ദാറുന്നജാത്ത് സ്കൂളിലെ നിയമന ക്രമക്കേട്: കുറ്റാരോപിതർക്ക് സർക്കാറിന്റെ ക്ലീൻചിറ്റ്

മ​ല​പ്പു​റം: ക​രു​വാ​ര​ക്കു​ണ്ട് ദാ​റു​ന്ന​ജാ​ത്ത് സ്കൂ​ളി​ൽ വ്യാ​ജ നി​യ​മ​ന​രേ​ഖ​യു​ണ്ടാ​ക്കി മൂ​ന്ന് അ​ധ്യാ​പ​ക​ർ ശ​മ്പ​ളം കൈ​പ്പ​റ്റി​യെ​ന്ന കേ​സി​ൽ കു​റ്റാ​രോ​പി​ത​രാ​യ അ​ധ്യാ​പ​ക​ർ​ക്ക് സ​ർ​ക്കാ​ർ ക്ലീ​ൻ​ചി​റ്റ്. മ​ല​പ്പു​റം വി​ദ്യാ​ഭ്യാ​സ ഉ​പ​ഡ​യ​റ​ക്ട​റു​ടെ ക​ണ്ടെ​ത്ത​ലു​ക​ളും ശി​പാ​ർ​ശ​ക​ളും ത​ള്ളി​യാ​ണ് ന​ട​പ​ടി. സ​മ​സ്ത നേ​താ​വ് അ​ബ്ദു​ൽ ഹ​മീ​ദ് ഫൈ​സി അ​മ്പ​ല​ക്ക​ട​വി​ന്റെ മ​ക​ളും ബ​ന്ധു​ക്ക​ളു​മ​ട​ക്കം കു​റ്റ​ക്കാ​രാ​യ കേ​സി​ലാ​ണ് വി​ദ്യാ​ഭ്യാ​സ വ​കു​പ്പി​ന്റെ മ​ല​ക്കം​മ​റി​ച്ചി​ൽ.

അ​ധ്യാ​പ​ക​രാ​യ നി​ഷാ​ത്ത് സു​ൽ​ത്താ​ന, സി. ​റൈ​ഹാ​ന​ത്ത്, ഒ. ​സു​ലാ​ഫ എ​ന്നി​വ​രു​ടെ നി​യ​മ​ന​വു​മാ​യി ബ​ന്ധ​പ്പെ​ട്ട പ​രാ​തി​യി​ലാ​ണ് ഇ​വ​ർ കു​റ്റ​ക്കാ​ര​ല്ലെ​ന്ന പു​ന​ര​ന്വേ​ഷ​ണ​സ​മി​തി​യു​ടെ റി​പ്പോ​ർ​ട്ട്. റി​പ്പോ​ർ​ട്ട് സ​ർ​ക്കാ​ർ ഹൈ​കോ​ട​തി​യി​ൽ സ​മ​ർ​പ്പി​ക്കും. അ​ന​ധി​കൃ​ത​മാ​യി കൈ​പ്പ​റ്റി​യ ശ​മ്പ​ളം 18 ശ​ത​മാ​നം പ​ലി​ശ സ​ഹി​തം തി​രി​ച്ചു​പി​ടി​ക്ക​ണ​മെ​ന്നും ക്രി​മി​ന​ൽ കേ​സ് എ​ടു​ക്ക​ണ​മെ​ന്നു​മാ​യി​രു​ന്നു ഡി.​പി.​ഐ​യു​ടെ നി​ർ​ദേ​ശ​പ്ര​കാ​രം മ​ല​പ്പു​റം വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ന​ൽ​കി​യ റി​പ്പോ​ർ​ട്ടി​ലു​ണ്ടാ​യി​രു​ന്ന​ത്.

മൂ​ന്ന് അ​ധ്യാ​പ​ക​രും സ്കൂ​ളി​ൽ ഹാ​ജ​രാ​വാ​തെ​യും ജോ​ലി ചെ​യ്യാ​തെ​യും നി​യ​മ​നാം​ഗീ​കാ​രം നേ​ടു​ക​യും ശ​മ്പ​ള​വും മ​റ്റാ​നു​കൂ​ല്യ​ങ്ങ​ളും കൈ​പ്പ​റ്റി​യെ​ന്നാ​യി​രു​ന്നു ക​ണ്ടെ​ത്ത​ൽ. സ്കൂ​ൾ രേ​ഖ​ക​ളി​ൽ വ്യാ​പ​ക ക്ര​മ​ക്കേ​ടു​ക​ൾ ന​ട​ത്തി​യ​താ​യും തെ​ളി​വ് സ​ഹി​തം റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി​യി​രു​ന്നു. വ​കു​പ്പു​ത​ല ന​ട​പ​ടി​ക്കൊ​പ്പം ക്രി​മി​ന​ൽ കേ​സ് എ​ടു​ക്ക​ണ​മെ​ന്നു​മാ​യി​രു​ന്നു മ​ല​പ്പു​റം വി​ദ്യാ​ഭ്യാ​സ ഉ​പ​ഡ​യ​റ​ക്ട​റു​ടെ ശി​പാ​ർ​ശ. ഈ ​റി​പ്പോ​ർ​ട്ട് 2024 ഏ​പ്രി​ലി​ൽ പു​റ​ത്തു​വ​ന്നു.

പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ പൊ​തു​വി​ദ്യാ​ഭ്യാ​സ സെ​ക്ര​ട്ട​റി​ക്ക് റി​പ്പോ​ർ​ട്ട് കൈ​മാ​റി ന​ട​പ​ടി​ക്ക് ശി​പാ​ർ​ശ ചെ​യ്ത​തി​നി​ടെ​യാ​ണ് സ​മ​സ്ത നേ​താ​വ് അ​ബ്ദു​ൽ ഹ​മീ​ദ് ഫൈ​സി അ​മ്പ​ല​ക്ക​ട​വ് മു​ഖ്യ​മ​ന്ത്രി​ക്ക് ക​ത്ത് ന​ൽ​കി​യ​ത്. ഇ​തോ​ടെ ന​ട​പ​ടി​ക​ൾ മ​ന്ദ​ഗ​തി​യി​ലാ​യി. തു​ട​ർ​ന്ന് പ​രാ​തി​ക്കാ​ര​നാ​യ എം. ​ഹു​സൈ​നാ​ർ ഹൈ​കോ​ട​തി​യെ സ​മീ​പി​ച്ചു. സ​ർ​ക്കാ​ർ ന​ട​പ​ടി വൈ​കു​ന്ന​തി​നെ​തി​രെ ഹൈ​കോ​ട​തി ഇ​ട​പെ​ട​ലു​ണ്ടാ​യി. തു​ട​ർ​ന്ന് പു​ന​ര​ന്വേ​ഷ​ണ​ത്തി​ന് മൂ​ന്നം​ഗ​സ​മി​തി​യെ ചു​മ​ത​ല​പ്പെ​ടു​ത്തി​യ​താ​യി കോ​ട​തി​യെ അ​റി​യി​ക്കു​ക​യാ​യി​രു​ന്നു.

പൊ​തു​വി​ദ്യാ​ഭ്യാ​സ അ​ഡീ​ഷ​ന​ൽ ഡ​യ​റ​ക്ട​ർ ആ​ർ.​എ​സ്. ഷി​ബു​വി​ന്റെ നേ​തൃ​ത്വ​ത്തി​ൽ ഉ​പ​സ​മി​തി ന​ട​ത്തി​യ പു​ന​ര​ന്വേ​ഷ​ണ റി​പ്പോ​ർ​ട്ടി​ലാ​ണ് പ​രാ​തി​യി​ൽ ക​ഴ​മ്പി​ല്ലെ​ന്ന ക​ണ്ടെ​ത്ത​ൽ. ഇ​ര​ട്ട​ശ​മ്പ​ളം കൈ​പ്പ​റ്റി എ​ന്ന പ​രാ​തി​യി​ൽ ക​ഴ​മ്പി​ല്ല. രേ​ഖ​ക​ളി​ലെ കൃ​ത്രി​മം അ​റ​വി​ല്ലാ​യ്മ​കൊ​ണ്ട് സം​ഭ​വി​ച്ച​താ​ണെ​ന്നും റി​പ്പോ​ർ​ട്ടി​ലു​ണ്ട്. തു​ട​ർ​ന​ട​പ​ടി​ക​ൾ സ്വീ​ക​രി​ക്കേ​ണ്ട​തി​ല്ലെ​ന്നാ​ണ് റി​പ്പോ​ർ​ട്ടി​ലെ ശി​പാ​ർ​ശ. അ​തേ​സ​മ​യം, കു​റ്റാ​രോ​പി​ത​രെ ര​ക്ഷി​ക്കാ​ൻ സ​ർ​ക്കാ​ർ കൂ​ട്ടു​നി​ൽ​ക്കു​ക​യാ​യി​രു​ന്നെ​ന്നും എ​ല്ലാ തെ​ളി​വു​ക​ളും കോ​ട​തി​യി​ൽ സ​മ​ർ​പ്പി​ക്കു​മെ​ന്നും പ​രാ​തി​ക്കാ​ര​നാ​യ എം. ​ഹു​സൈ​നാ​ർ പ​റ​ഞ്ഞു. സ​മ​സ്ത​യി​ലെ ലീ​ഗ് വി​രു​ദ്ധ​വി​ഭാ​ഗം നേ​താ​വ് കൂ​ടി​യാ​ണ് അ​ബ്ദു​ൽ ഹ​മീ​ദ് ഫൈ​സി അ​മ്പ​ല​ക്ക​ട​വ്.