അ​മ​ല്‍ജ്യോ​തി എ​ൻ​ജി​നീ​യ​റി​ങ്​ കോ​ള​ജി​ലെ വി​ദ്യാ​ര്‍ഥി​നിയുടെ മരണം: അപകീര്‍ത്തിപ്പെടുത്താനുള്ള നീക്കമെന്ന്​ രൂപത സംയുക്ത യോഗം

കാ​ഞ്ഞി​ര​പ്പ​ള്ളി: അ​മ​ല്‍ജ്യോ​തി എ​ൻ​ജി​നീ​യ​റി​ങ്​ കോ​ള​ജി​ലെ വി​ദ്യാ​ര്‍ഥി​നി ശ്ര​ദ്ധ സ​തീ​ഷി​ന്‍റെ മ​ര​ണം സം​ബ​ന്ധി​ച്ച്​ അ​ന്വേ​ഷ​ണം പൂ​ര്‍ത്തി​യാ​കും മു​മ്പ് കെ​ട്ടു​ക​ഥ​ക​ള്‍ മെ​ന​ഞ്ഞ് അ​പ​കീ​ര്‍ത്തി​പ്പെ​ടു​ത്താ​നു​ള്ള ശ്ര​മം രാ​ഷ്ട്ര നി​യ​മ​ങ്ങ​ളെ ആ​ദ​രി​ക്കു​ന്ന ജ​നാ​ധി​പ​ത്യ സ​മൂ​ഹ​ത്തി​ന് ചേ​ര്‍ന്ന​ത​ല്ലെ​ന്ന്​ കാ​ഞ്ഞി​ര​പ്പ​ള്ളി രൂ​പ​ത​യി​ലെ സം​ഘ​ട​ന​ക​ളു​ടെ സം​യു​ക്ത യോ​ഗം അ​ഭി​പ്രാ​യ​പ്പെ​ട്ടു. ശ്ര​ദ്ധ​യു​ടെ ജീ​വ​ഹാ​നി​യെ തു​ട​ര്‍ന്ന് അ​മ​ല്‍ജ്യോ​തി കോ​ള​ജി​ല്‍ ന​ട​ത്തു​ന്ന സം​ഘ​ടി​ത ആ​ക്ര​മ​ണ​ത്തി​ൽ യോ​ഗം ഉ​ത്ക​ണ്ഠ രേ​ഖ​പ്പെ​ടു​ത്തി. വി​ദ്യാ​ർ​ഥി​നി​യു​ടെ മ​ര​ണ​ത്തി​ല്‍ അ​നു​ശോ​ചി​ക്കു​ക​യും കു​ടും​ബാം​ഗ​ങ്ങ​ളു​ടെ​യും സ​ഹ​പാ​ഠി​ക​ളു​ടെ​യും അ​ധ്യാ​പ​ക​രു​ടെ​യും ദുഃ​ഖ​ത്തി​ല്‍ പ​ങ്കു​ചേ​രു​ക​യും ചെ​യ്യു​ന്നു. കോ​ള​ജി​നെ അ​പ​കീ​ര്‍ത്തി​പ്പെ​ടു​ത്താ​നും സം​ശ​യ​ത്തി​ന്‍റെ നി​ഴ​ലി​ല്‍ നി​ര്‍ത്താ​നും അ​ടി​സ്ഥാ​ന​ര​ഹി​ത​വും തെ​റ്റി​ദ്ധാ​ര​ണാ​ജ​ന​ക​വു​മാ​യ വാ​ര്‍ത്ത​ക​ള്‍ ചി​ല​ര്‍ പ്ര​ച​രി​പ്പി​ക്കു​ക​യാ​ണ്.

വി​ദ്യാ​ര്‍ഥി​നി​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് കൃ​ത്യ​മാ​യ അ​ന്വേ​ഷ​ണം ന​ട​ത്തി സ​ത്യാ​വ​സ്ഥ വെ​ളി​ച്ച​ത്തു​കൊ​ണ്ടു​വ​രാ​ന്‍ എ​ല്ലാ​വി​ധ​ത്തി​ലും സ​ഹ​ക​രി​ക്കു​ന്ന മാ​നേ​ജ്‌​മെ​ന്‍റി​നെ പ്ര​തി​ക്കൂ​ട്ടി​ല്‍ നി​ര്‍ത്താ​ൻ ചി​ല ത​ല്‍പ​ര​ക​ക്ഷി​ക​ള്‍ ബോ​ധ​പൂ​ർ​വം ശ്ര​മി​ക്കു​ന്നു​ണ്ടോ​യെ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു. വി​ദ്യാ​ഭ്യാ​സ​രം​ഗ​ത്ത് അ​തു​ല്യ സം​ഭാ​വ​ന​ക​ള്‍ ന​ല്‍കു​ന്ന ക്രൈ​സ്ത​വ സ​മൂ​ഹ​ത്തെ ഒ​റ്റ​പ്പെ​ടു​ത്തി ആ​ക്ര​മി​ച്ച് നി​ശ്ശ​ബ്ദ​രാ​ക്കാ​നാ​വി​ല്ല. ചി​ല ഗൂ​ഢ​സം​ഘ​ങ്ങ​ളു​ടെ ച​ട്ടു​ക​ങ്ങ​ളാ​യി വി​ദ്യാ​ര്‍ഥി സം​ഘ​ട​ന​ക​ള്‍ മാ​റ​രു​ത്. കോ​ള​ജ് മാ​നേ​ജ്‌​മെ​ന്റി​ന്‍റെ​യും അ​ധ്യാ​പ​ക-​വി​ദ്യാ​ര്‍ഥി സ​മൂ​ഹ​ത്തി​ന്റെ​യും മ​നോ​വീ​ര്യം ത​ക​ര്‍ക്കാ​നു​ള്ള ശ്ര​മ​ങ്ങ​ളെ ചെ​റു​ക്കും.

