി പൊലീസ്​ സ്​റ്റേഷനിലെത്തിയത്​.

കുട്ടിയുടെ അവസ്ഥ മനസ്സിലാക്കി സ്​കൂൾ അധികൃതർ കുട്ടിയുടെ പിതാവിനെ ഫോൺ ഏൽപിക്കുകയായിരുന്നു. എന്നാൽ, ഈ ഫോൺ കുട്ടിക്ക്​ പഠനാവശ്യത്തിന്​ ലഭിക്കാത്ത സ്ഥിതിയായി. ​

കുട്ടിയുടെ പഠനം തടസ്സപ്പെട്ടതായും ഫോണ്‍ തിരി​െക ലഭ്യമാക്കാന്‍ നടപടി സ്വീകരിക്കണമെന്നും ഇദ്ദേഹം അടിമാലി പൊലീസിൽ നൽകിയ പരാതിയിൽ പറയുന്നു.