വെൻറിലേറ്റർ സൗകര്യമില്ലാതെ നിപ ബാധിതനായ കുട്ടിയുടെ മരണം: ​ൈഹകോടതി വിശദീകരണം തേടി

കൊച്ചി: വെൻറിലേറ്റർ സൗകര്യം ലഭ്യമല്ലാതിരുന്നതിനാൽ നിപ ബാധിച്ച 12കാരൻ മരിക്കാനിടയായ സംഭവത്തിൽ ​ൈഹകോടതി സർക്കാറി​െൻറ വിശദീകരണം തേടി. രോഗാവസ്ഥയിൽ കോഴിക്കോട് ഗവ. മെഡിക്കൽ കോളജ്​ ആശുപത്രിയിലെത്തിച്ച മുഹമ്മദ് ഹാഷിമിന്​ 24 മണിക്കൂർ കഴിഞ്ഞിട്ടും വെൻറിലേറ്റർ സൗകര്യം ലഭിച്ചില്ലെന്ന്​ ചൂണ്ടിക്കാട്ടിയ ഹരജിയിലാണ്​ ചീഫ്​ ജസ്​റ്റിസ്​ അടങ്ങുന്ന ഡിവിഷൻ ബെഞ്ച്​ ആരോഗ്യ പ്രിൻസിപ്പൽ സെക്രട്ടറിയോട്​ വിശദീകരണം തേടിയത്​.

ഹരജി ഈ മാസം 22ന്​ വീണ്ടും പരിഗണിക്കും. വയനാട് ബത്തേരിയിലെ സാർവജന സ്കൂൾ വിദ്യാർഥി പാമ്പുകടിയേറ്റ് മരിച്ച സംഭവത്തെത്തുടർന്ന് സംസ്ഥാനത്തെ ജനറൽ, ജില്ല, താലൂക്ക് ആശുപത്രികളിൽ പീഡിയാട്രിക് വെൻറിലേറ്റർ സൗകര്യം ആവശ്യപ്പെട്ട് ഹരജി നൽകിയ കുളത്തൂർ ജയ്സിങ്​ നൽകിയ ഉപഹരജിയാണ്​ കോടതി പരിഗണിച്ചത്​.

സംസ്ഥാനത്തെ മെഡിക്കൽ കോളജ്​ ആശുപത്രികളിൽ മതിയായ അടിസ്ഥാന സൗകര്യങ്ങളും വെൻറിലേറ്റർ സൗകര്യങ്ങളും ഒരുക്കിയതായി ഹരജിയിൽ സർക്കാർ സത്യവാങ്മൂലം നൽകിയിരുന്നതായി ഉപഹരജിയിൽ പറയുന്നു. എന്നാൽ, വെൻറി​േലറ്റർ സൗകര്യം ലഭിക്കാതിരുന്നതിനെത്തുടർന്ന്​ സ്വകാര്യ ആശുപത്രിയിൽ എത്തിച്ച കുട്ടി ചികിത്സയിലിരിക്കെ മരിക്കുകയായിരു​െന്നന്ന്​ ഹരജിക്കാരൻ ചൂണ്ടിക്കാട്ടി. തുടർന്നാണ്​ ​കോടതി വിശദീകരണം തേടിയത്​.