കാസർകോട് നിന്ന് കാണാതായ രണ്ടര വയസുകാരന്റെ മൃതദേഹം കണ്ടെത്തി

കാസർകോട്: ചെങ്കള ‌ചേരൂര്‍ കടവിൽ നിന്നു കാണാതായ രണ്ടര വയസുകാരൻ സെയ്​ബാൻെറ മൃതദേഹം കണ്ടെത്തി. തളങ്കര ഹാർബറിന് സമീപത്തു നിന്നാണ് മൃതദേഹം ലഭിച്ചത്.

ഞായറാഴ്ച ഉച്ചകഴിഞ്ഞാണ് വീട്ടുമുറ്റത്തു കളിച്ചു കൊണ്ടിരിക്കെയാണ് സെയ്​ബാനെ കാണാതായത്. വീടിനു സമീപമുള്ള ചന്ദ്രഗിരി പുഴയിലെ ഒഴുക്കിൽ പെട്ടാണ് അപകടമുണ്ടായത് എന്നാണ് പൊലീസിന്റെ നിഗമനം. 

മൃതദേഹം പോസ്റ്റുമോർട്ടത്തിനായി കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി. വിദ്യാനഗർ ചേരൂര്‍ കടവിൽ കബീര്‍ - റുഖ്‌സാന ദമ്പതികളുടെ മകനാണ് സെയ്​ബാൻ.