ജ​മാ​അ​ത്തെ ഇ​സ്​​ലാ​മി​യെ​ച്ചൊ​ല്ലി നി​യ​മ​സ​ഭ​യി​ൽ വാ​ഗ്വാ​ദം

തി​രു​വ​ന​ന്ത​പു​രം: ജ​മാ​അ​ത്തെ ഇ​സ്​​ലാ​മി​യെ​ച്ചൊ​ല്ലി നി​യ​മ​സ​ഭ​യി​ൽ വാ​ഗ്വാ​ദം. ഗ​വ​ർ​ണ​റു​ടെ ന​യ​പ്ര​ഖ്യാ​പ​ന​ത്തി​നു​ള്ള ന​ന്ദി​പ്ര​മേ​യ ച​ർ​ച്ച​യി​ൽ ടി.​പി. രാ​മ​കൃ​ഷ്ണ​നാ​ണ്​ ആ​ദ്യം വി​മ​ർ​ശ​ന​മു​ന്ന​യി​ച്ച​ത്. മ​ത​രാ​ഷ്​​ട്ര വാ​ദ​മു​യ​ർ​ത്തു​ന്ന ജ​മാ​അ​ത്തെ ഇ​സ്​​ലാ​മി​​യെ​യും എ​സ്.​ഡി.​പി.​ഐ​യെ​യും യു.​ഡി.​എ​ഫി​ൽ ഉ​റ​പ്പി​ച്ചു​നി​ർ​ത്തി ഇ​ട​തു​സ​ർ​ക്കാ​റി​നെ അ​ട്ടി​മ​റി​ക്കാ​നാ​ണ്​ മു​സ്​​ലിം ലീ​ഗ്​ ശ്ര​മി​ക്കു​ന്ന​തെ​ന്ന്​ അ​ദ്ദേ​ഹം പ​റ​ഞ്ഞു. കോ​ൺ​ഗ്ര​സ്​ ഈ ​നി​ല​പാ​ടി​നെ പി​ന്തു​ണ​ക്കു​ക​യാ​ണെ​ന്ന്​ രാ​മ​കൃ​ഷ്ണ​ൻ ആ​രോ​പി​ച്ചു.

തെ​ര​​ഞ്ഞെ​ടു​പ്പ്​ വി​ജ​യ​ത്തി​നാ​യി തീ​വ്ര​വാ​ദി​ക​ളെ കൂ​ടെ​ച്ചേ​ർ​ക്കു​ക​യാ​ണ്​ യു.​ഡി.​എ​ഫെ​ന്ന്​ ഭ​ര​ണ​പ​ക്ഷ​ത്തു​നി​ന്ന്​ ച​ർ​ച്ച​യി​ൽ പ​​ങ്കെ​ടു​ത്ത എ.​സി. മൊ​യ്​​തീ​നും കു​റ്റ​പ്പെ​ടു​ത്തി. ന്യൂ​ന​പ​ക്ഷ​ത്തി​ന്‍റെ ​പേ​രും​പ​റ​ഞ്ഞ്​ തീ​വ്ര​വാ​ദം ന​ട​ത്തു​ന്ന ജ​മാ​അ​ത്തെ ഇ​സ്​​ലാ​മി​യെ സ്വ​ന്തം ചി​റ​കി​ൽ സം​ര​ക്ഷി​ച്ച്​ ലീ​ഗ്​ കൊ​ണ്ടു​ന​ട​ക്കു​ന്നു. അ​തി​നെ വോ​ട്ടി​നാ​യി പി​ന്തു​ണ​ക്കു​ന്ന കോ​ൺ​ഗ്ര​സി​ന്‍റെ നി​ല​പാ​ടെ​ന്താ​ണ്. ജ​മാ​അ​ത്തെ ഇ​സ്​​ലാ​മി​ക്കാ​ർ മ​ത​രാ​ഷ്ട്ര​വാ​ദം ഉ​പേ​ക്ഷി​ച്ചോ?. ‘ഹു​ക്​​മ​തെ ഇ​ലാ​ഹി’ എ​ന്ന്​ പ​റ​യു​ന്ന മൗ​ദൂ​ദി​യ​ൻ വാ​ദം ഉ​പേ​ക്ഷി​ച്ചോ? കേ​ര​ള അ​മീ​റി​നെ​ക്കൊ​ണ്ട്​ മ​ത​രാ​ഷ്ട്ര​വാ​ദ​ത്തി​ൽ ഉ​റ​ച്ചു​നി​ൽ​ക്കു​ന്നി​ല്ലെ​ന്ന പ്ര​സ്താ​വ​ന നി​ങ്ങ​ൾ ഇ​റ​ക്കി​ച്ചി​ട്ടു​ണ്ട്. പ​ക്ഷേ, എ​ത്ര മ​റ​ച്ചു​വെ​ക്കാ​ൻ ​ശ്ര​മി​ച്ചാ​ലും മ​ത​രാ​ഷ്ട്ര​വാ​ദ​മു​യ​ർ​ത്തു​ന്ന ഇ​വ​രെ സ്വീ​ക​രി​ക്കു​ന്ന​ത്​ ശ​രി​യ​ല്ല. പാ​ണ​ക്കാ​ട്​ ത​ങ്ങ​ൾ പ​റ​ഞ്ഞ​ത്​ ഫാ​ഷി​സ​ത്തെ എ​തി​ർ​ക്കാ​ൻ ന്യൂ​ന​പ​ക്ഷ ഏ​കീ​ക​ര​ണം വേ​ണ​മെ​ന്നാ​ണ്. ജ​മാ​അ​ത്തെ ഇ​സ്​​ലാ​മി​യെ​യും വെ​ൽ​ഫെ​യ​ർ പാ​ർ​ട്ടി​യെ​യും കൂ​ടെ​ക്കൊ​ണ്ടു​ന​ട​ന്ന്​ ഏ​ത്​ ഫാ​ഷി​സ​ത്തെ​യാ​ണ്​ എ​തി​ർ​ക്കു​ക -മൊ​യ്തീ​ൻ ചോ​ദി​ച്ചു.

