സ്കൂളിൽ ടൂറിസ്റ്റ് ബസിന്‍റെ അഭ്യാസ പ്രകടനം: ഡ്രൈവർ അറസ്റ്റിൽ

സ്​കൂൾ വളപ്പിലെ അഭ്യാസപ്രകടനം: ബസ്​ പിടിച്ചെടുത്തു
കൊട്ടാരക്കര: വാടകക്കെടുത്ത ടൂറിസ്​റ്റ്​ ബസ് സ്ക ൂൾ വളപ്പിൽ അപകടകരമായ രീതിയിൽ ഓടിച്ച് അഭ്യാസപ്രകടനം നടത്തിയ സംഭവത്തിൽ മോട്ടോർ വാഹന വകുപ്പും പൊലീസും നടപടി തുട ങ്ങി. വിനോദയാത്ര പോയി മടങ്ങിവന്ന ടൂറിസ്​റ്റ്​ ബസ് ഏനാത്ത് പാലത്തിന് സമീപം മോട്ടോർ വാഹന വകുപ്പ് പിടിച്ചെടുത്ത ു.

ബസി​​െൻറ ഫിറ്റ്നസ് സർട്ടിഫിക്കറ്റ് റദ്ദാക്കി. ബസ് ഡ്രൈവർ താഴത്ത് കുളക്കട രഞ്ജു ഭവനിൽ രഞ്ജു ജിയുടെ ലൈസ ൻസ് മോട്ടോർ വാഹന വകുപ്പ് റദ്ദ് ചെയ്തു. അപകടകരമാംവിധം ഓടിച്ച ബൈക്കുകളിൽ ഒന്ന് ഉടമയുടെ വീട്ടിൽനിന്ന്​ കണ്ടെടുത്ത് പുത്തൂർ പൊലീസിന് കൈമാറി. മറ്റ് ബൈക്കുകൾക്കായി അന്വേഷണം ഊർജിതമാക്കി.

സ്കൂൾ ഗ്രൗണ്ടിൽ അപകടകരമാംവിധം ഓടിച്ച കാറും കസ്​റ്റഡിയിലെടുത്തു. ബസി​​െൻറയും കാറി​​െൻറയും ഡ്രൈവർമാർക്കെതിരെ കേസെടുത്ത് ജാമ്യത്തിൽ വിട്ടു. പിടിച്ചെടുത്ത വാഹനങ്ങൾ കോടതിയിൽ ഹാജരാക്കുമെന്ന് പുത്തൂർ പൊലീസ് പറഞ്ഞു. സ്​കൂളിൽനിന്ന്​ വിനോദ വിനോദയാത്രക്ക്​ പോകുന്നതിന്​ മുന്നോടിയായി ഞായറാഴ്ചയായിരുന്നു സംഭവം. ദൃശ്യങ്ങൾ പ്രചരിച്ചതോടെ സംഭവം വിവാദമാവുകയായിരുന്നു. കാഴ്ചക്കാരായി നിന്ന വിദ്യാർഥികൾ ഭയമാകുന്നു എന്ന് വിളിച്ചുപറയുന്നതും ദൃശ്യങ്ങളിൽ കേൾക്കാമായിരുന്നു.

സ്കൂൾ അധികൃതർക്കെതിരെ പൊലീസ് കേസെടുക്കാത്തതിൽ നാട്ടുകാർക്കും രക്ഷിതാക്കൾക്കുമിടയിൽ അമർഷം പുകയുന്നുണ്ട്​. സമാനരീതിയിൽ അഞ്ചൽ ഈസ്​റ്റ്​ ഹൈസ്കൂൾ ഗ്രൗണ്ടിലും വിനോദ യാത്ര പോകുന്നതിന്​ മുമ്പ്​ ബസുകളുടെ അഭ്യാസപ്രകടനം നടന്നിരുന്നു. ഇൗ ബസുകൾ തിരിച്ചെത്തുന്ന മുറക്ക്​ നടപടിയുണ്ടാകുമെന്നാണ്​ അധികൃതർ പറയുന്നത്​.

ആളെ ഇടിച്ചിട്ട്​ ടൂറിസ്​റ്റ്​ ബസുകളുടെ അഭ്യാസപ്രകടനം; ഡ്രൈവർക്കെതിരെ കേസ്​
തിരുവനന്തപുരം: ടൂറിസ്​റ്റ്​ ബസ്​ ഡ്രൈവർമാരുടെ സംഘടനയുടെ മെഗാ മീറ്റിനിടെ ബസ്​ കൊണ്ടുള്ള അഭ്യാസപ്രകടനത്തിൽ ഒരാൾക്ക്​ പരിക്കേറ്റ സംഭവത്തിൽ ഡ്രൈവർക്കെതിരെ പൊലീസ്​ കേസെടുത്തു. സ്​കൂൾ കുട്ടികളുടെ വിനോദയാത്രയുമായി ബന്ധപ്പെട്ട്​ ടൂറിസ്​റ്റ്​ ബസ്​ ഡ്രൈവർമാരുടെ കൈവിട്ട കളിയുടെ ദൃശ്യങ്ങൾക്ക്​ പിന്നാലെയാണ്​ നവംബർ 13ന്​ തിരുവനന്തപുരത്ത്​ നടന്ന ‘അഭ്യാസ’ത്തി​​െൻറ ദൃശ്യങ്ങൾ പുറത്തുവന്നത്. ഇതി​​െൻറ അടിസ്​ഥാനത്തിൽ​ ‘കൊമ്പൻ’ എന്ന ടൂറിസ്​റ്റ്​ ബസ്​ ഡ്രൈവർക്കെതിരെയാണ്​ ​ഫോർട്ട്​ പൊലീസ്​ കേസെടുത്തത്​.

