വി​ശ്വ​നാ​ഥ​ന്റെ മ​ര​ണം; ക്രൈം​ബ്രാ​ഞ്ച് റി​പ്പോ​ർ​ട്ട് ത​ള്ളി കു​ടും​ബം

ക​ൽ​പ​റ്റ: ആ​ദി​വാ​സി യു​വാ​വ് വി​ശ്വ​നാ​ഥ​ന്റെ ദു​രൂ​ഹ മ​ര​ണ​ത്തി​ൽ ക്രൈം​ബ്രാ​ഞ്ച് റി​പ്പോ​ർ​ട്ട് ത​ള്ളി കു​ടും​ബം. വി​ശ്വ​നാ​ഥ​ൻ ആ​ത്മ​ഹ​ത്യ ചെ​യ്യി​ല്ലെ​ന്ന് സ​ഹോ​ദ​ര​ൻ വി​നോ​ദ് പ​റ​ഞ്ഞു.

ക്രൈം​ബ്രാ​ഞ്ച് അ​ന്വേ​ഷ​ണ ക​ണ്ടെ​ത്ത​ലി​ൽ അ​തൃ​പ്തി​യു​ണ്ട്. മ​ര​ണ​ത്തി​ൽ അ​സ്വാ​ഭാ​വി​ക​ത നി​ല​നി​ൽ​ക്കു​ന്നു​ണ്ട്. അ​ന്വേ​ഷ​ണ​ത്തി​ൽ തു​ട​ക്ക​ത്തി​ൽ ത​ന്നെ അ​ട്ടി​മ​റി​യു​ണ്ടാ​യി​രു​ന്നു​വെ​ന്നും കു​ടും​ബം ആ​രോ​പി​ക്കു​ന്നു.

പ്ര​സ​വ​ത്തി​ന് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച ഭാ​ര്യ​യു​ടെ സ​ഹാ​യ​ത്തി​നെ​ത്തി​യ വി​ശ്വ​നാ​ഥ​നെ 2023 ഫെ​ബ്രു​വ​രി 11നാ​ണ് ആ​ത്മ​ഹ​ത്യ​ചെ​യ്ത നി​ല​യി​ല്‍ ക​ണ്ടെ​ത്തി​യ​ത്.

മോ​ഷ​ണ​ക്കു​റ്റം ആ​രോ​പി​ച്ച് ആ​ള്‍ക്കൂ​ട്ടം ന​ട​ത്തി​യ വി​ചാ​ര​ണ​യി​ല്‍ മ​നം​നൊ​ന്താ​ണ് വി​ശ്വ​നാ​ഥ​ന്‍ ആ​ത്മ​ഹ​ത്യ ചെ​യ്ത​തെ​ന്നു കു​ടും​ബാം​ഗ​ങ്ങ​ളും മ​നു​ഷ്യാ​വ​കാ​ശ പ്ര​വ​ര്‍ത്ത​ക​രും ആ​രോ​പി​ച്ചി​രു​ന്നു.

മെ​ഡി​ക്ക​ല്‍ കോ​ള​ജ് പൊ​ലീ​സ് അ​ന്വേ​ഷി​ച്ച കേ​സ് കു​ടും​ബം ആ​വ​ശ്യ​പ്പെ​ട്ട​ത​നു​സ​രി​ച്ചാ​ണ് ക്രൈം​ബ്രാ​ഞ്ചി​ന് വി​ട്ട​ത്. വ്യാ​ഴാ​ഴ്ച​യാ​ണ് കേ​സ് അ​വ​സാ​നി​പ്പി​ച്ച് കോ​ഴി​ക്കോ​ട് ജി​ല്ല സെ​ഷ​ൻ​സ് കോ​ട​തി​യി​ൽ ക്രൈം​ബ്രാ​ഞ്ച് റി​പ്പോ​ർ​ട്ട് സ​മ​ർ​പ്പി​ച്ച​ത്.

വി​ശ്വ​നാ​ഥ​ന്റെ മ​ര​ണ​ത്തി​ന് ആ​ൾ​ക്കൂ​ട്ട വി​ചാ​ര​ണ കാ​ര​ണ​മാ​യി​ട്ടി​ല്ലെ​ന്നാ​ണ് കോ​ട​തി​യി​ൽ ന​ൽ​കി​യ റി​പ്പോ​ർ​ട്ട്. അ​ന്വേ​ഷ​ണം അ​വ​സാ​നി​പ്പി​ക്കു​ക​യാ​ണെ​ന്നും പ​രാ​തി​യു​ണ്ടെ​ങ്കി​ൽ ഏ​ഴു ദി​വ​സ​ത്തി​ന​കം കോ​ട​തി​യെ സ​മീ​പി​ക്കാ​മെ​ന്നും കാ​ണി​ച്ച് വി​ശ്വ​നാ​ഥ​ന്റെ കു​ടും​ബ​ത്തി​ന് ക്രൈം​ബ്രാ​ഞ്ച് ക​ത്ത് ന​ൽ​കി​യി​രു​ന്നു.

