ഓർഗനൈസറിലെ ക​ത്തോ​ലി​ക്കാ സ​ഭാ ഭൂമി ലേഖനത്തെയും വഖഫിൽ പ്രതിപക്ഷത്തെയും വിമർശിച്ച് ‘ദീപിക’ മുഖപ്രസംഗം

കോഴിക്കോട്: ക​ത്തോ​ലി​ക്കാ സ​ഭ​യുടെ ഭൂമിയെക്കുറിച്ച് ആർ.എസ്.എസ് മുഖപത്രമായ ഓർഗനൈസറിലെ ലേഖനത്തിൽ രൂക്ഷ വിമർശനവുമായി ‘ദീപിക’ പത്രത്തിന്‍റെ മുഖപ്രസംഗം. ആ​ർ​ക്കാ​ണ് അ​ധി​കം ഭൂ​മി​യു​ള്ള​ത് എ​ന്ന ആ​ർ​.എ​സ്.എ​സ് കു​റി​പ്പി​നെ ഇ​വി​ടെ​യാ​ർ​ക്കും ഭ​യ​മി​ല്ലെന്നും കൂ​ടു​ത​ലു​ള്ള​ത് ക​ത്തോ​ലി​ക്കാ സ​ഭ​യ്ക്ക് അ​ല്ലാ​ത്ത​തി​നാ​ൽ മാ​ത്ര​മ​ല്ല ഉ​ള്ള​തി​ലൊ​രു ത​രി​പോ​ലും മ​ത​നി​യ​മ​ങ്ങ​ളാ​ൽ ത​ട്ടി​യെ​ടു​ത്ത​തോ അ​ന​ധി​കൃ​ത​മോ അ​ല്ല എന്നും ‘ലേ​ഖ​ന​ത്തെ ഭ​യ​മി​ല്ല, വ​ർ​ഗീ​യ​ത​യെ ഭ​യ​മു​ണ്ട്’ എന്ന തലക്കെട്ടിലെ മുഖപ്രസംഗത്തിൽ പറയുന്നു.

ആ​ർ​.എ​സ്.എ​സ് പി​ൻ​വ​ലി​ക്കു​ക​യോ നി​ഷേ​ധി​ക്കു​ക​യോ ചെ​യ്ത ലേ​ഖ​ന​ങ്ങ​ളെ​ന്ന​ല്ല, അം​ഗീ​ക​രി​ച്ചി​ട്ടു​ള്ള ആ​ശ​യ​ങ്ങ​ളും ന​ട​പ്പാ​ക്കി​ക്കൊ​ണ്ടി​രി​ക്കു​ന്ന പ്ര​വൃ​ത്തി​യു​മൊ​ക്കെ ഈ ​രാ​ജ്യ​ത്തെ ക്രൈ​സ്ത​വ​ർ ഉ​ൾ​പ്പെ​ടെ​യു​ള്ള ന്യൂ​ന​പ​ക്ഷ​ങ്ങ​ളു​ടെ ജീ​വി​ത​ത്തെ​യും തു​ല്യ പൗ​ര​ത്വ​ബോ​ധ​ത്തെ​യു​മൊ​ക്കെ പ​രി​ക്കേ​ൽ​പ്പി​ക്കു​ക​യാ​ണ്. സ​ഭ​യു​ടെ സ്കൂ​ളു​ക​ളി​ലും ആ​ശു​പ​ത്രി​ക​ളി​ലുംസേ​വ​നം ന​ൽ​കി പാ​വ​ങ്ങ​ളെ മ​ത​പ​രി​വ​ർ​ത്ത​നം ന​ട​ത്തു​ന്നു​ണ്ടെ​ന്ന ചി​ല റി​പ്പോ​ർ​ട്ടു​ക​ളു​ണ്ടെ​ന്നും പ​റ​ഞ്ഞ് ലേ​ഖ​നം യ​ഥാ​ർ​ഥ ല​ക്ഷ്യ​ത്തി​ലേ​ക്ക് പി​ൻ​വാ​തി​ൽ പ്ര​വേ​ശം ന​ട​ത്തു​ന്നു​​ണ്ട് -എന്നും ലേഖനത്തിനെതിരെ മുഖപ്രസംഗം വിമർശനമുയർത്തുന്നു.