ഭ​ര​ണ​പ​ക്ഷ വി​മ​ർ​ശ​ന​ത്തി​ന്​ ​അ​തേ നാ​ണ​യ​ത്തി​ൽ പ്ര​തി​പ​ക്ഷ​ത്തു​നി​ന്ന്​ എ​ൻ. ഷം​സു​ദ്ദീ​ൻ മ​റു​പ​ടി ന​ൽ​കി. ‘30 കൊ​ല്ലം ജ​മാ​അ​ത്തെ ഇ​സ്​​ലാ​മി ഒ​ന്നി​ച്ചു​​നി​ന്ന​തും പി​ന്തു​ണ കൊ​ടു​ത്ത​തും സി.​പി.​എ​മ്മി​നാ​ണ്. ഒ​ടു​വി​ൽ ജ​മാ​അ​ത്തെ ഇ​സ്​​ലാ​മി ത​ന്നെ മ​ന​സ്സി​ലാ​ക്കി, അ​വ​രെ പി​ന്തു​ണ​ക്കാ​ൻ കൊ​ള്ളി​ല്ലെ​ന്നും ബി.​ജെ.​പി​യു​മാ​യി അ​ന്ത​ർ​ധാ​ര​യു​ള്ള​വ​രാ​ണെ​ന്നും. ജ​മാ​അ​ത്തെ ഇ​സ്​​ലാ​മി അ​വ​രു​ടെ ന​യ​മാ​ണ്​ മാ​റ്റി​യ​ത്, ഞ​ങ്ങ​ള​ല്ല.

ജ​മാ​അ​ത്തെ ഇ​സ്​​ലാ​മി അ​മീ​റി​നൊ​പ്പം മു​ഖ്യ​മ​ന്ത്രി​യും ജ​ലീ​ൽ ഉ​ൾ​​പ്പെ​ടെ നേ​താ​ക്ക​ളും നി​ൽ​ക്കു​ന്ന എ​ത്ര​യോ ചി​ത്ര​ങ്ങ​ൾ വ​ന്നു. നി​ങ്ങ​​ളെ പി​ന്തു​ണ​ക്കു​​​മ്പോ​ൾ ‘സ്വ​ർ​ഗീ​യം’ ഞ​ങ്ങ​ളെ പി​ന്താ​ങ്ങി​യാ​ൽ ‘വ​ർ​ഗീ​യം’ എ​ന്നാ​ണ്​ നി​ല​പാ​ട്. നി​ങ്ങ​ളു​ടെ കൂ​ടെ​യാ​ണ​ല്ലോ ഐ.​എ​ൻ.​എ​ല്ലും പി.​ഡി.​പി​യും. അ​ത്​ സ്വ​ർ​ഗീ​യ​മാ​ണ്. കി​ട്ടാ​ത്ത​ത്​ വ​ർ​ഗീ​യ​ത​യും’- ഷം​സു​ദ്ദീ​ൻ പ​റ​ഞ്ഞു.