അണക്കെട്ട്​ തുറന്നത്​ കൊണ്ട്​ ആരും മരിച്ചിട്ടില്ലെന്ന്​ എം.എം മണി

പത്തനംതിട്ട: അണക്കെട്ടുകൾ തുറന്നത്​ കൊണ്ട്​ ആരും മരിച്ചിട്ടില്ലെന്ന്​ വൈദ്യുതി മന്ത്രി എം.എം മണി. ഡാമുകൾ തുറക്കുന്നതിൽ വീഴ്​ചയുണ്ടായിട്ടു​ണ്ടെങ്കിൽ അന്വേഷിക്കും. ഡാമുകളിലെ അധികജലം തുറന്ന്​ വിടുകയാണ്​ ചെയ്​തതെന്നും മണി പറഞ്ഞു. പത്തനംതിട്ടയിൽ മാധ്യമ പ്രവർത്ത​കരോട്​ സംസാരിക്കുകയായിരുന്നു അദ്ദേഹം.

ഡാമുകളിലെ വെള്ളം കുറഞ്ഞത്​ കൊണ്ടല്ല വൈദ്യുത നിയന്ത്രണം ഏർപ്പെടുത്തുന്നത്​. പവർ ഹൗസിലെ കേടുപാടുകളാണ്​ വൈദ്യുതി നിയന്ത്രണത്തിന്​ കാരണം. വൈദ്യുതി പുറത്ത്​ നിന്ന്​ ​വാങ്ങേണ്ട സ്ഥിതിയാണ്​ ഇപ്പോഴുള്ളതെന്നും എം.എം മണി വ്യക്​തമാക്കി.