ജു​ഡീ​ഷ്യ​ല്‍ അ​ന്വേ​ഷ​ണം വേ​ണ​മെ​ന്ന് ആ​ദി​വാ​സി കോ​ണ്‍ഗ്ര​സ്

ക​ല്‍പ​റ്റ: അ​ഡ്‌​ലൈ​ഡ് പാ​റ​വ​യ​ല്‍ കോ​ള​നി​യി​ലെ വി​ശ്വ​നാ​ഥ​നെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​നു സ​മീ​പം തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ജു​ഡീ​ഷ്യ​ല്‍ അ​ന്വേ​ഷ​ണം ന​ട​ത്ത​ണ​മെ​ന്ന് ആ​ദി​വാ​സി കോ​ണ്‍ഗ്ര​സ് ദേ​ശീ​യ കോ​ഓ​ഡി​നേ​റ്റ​ര്‍ ഇ.​എ. ശ​ങ്ക​ര​ന്‍ വാ​ര്‍ത്ത​സ​മ്മേ​ള​ന​ത്തി​ല്‍ ആ​വ​ശ്യ​പ്പെ​ട്ടു. വി​ശ്വ​നാ​ഥ​ന്റെ മ​ര​ണ​ത്തി​ല്‍ ക്രൈം​ബ്രാ​ഞ്ച് കൃ​ത്യ​മാ​യ അ​ന്വേ​ഷ​ണം ന​ട​ത്തി​യ​ല്ല കോ​ട​തി​യി​ല്‍ റി​പ്പോ​ര്‍ട്ട് സ​മ​ര്‍പ്പി​ച്ച​തെ​ന്നും അ​ദ്ദേ​ഹം ആ​രോ​പി​ച്ചു. ബാ​ഹ്യ ഇ​ട​പെ​ട​ല്‍ ക്രൈം​ബ്രാ​ഞ്ച് അ​ന്വേ​ഷ​ണ​ത്തെ സ്വാ​ധീ​നി​ച്ചു​വെ​ന്ന് സം​ശ​യി​ക്ക​ണം. മോ​ഷ്ടാ​വാ​യി ചി​ത്രീ​ക​രി​ച്ച​തും ആ​ള്‍ക്കൂ​ട്ടം വി​ചാ​ര​ണ ചെ​യ്ത​തു​മാ​ണ് വി​ശ്വ​നാ​ഥ​നെ മാ​ന​സി​ക​മാ​യി ത​ക​ര്‍ത്ത​തും ആ​ത്മ​ഹ​ത്യ​ക്കു പ്രേ​രി​പ്പി​ച്ച​തു​മെ​ന്നാ​ണ് വീ​ട്ടു​കാ​ര്‍ ക​രു​തു​ന്ന​തെ​ന്നും അ​ദ്ദേ​ഹം പ​റ​ഞ്ഞു.

തു​ട​ർ നി​യ​മ​ന​ട​പ​ടിക്ക് ആ​ക്ഷ​ൻ കൗ​ൺ​സി​ൽ

ക​ൽ​പ​റ്റ: വി​ശ്വ​നാ​ഥ​ന്റെ ദു​രൂ​ഹ മ​ര​ണ​വു​മാ​യി ബ​ന്ധ​പ്പെ​ട്ട് ക്രൈം​ബ്രാ​ഞ്ച് റി​പ്പോ​ർ​ട്ടി​നെ​തി​രെ ആ​ക്ഷ​ൻ കൗ​ൺ​സി​ൽ. ക്രൈം​ബ്രാ​ഞ്ചി​ന്റെ വി​ശ​ദ റി​പ്പോ​ർ​ട്ട് കി​ട്ടി​യ​ശേ​ഷം തു​ട​ർ​ന​ട​പ​ടി​യി​ലേ​ക്ക് ക​ട​ക്കു​മെ​ന്ന് ആ​ക്ഷ​ൻ കൗ​ൺ​സി​ൽ ക​ൺ​വീ​ന​ർ ഡോ. ​പി.​ജി. ഹ​രി ‘മാ​ധ്യ​മ’​ത്തോ​ട് പ​റ​ഞ്ഞു.