വഖഫ് വിഷയത്തിൽ പ്രതിപക്ഷത്തെയും മുഖപ്രസംഗം വിമർശിക്കുന്നുണ്ട്. വ​ഖ​ഫി​നു​ശേ​ഷം ബി.​ജെ.​പി ക്രൈ​സ്ത​വ​രെ തേ​ടി വ​രു​മെ​ന്നു ഞ​ങ്ങ​ൾ പ​റ​ഞ്ഞ​ത് ഇ​പ്പോ​ൾ ശ​രി​യാ​യി​ല്ലേ​യെ​ന്നു ചോ​ദി​ക്കു​ന്ന രാ​ഷ്‌​ട്രീ​യ​ക്കാ​രോ​ട്, ഇ​ല്ല എ​ന്നു​ത​ന്നെ പ​റ​യും. കാ​ര​ണം, സം​ഘ​പ​രി​വാ​റി​ന് ന്യൂ​ന​പ​ക്ഷ​ത്തെ ആ​ക്ര​മി​ക്കാ​ൻ വ​ഖ​ഫൊ​ന്നും വേ​ണ്ട. ആ​ർ.​എ​സ്.എ​സ് ലേ​ഖ​ന​ത്തി​ന്‍റെ ഉ​ള്ള​ട​ക്കം തെ​റ്റാ​ണ്. ആ ​തെ​റ്റി​നെ​ക്കു​റി​ച്ചു പ​റ​യു​ന്ന​തി​നു പ​ക​രം, വ​ഖ​ഫ് ഭേ​ദ​ഗ​തി​യെ എ​തി​ർ​ത്ത തെ​റ്റാ​യ തീ​രു​മാ​ന​ത്തെ ന്യാ​യീ​ക​രി​ക്കാ​ൻ പ്ര​തി​പ​ക്ഷം ഈ​യ​വ​സ​രം ഉ​പ​യോ​ഗി​ക്കു​ക​യാ​ണ് -മുഖപ്രസംഗം കുറ്റപ്പെടുത്തുന്നു.

മു​നമ്പത്തെ ജ​ന​ങ്ങ​ളെ വ​ഴി​യാ​ധാ​ര​മാ​ക്കാ​ൻ വ​ഖ​ഫ് ബോ​ർ​ഡി​നെ സ​ഹാ​യി​ച്ച ചി​ല വ​കു​പ്പു​ക​ൾ ഒ​ഴി​വാ​ക്ക​ണ​മെ​ന്നാ​ണ് സി​ബി​സി​ഐ​യും കെ​സി​ബി​സി​യും ആ​വ​ശ്യ​പ്പെ​ട്ട​ത്. പ്ര​തി​പ​ക്ഷം അ​തു കേ​ട്ട​താ​യി ന​ടി​ച്ചി​ല്ല.
കോ​ൺ​ഗ്ര​സി​നോ​ടും സി​പി​എ​മ്മി​നോ​ടും കാ​ര്യ​ങ്ങ​ൾ തു​റ​ന്നു​പ​റ​യേ​ണ്ടി​വ​രു​ന്ന​ത്, സം​ഘ​പ​രി​വാ​റി​ന്‍റെ ക്രൈ​സ്ത​വ​പീ​ഡ​ന​ങ്ങ​ൾ കാ​ണാ​തെ​യ​ല്ല. ഉ​ത്ത​രേ​ന്ത്യ​യി​ൽ ക്രൈ​സ്ത​വ​രെ ഓ​ടി​ച്ചി​ട്ടു ത​ല്ലു​ന്ന​വ​ർ കേ​ര​ള​ത്തി​ൽ സ​ഹാ​യി​ക്കു​മെ​ന്നു പ​റ​യു​ന്പോ​ൾ അ​തി​ന്‍റെ രാ​ഷ്‌​ട്രീ​യം തി​രി​ച്ച​റി​യാ​നാ​കും. സം​ഘ​പ​രി​വാ​റി​ന്‍റെ ഓ​രോ അ​തി​ക്ര​മ​വും രാ​ജ്യ​ത്തെ​വി​ടെ​യു​മു​ള്ള ക്രൈ​സ്ത​വ​ർ​ക്കു കൊ​ള്ളു​ന്നു​ണ്ട്.
ഈ​സ്റ്റ​റി​ന്‍റെ വി​ശു​ദ്ധ​വാ​രം തു​ട​ങ്ങു​ന്പോ​ഴും ഉ​ത്ത​രേ​ന്ത്യ​യി​ലെ ക്രൈ​സ്ത​വ​ർ ഭീ​തി​യി​ലാ​ണെന്നും ‘ദീപിക’ മുഖപ്രസംഗം പറയുന്നു.