രൂ​പ​ത എ.​കെ.​സി.​സി പ്ര​സി​ഡ​ന്‍റ്​ ജോ​മി കൊ​ച്ചു​പ​റ​മ്പി​ല്‍ പ്ര​മേ​യം അ​വ​ത​രി​പ്പി​ച്ചു.

പ്ര​ഫ. സാ​ജു എ​ബ്ര​ഹാം കൊ​ച്ചു​വീ​ട്ടി​ല്‍, മാ​തൃ​വേ​ദി പ്ര​സി​ഡ​ന്‍റ്​ മേ​രി​ക്കു​ട്ടി പൊ​ടി​മ​റ്റ​ത്തി​ല്‍, യു​വ​ദീ​പ്തി-​എ​സ്.​എം.​വൈ.​എം ഡ​യ​റ​ക്ട​ര്‍ ഫാ. ​വ​ര്‍ഗീ​സ് കൊ​ച്ചു​പു​ര​യ്ക്ക​ല്‍ എ​ന്നി​വ​ര്‍ സം​സാ​രി​ച്ചു.

കോളജിലേക്ക്​ വിദ്യാർഥി സംഘടനകളുടെ മാർച്ച്​ ​

കാ​ഞ്ഞി​ര​പ്പ​ള്ളി: ര​ണ്ടാം​വ​ർ​ഷ ഫു​ഡ്​ ടെ​ക്​​നോ​ള​ജി വി​ദ്യാ​ർ​ഥി​നി ശ്ര​ദ്ധ സ​തീ​ഷി​ന്‍റെ മ​ര​ണ​ത്തെ തു​ട​ർ​ന്ന്​ വി​വി​ധ വി​ദ്യാ​ർ​ഥി സം​ഘ​ട​ന​ക​ൾ അ​മ​ൽ​ജ്യോ​തി കോ​ള​ജി​ലേ​ക്ക്​ മാ​ർ​ച്ച്​ ന​ട​ത്തി. കെ.​എ​സ്.​യു, എ.​ബി.​വി.​പി, ഫ്ര​റ്റേ​ണി​റ്റി മൂ​വ്മെ​ന്‍റ്​ തു​ട​ങ്ങി​യ സം​ഘ​ട​ന​ക​ളാ​ണ്​ പ്ര​തി​ഷേ​ധം ഉ​യ​ർ​ത്തി​യ​ത്.

കാ​മ്പ​സി​നു​ള്ളി​ലേ​ക്ക് ക​ട​ക്കാ​ൻ കെ.​എ​സ്.​യു പ്ര​വ​ർ​ത്ത​ക​ർ ന​ട​ത്തി​യ ശ്ര​മം പൊ​ലീ​സ് ത​ട​ഞ്ഞ​തോ​ടെ പ്ര​വ​ർ​ത്ത​ക​ർ കാ​ഞ്ഞി​ര​പ്പ​ള്ളി -എ​രു​മേ​ലി റോ​ഡ് ഉ​പ​രോ​ധി​ച്ചു. കെ.​എ​സ്‌.​യു ജി​ല്ല പ്ര​സി​ഡ​ന്‍റ്​ കെ.​എ​ൻ. നൈ​സാ​മി​ന്‍റെ നേ​തൃ​ത്വ​ത്തി​ലാ​യി​രു​ന്നു ഉ​പ​രോ​ധം. എ.​ബി.​വി.​പി പ്ര​വ​ർ​ത്ത​ക​ർ ന​ട​ത്തി​യ പ്ര​ക​ട​ന​വും അ​ക്ര​മാ​സ​ക്ത​മാ​യി. ഫ്ര​റ്റേ​ണി​റ്റി മൂ​വ്മെ​ന്‍റ്​ ജി​ല്ല ക​മ്മി​റ്റി കോ​ള​ജി​ലേ​ക്ക്‌ മാ​ർ​ച്ച്‌ സം​ഘ​ടി​പ്പി​ച്ചു. മാ​ർ​ച്ച്‌ ഗേ​റ്റി​ൽ പൊ​ലീ​സ്‌ ത​ട​ഞ്ഞു. ഫ്ര​റ്റേ​ണി​റ്റി സം​സ്ഥാ​ന ജ​ന​റ​ൽ സെ​ക്ര​ട്ട​റി അ​ർ​ച്ച​ന പ്ര​ജി​ത്ത്‌ ഉ​ദ്ഘാ​ട​നം ചെ​യ്തു. സം​സ്ഥാ​ന വൈ​സ്‌ പ്ര​സി​ഡ​ന്‍റ്​ അ​മീ​ൻ റി​യാ​സ്‌ മു​ഖ്യ​പ്ര​ഭാ​ഷ​ണം ന​ട​ത്തി. ജി​ല്ല പ്ര​സി​ഡ​ന്‍റ്​ സ​മീ​ർ ബി​ൻ ഷ​റ​ഫ് അ​ധ്യ​ക്ഷ​ത വ​ഹി​ച്ചു.