വി​ശ്വ​നാ​ഥ​നെ ആ​ൾ​ക്കൂ​ട്ടം അ​പ​മാ​നി​ക്കാ​ൻ ശ്ര​മി​ച്ച സം​ഭ​വ​ത്തി​ൽ റി​പ്പോ​ർ​ട്ട് മൗ​നം പാ​ലി​ക്കു​ക​യാ​ണ്. റി​പ്പോ​ർ​ട്ടി​ന്റെ പ​ക​ർ​പ്പ് ല​ഭ്യ​മാ​ക്കു​ന്ന​തി​ന് കോ​ഴി​ക്കോ​ട് കോ​ട​തി​യി​ൽ അ​പേ​ക്ഷ ന​ൽ​കി​യി​ട്ടു​ണ്ട്. ആ​ൾ​ക്കൂ​ട്ട വി​ചാ​ര​ണ​ക്കോ അ​തി​ക്ര​മ​ത്തി​നോ തെ​ളി​വി​ല്ലെ​ന്നു പ​റ​ഞ്ഞ് അ​ന്വേ​ഷ​ണം അ​വ​സാ​നി​പ്പി​ക്കു​ന്ന​ത് ക​ടു​ത്ത അ​നീ​തി​യാ​ണ്. ഭ​ര​ണ​കൂ​ട​ത്തി​ന്റെ സ്ഥി​രം രീ​തി​യാ​ണി​തെ​ന്നും പി.​ജി. ഹ​രി പ​റ​ഞ്ഞു.

ആ​ത്മ​ഹ​ത്യ എ​ന്ന മു​ൻ​വി​ധി​യോ​ടെ​യു​ള്ള കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പൊ​ലീ​സി​ന്റെ അ​ന്വേ​ഷ​ണ വ​ഴി​യി​ൽ ത​ന്നെ​യാ​ണ് ക്രൈം​ബ്രാ​ഞ്ചും സ​ഞ്ച​രി​ച്ച​ത്. സ​ഹോ​ദ​ര​ൻ വി​നോ​ദ് ഉ​ന്ന​യി​ച്ച കാ​ര്യ​ങ്ങ​ളി​ൽ​നി​ന്ന് പ്ര​ഥ​മ​ദൃ​ഷ്ട്യാ ത​ന്നെ ശ​രി​യെ​ന്നു തോ​ന്നു​ന്ന​തു​പോ​ലും വേ​ണ്ട​വി​ധം പ​രി​ശോ​ധി​ക്കാ​തെ ധി​റു​തി​പി​ടി​ച്ച് അ​ന്വേ​ഷ​ണം അ​വ​സാ​നി​പ്പി​ച്ച് റി​പ്പോ​ട്ട് സ​മ​ർ​പ്പി​ക്കു​ക​യാ​യി​രു​ന്നു. അ​ഭി​ഭാ​ഷ​ക​രു​ൾ​പ്പെ​ടെ പ്ര​മു​ഖ മ​നു​ഷ്യാ​വ​കാ​ശ പ്ര​വ​ർ​ത്ത​ക​രും ജ​ന​കീ​യ സം​ഘ​ട​ന​ക​ളും ന​ട​ത്തി​യ ഒ​ന്നി​ല​ധി​കം അ​ന്വേ​ഷ​ണ റി​പ്പോ​ർ​ട്ടു​ക​ളി​ൽ ഒ​ന്നുംത​ന്നെ, ഇ​ത്ത​ര​ത്തി​ൽ ആ​ത്മ​ഹ​ത്യ ചെ​യ്യേ​ണ്ട സാ​ഹ​ച​ര്യ​മി​ല്ലെ​ന്ന് ഉ​റ​പ്പി​ച്ചു പ​റ​യു​ന്നു. ശാ​സ്ത്രീ​യ തെ​ളി​വു​ക​ൾ ശേ​ഖ​രി​ക്കു​ന്ന​തി​ൽ വ​രു​ത്തി​യ വീ​ഴ്ച തു​ട​ര​ന്വേ​ഷ​ണ​ത്തി​ലും ഉ​ണ്ടാ​യി. നി​രാ​ലം​ബ​രാ​യ ഒ​രു കു​ടും​ബ​ത്തെ കൂ​ടു​ത​ൽ അ​പ​മാ​നി​ക്കു​ന്ന ത​ര​ത്തി​ലു​ള്ള പ​രാ​മ​ർ​ശ​ങ്ങ​ൾ അ​ന്വേ​ഷ​ണ റി​പ്പോ​ർ​ട്ടി​ൽ ഉ​ൾ​പ്പെ​ടു​ത്തി​യ​ത് തീ​ർ​ത്തും മ​നു​ഷ്യ​ത്വ​ര​ഹി​ത​വും ക്രൂ​ര​വു​മാ​ണെ​ന്ന് വി​ശ്വ​നാ​ഥ​ന് നീ​തി-​ഐ​ക്യ​ദാ​ർ​ഢ്യ സ​മി​തി ഭാ​ര​വാ​ഹി​ക​ൾ പ​റ​ഞ്ഞു.