അണക്കെട്ടുകളിൽ ജലനിരപ്പ്​ ജൂണിലെ ​റെക്കോഡ്​

തൊടുപുഴ: സംസ്ഥാ​നത്തെ​ വൈദ്യുതി ബോർഡ്​ അണക്കെട്ടുകളിൽ ജലനിരപ്പ്​ ജൂണിലെ റെക്കോഡിൽ. അഞ്ചുവർഷത്തിനിടെ ഏറ്റവും കൂടിയ അളവിലാണ്​ ജലമുള്ളത്​. കനത്തമഴ തുടരുന്നതിനാൽ പ്രധാന പദ്ധതികളായ ഇടുക്കിയിലെയും ശബരിഗിരിയിലെയും ഉൾ​െപ്പടെ അണക്കെട്ടുകളിലെല്ലാം നീരൊഴുക്കിൽ വൻ വർധനയാണുള്ളത്​. സംഭരണികളിലെല്ലാംകൂടി ആകെ ശേഷിയുടെ 25 ശതമാനമാണ്​ ജലം. 1033.77 ദശലക്ഷം യൂനിറ്റ്​ വൈദ്യുതി ഉൽപാദിപ്പിക്കുന്നതിന്​ ആവശ്യമായ ജലമാണിത്​. 

കഴിഞ്ഞവർഷം ഇതേസമയം 587.92 ദശലക്ഷം യൂനിറ്റ്​ വൈദ്യുതിക്കുള്ള ജല​മാണുണ്ടായിരുന്നത്​. 2018ൽ 957.46​​, 2017ൽ 503.08, 2016ൽ 846.95 ദശലക്ഷം യൂനിറ്റ്​ വീതം വൈദ്യുതി ഉൽപാദിപ്പിക്കുന്നതിന്​ ആവശ്യമായ ജലമാണ്​ സംഭരണികളിലെല്ലാമായി ഉണ്ടായിരുന്നത്​. പ്രധാന പദ്ധതിയായ ഇടുക്കിയിൽ 35 ശതമാനം ജലമാണ്​ ഇപ്പോഴുള്ളത്​. രണ്ടാ​മത്തെ വലിയ പദ്ധതിയായ ശബരിഗിരിയിൽ 12 ശതമാനം ജലവും. മഴ ശക്തമായതോടെ സംസ്ഥാനത്തെ വൈദ്യുതി ഉപയോഗത്തിലും കുറവുണ്ട്​.