ആ​ദി​വാ​സി യുവാവിന്റെ മരണം: അന്വേഷണം തുടങ്ങി

കോ​ഴി​ക്കോ​ട്: മെ​ഡി. കോ​ള​ജി​ന് സ​മീ​പം ആ​ദി​വാ​സി യു​വാ​വ് വി​ശ്വ​നാ​ഥ​ൻ ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം തുടങ്ങി. ആ​ശു​പ​ത്രി ജീ​വ​ന​ക്കാ​രി​ൽ​നി​ന്നും സു​ര​ക്ഷാ​ജീ​വ​ന​ക്കാ​രി​ൽ​നി​ന്നും ദൃ​ക്സാ​ക്ഷി​ക​ളി​ൽ​നി​ന്നും മൊ​ഴി രേ​ഖ​പ്പെ​ടു​ത്തി. സി.​സി.​ടി.​വി ദൃ​ശ്യ​ങ്ങ​ളിൽ മ​ർ​ദ​നത്തി​ന്റെ ദൃ​ശ്യ​ങ്ങ​ളൊ​ന്നു​മി​ല്ല.

പോ​സ്റ്റ്മോ​ർ​ട്ടം പ്രാ​ഥ​മി​ക റി​പ്പോ​ർ​ട്ടി​ൽ മ​ർ​ദ​ന​ത്തി​ന്റെ പാ​ടു​ക​ൾ ഇ​ല്ലെ​ന്നും തൂ​ങ്ങി​മ​രി​ച്ച​തി​ന്റെ അ​ട​യാ​ള​ങ്ങ​ളാ​ണ് ഉള്ള​തെ​ന്നും അ​സി. പൊ​ലീ​സ് ക​മീ​ഷ​ണ​ർ കെ. ​സു​ദ​ർ​ശ​ൻ പ​റ​ഞ്ഞു. കൂ​ടു​ത​ൽ അ​ന്വേ​ഷ​ണം ന​ട​ക്കുകയാണെന്നും അ​ദ്ദേ​ഹം വ്യ​ക്ത​മാ​ക്കി. വ​യ​നാ​ട് പ​റവ​യ​ൽ സോ​മ​ന്റെ മ​ക​ൻ വി​ശ്വ​നാ​ഥ​നെ (46) ശ​നി​യാ​ഴ്ച രാ​വി​ലെ 10.30ഓ​ടെ​യാ​ണ് മാ​തൃ​ശി​ശു സം​ര​ക്ഷ​ണ​കേ​ന്ദ്ര​ത്തി​ന് സ​മീ​പം ഒ​ഴി​ഞ്ഞ​പ​റ​മ്പി​ലെ മ​ര​ത്തി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടത്. പ്ര​സ​വി​ച്ചു​കി​ട​ക്കു​ന്ന ഭാ​ര്യ​യെ കാ​ണാ​നെ​ത്തി​യ വി​ശ്വ​നാ​ഥ​നെ വ്യാ​ഴാ​ഴ്ച കാ​ണാ​താ​യ​തി​നെ തു​ട​ർ​ന്ന് മെ​ഡി​ക്ക​ൽ കോ​ള​ജ് പൊ​ലീ​സ് കേ​സെ​ടു​ത്തി​രു​ന്നു.

ആ​ശു​പ​ത്രി പ​രി​സ​ര​ത്ത് മൊ​ബൈ​ൽ​ ഫോ​ൺ മോ​ഷ​ണം പോ​യ​തു​മാ​യി ബ​ന്ധ​പ്പെ​ട്ട് യു​വാ​വി​നെ ആ​ളു​ക​ൾ ചോ​ദ്യം​ചെ​യ്തി​രു​ന്നു. ഇ​തി​ൽ മ​നം​നൊ​ന്താ​ണ് ആ​ത്മ​ഹ​ത്യ എ​ന്നാ​ണ് നി​ഗ​മ​നം. ബ​ന്ധു​ക്ക​ൾ പൊ​ലീ​സി​നും സു​ര​ക്ഷാ​ജീ​വ​ന​ക്കാ​ർ​ക്കു​മെ​തി​രെ പ​രാ​തി ഉ​ന്ന​യി​ച്ചി​രു​ന്നു. ഫോ​ൺ മോ​ഷ​ണ​ത്തി​ൽ ആ​രും പ​രാ​തി ന​ൽ​കി​യി​ട്ടി​ല്ലെ​ന്ന് പൊ​ലീ​സ് അ​റി​യി​ച്ചു. അതിനിടെ, സം​ഭ​വ​ത്തി​ൽ സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ സ്വ​മേ​ധ​യാ കേ​സെ​ടു​ത്തു. മെ​ഡി​ക്ക​ൽ കോ​ള​ജ് പൊ​ലീ​സ് അ​സി. ക​മീ​ഷ​ണ​റും മെ​ഡി​ക്ക​ൽ കോ​ള​ജ് ആ​ശു​പ​ത്രി സൂ​പ്ര​ണ്ടും ഒ​രാ​ഴ്ച​ക്ക​കം അന്വേഷണ റി​പ്പോ​ർ​ട്ട് സ​മ​ർ​പ്പി​ക്ക​ണ​ം. കേ​സ് ഫെ​ബ്രു​വ​രി 21ന് ​പ​രി​ഗ​ണി​ക്കും.