സമ്മേളനത്തിന്​ അംഗങ്ങളുമായി എത്തിയ ബസുകൾ ആറ്റുകാൽ പാർക്കിങ്​ ഗ്രൗണ്ടിലാണ്​ അമിത വേഗത്തിലോടിച്ചത്​. മൂന്ന്​ ബസുകളാണ്​ ഇതിൽ പ​െങ്കടുത്തത്​. ഇതിനിടയിൽ ഒരു ജീവനക്കാരന് പരിക്കേറ്റു. കോട്ടയത്തുനിന്നുള്ള പ്രതിനിധിക്കാണ് പരിക്കേറ്റത്. എന്നാൽ, സമ്മേളനത്തിനിടെ നടന്ന അപകടം പുറത്തറിയിക്കാതെ മൂടി​െവക്കാൻ സംഘടനാ ഭാരവാഹികൾ ശ്രമിച്ചു. ചികിത്സയുടെ മുഴുവൻ ചെലവും ഏറ്റെടുത്ത് കേസ് ഒതുക്കുകയാണ് സംഘടന ചെയ്തതത്രെ. വിവിധയിടങ്ങളിൽ ടൂറിസ്​റ്റ്​ ബസുകളുമായി നടത്തിയ അഭ്യാസപ്രകടനങ്ങൾ പുറത്തുവരുന്ന സാഹചര്യത്തിലാണ്​ ഇൗ ദൃശ്യവും മാധ്യമങ്ങൾ പുറത്തുവിട്ടത്​.

പൊതുവിദ്യാഭ്യാസ ഡയറക്​ടർ റിപ്പോർട്ട്​ തേടി
തിരുവനന്തപുരം: കൊട്ടാരക്കരയിലും അഞ്ചലിലും സ്​കൂൾ വളപ്പിൽ അപകടകരമായരീതിയിൽ ടൂറിസ്​റ്റ്​ ബസ്​ ഒാടിച്ച സംഭവത്തിൽ പൊതുവിദ്യാഭ്യാസ ഡയറക്​ടർ റിപ്പോർട്ട്​ തേടി. വി.എച്ച്​.എസ്​.ഇ കൊല്ലം മേഖല അസിസ്​റ്റൻറ്​ ഡയറക്​ടർ, കൊട്ടാരക്കര വിദ്യാഭ്യാസ ജില്ല ഒാഫിസർ എന്നിവരിൽനിന്നാണ്​ ഡി.ജി.ഇ കെ. ജീവൻ ബാബു റിപ്പോർട്ട്​ തേടിയത്​.

ടൂറിസ്​റ്റ്​ ബസുകളില്‍ പരിശോധന; 191 കേസ്​ എടുത്തു
തിരുവനന്തപുരം: നിയമലംഘനങ്ങള്‍ക്കെതിരെ മോട്ടോർ വാഹനവകുപ്പ് സംസ്​ഥാന വ്യാപകമായി നടത്തിയ പരിശോധനയില്‍ 191 ടൂറിസ്​റ്റ്​ ബസുകൾക്കെതിരെ നടപടിയെടുത്തു. ഗുരുതര കുറ്റകൃത്യങ്ങള്‍ കണ്ടെത്തിയ 15 ബസുകളുടെ ഫിറ്റ്​നസ്​ സര്‍ട്ടിഫിക്കറ്റ്​ റദ്ദാക്കി. അമിതമായി ലൈറ്റുകള്‍ ഘടിപ്പിക്കുക, അനുവദനീയമായതില്‍ കൂടുതല്‍ ശബ്​ദസംവിധാനം ഉപയോഗിക്കുക, പുറം ബോഡിയില്‍ ചിത്രപ്പണികള്‍ ചെയ്യുക തുടങ്ങിയ കുറ്റങ്ങള്‍ക്കാണ് കേസെടുത്തത്. അപകടകരമായരീതിയില്‍ ചില ബസുകളിൽ ജനറേറ്ററുകള്‍ ഘടിപ്പിച്ചതായും കണ്ടെത്തി​.
ടൂറിസ്​റ്റ്​ ബസുകളിലെ നിയമലംഘനങ്ങളെക്കുറിച്ച ആക്ഷേപങ്ങളെതുടർന്നാണ്​ മോ​േട്ടാർ വാഹനവകുപ്പ്​ ‘ഒാപറേഷൻ തണ്ടർ’ എ​ന്ന പേരിൽ പരി​ശോധന നടത്തിയത്​.

കൊട്ടാരക്കര സ്കൂൾ വളപ്പിലെ അഭ്യാസപ്രകടനവും അഞ്ചൽ സ്കൂളിലെ വിദ്യാർഥികളുമായി പോകവെ ഡ്രൈവര്‍ ഓടുന്ന ബസിൽനിന്ന് ഇറങ്ങി നടന്ന സംഭവവും ടൂറിസ്​റ്റ്​​ ബസ്​ ഡ്രൈവർമാരുടെ സംഘടനയുടെ സമ്മേളനത്തിൽ നടന്ന മത്സരഒാട്ടവും ദൃശ്യങ്ങളുൾപ്പെടെ പുറത്തുവന്നതോടെയാണ്​ നടപടികളുമായി അധികൃതർ ​രംഗത്തെത്തിയത്​. അമിതവേഗവും സാഹസിക പ്രകടനങ്ങളും ശ്രദ്ധയിൽപെട്ടാൽ ലൈസൻസ് റദ്ദാക്കുന്നതുൾപ്പെടെ നടപടി കൈക്കൊള്ളുമെന്ന്​ മോ​േട്ടാർ വാഹനവകുപ്പ്​ വൃത്തങ്ങൾ വ്യക്തമാക്കി.