ഡാമുകളിലെ ജലനിരപ്പ്: സർക്കാറിനോടും കെ.എസ്​.ഇ.ബിയോടും ഹൈകോടതി വിശദീകരണം തേടി 

കൊ​ച്ചി: ഡാ​മു​ക​ളി​ലെ ജ​ല​നി​ര​പ്പ് സം​ബ​ന്ധി​ച്ച്​ സം​സ്ഥാ​ന സ​ർ​ക്കാ​റി​നോ​ടും കെ.​എ​സ്.​ഇ.​ബി​യോ​ടും ഹൈ​കോ​ട​തി വി​ശ​ദീ​ക​ര​ണം തേ​ടി. ര​ണ്ടു​വ​ർ​ഷം തു​ട​ർ​ച്ച​യാ​യി പ്ര​ള​യ​മു​ണ്ടാ​യ സാ​ഹ​ച​ര്യ​ത്തി​ൽ സം​സ്ഥാ​ന​ത്തെ അ​ണ​ക്കെ​ട്ടു​ക​ളി​ലെ ഉ​യ​ർ​ന്ന ജ​ല​നി​ര​പ്പ​ു​മൂ​ല​മു​ള്ള ആ​ശ​ങ്ക ചൂ​ണ്ടി​ക്കാ​ട്ടി ഹൈ​കോ​ട​തി ജ​ഡ്​​ജി ദേ​വ​ൻ രാ​മ​ച​ന്ദ്ര​ൻ ന​ൽ​കി​യ ക​ത്തി​​െൻറ അ​ടി​സ്ഥാ​ന​ത്തി​ൽ സ്വ​മേ​ധ​യാ സ്വീ​ക​രി​ച്ച പൊ​തു​താ​ൽ​പ​ര്യ ഹ​ര​ജി​യി​ലാ​ണ്​ ചീ​ഫ്​ ജ​സ്​​റ്റി​സ്​ എ​സ്. മ​ണി​കു​മാ​ർ, ജ​സ്​​റ്റി​സ്​ ഷാ​ജി പി. ​ചാ​ലി എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​​െൻറ ഉ​ത്ത​ര​വ്. ഹ​ര​ജി വീ​ണ്ടും പ​രി​ഗ​ണി​ക്കു​ന്ന ജൂ​ൺ അ​ഞ്ചി​ന​കം വി​ശ​ദീ​ക​ര​ണം ന​ൽ​കാ​നാ​ണ് നി​​ർ​ദേ​ശം.

മ​ൺ​സൂ​ണി​ന്​ മു​മ്പു​ത​ന്നെ ഇ​ടു​ക്കി ഡാ​മി​ലു​ൾ​പ്പെ​ടെ ജ​ല​നി​ര​പ്പ് ക്ര​മാ​തീ​ത​മാ​യി ഉ​യ​രു​ന്നെ​ന്ന മാ​ധ്യ​മ റി​പ്പോ​ർ​ട്ടു​ക​ളു​ടെ അ​ടി​സ്ഥാ​ന​ത്തി​ലാ​ണ്​ ജ​സ്​​റ്റി​സ് ദേ​വ​ൻ രാ​മ​ച​ന്ദ്ര​ൻ മേ​യ് 14ന് ​ചീ​ഫ് ജ​സ്​​റ്റി​സി​ന് ക​ത്തെ​ഴു​തി​യ​ത്. മ​ൺ​സൂ​ണി​നു​മു​മ്പ് ജ​ല​നി​ര​പ്പ് ഉ​യ​രു​ന്ന സാ​ഹ​ച​ര്യ​ത്തി​ൽ വി​ഷ​യം ഗൗ​ര​വ​ത്തോ​ടെ കാ​ണ​ണ​മെ​ന്നാ​ണ്​ ആ​വ​ശ്യം. എ​ന്നാ​ൽ, ഡാ​മു​ക​ളി​ലെ ജ​ല​നി​ര​പ്പി​​െൻറ കാ​ര്യ​ത്തി​ൽ ആ​ശ​ങ്ക വേ​ണ്ടെ​ന്ന് സ​ർ​ക്കാ​ർ അ​റി​യി​ച്ചു. നി​യ​മ സെ​ക്ര​ട്ട​റി, ഊ​ർ​ജ സെ​ക്ര​ട്ട​റി, ചീ​ഫ് എ​ൻ​ജി​നീ​യ​ർ​മാ​ർ തു​ട​ങ്ങി​യ​വ​രു​ൾ​പ്പെ​ട്ട ഉ​ന്ന​ത​ത​ല സ​മി​തി മേ​യ് 12ന് ​യോ​ഗം ചേ​ർ​ന്ന്​ വി​ഷ​യം പ​രി​ശോ​ധി​ച്ചി​രു​ന്നു.

അ​ടി​യ​ന്ത​ര ക​ർ​മ​പ​ദ്ധ​തി ഉ​ൾ​പ്പെ​ടെ ന​ട​പ്പാ​ക്കാ​ൻ ന​ട​പ​ടി എ​ടു​ത്തി​ട്ടു​ണ്ട്. ഡാ​മു​ക​ളി​ലെ ജ​ല​നി​ര​പ്പ് നി​യ​ന്ത്രി​ക്കാ​തി​രു​ന്ന​ത് പ്ര​ള​യ​ത്തി​ന് കാ​ര​ണ​മാ​യെ​ന്ന് ക​രു​തു​ന്ന​താ​യി ക​ത്തി​ൽ പ​റ​യു​ന്നു​ണ്ട്. ഇ​ക്കാ​ര്യം കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നും ഇ​തു​വ​രെ തീ​ർ​പ്പു​ക​ൽ​പി​ച്ചി​ട്ടി​ല്ലെ​ന്നും സ​ർ​ക്കാ​ർ ചൂ​ണ്ടി​ക്കാ​ട്ടി. 
എ​ല്ലാ കാ​ര്യ​ങ്ങ​ളും ഉ​ൾ​പ്പെ​ടു​ത്തി രേ​ഖാ​മൂ​ലം വി​ശ​ദീ​ക​ര​ണം ന​ൽ​കാ​നാ​ണ്​ കോ​ട​തി​യു​ടെ നി​ർ​ദേ​ശം. ദു​ര​ന്ത​നി​വാ​ര​ണ അ​തോ​റി​റ്റി, ഉൗ​ർ​ജ, ജ​ല​വി​ഭ​വ സെ​ക്ര​ട്ട​റി​മാ​രെ കേ​സി​ൽ ക​ക്ഷി ചേ​ർ​ക്കാ​നും നി​ർ​ദേ​ശി​ച്ചു.