ഡൽഹി കൂടിക്കാഴ്ച: ബി.ജെ.പിയുമായി കൈകോർക്കാനുള്ള റിഹേഴ്​സലെന്ന്​ ചെന്നിത്തല, ബ്രേ​ക്ക്ഫാ​സ്റ്റ് മീ​റ്റി​ങ്​ മാ​ത്രം-മു​ഖ്യ​മ​ന്ത്രി

തി​രു​വ​ന​ന്ത​പു​രം: ദേ​ശീ​യ​ത​ല​ത്തി​ൽ ഇ​ൻ​ഡ്യ മു​ന്ന​ണി​യി​ൽ നി​ൽ​ക്കു​മ്പോ​ൾ ത​ന്നെ കേ​ര​ള​ത്തി​ൽ ബി.​ജെ.​പി​യു​മാ​യി കൈ​കോ​ർ​ത്തു പി​ടി​ക്കാ​നു​ള്ള ശ്ര​മ​ങ്ങ​ളു​ടെ റി​ഹേ​ഴ്സ​ലാ​ണ് ഡ​ൽ​ഹി കേ​ര​ള ഹൗ​സി​ൽ ന​ട​ന്ന​തെ​ന്ന് ര​മേ​ശ് ചെ​ന്നി​ത്ത​ല. കാ​ബി​ന​റ്റ് ശ്രേ​ണി​യി​ൽ മൂ​ന്നാം സ്ഥാ​ന​ത്ത് നി​ൽ​ക്കു​ന്ന കേ​ന്ദ്ര ധ​ന​മ​ന്ത്രി​യു​മാ​യി എ​ന്ത് അ​നൗ​ദ്യോ​ഗി​ക കൂ​ടി​ക്കാ​ഴ്ച​യാ​ണ് ന​ട​ത്തി​യ​തെ​ന്ന്​ കേ​ര​ള മു​ഖ്യ​മ​ന്ത്രി വി​ശ​ദീ​ക​രി​ക്ക​ണം.

ക​ഴി​ഞ്ഞ ദി​വ​സം മു​ഖ്യ​മ​​ന്ത്രി​യെ പ്ര​കോ​പി​പ്പി​ച്ച ‘മി​സ്റ്റ​ർ ചീ​ഫ് മി​നി​സ്റ്റ​ർ’ എ​ന്ന അ​ഭി​സം​ബോ​ധ​ന​യോ​ടെ​യാ​യി​രു​ന്നു ചെ​ന്നി​ത്ത​ല​യു​ടെ പ​രാ​മ​ർ​ശ​ങ്ങ​ൾ. ‘മു​ഖ്യ​മ​ന്ത്രി എ​ന്താ​ണ് കേ​ന്ദ്ര ധ​ന​മ​ന്ത്രി​യു​മാ​യി ച​ർ​ച്ച ചെ​യ്ത​തെ​ന്ന്​ പി.​ആ​ർ.​ഡി​യു​ടെ വാ​ർ​ത്ത​ക്കു​റി​പ്പി​ൽ പ​റ​യു​ന്നി​ല്ല.

കേ​ന്ദ്ര ധ​ന​മ​ന്ത്രി കേ​ര​ള​ത്തി​ന്റെ മു​ഖ്യ​മ​ന്ത്രി​യെ കേ​ര​ള ഹൗ​സി​ൽ വ​ന്ന് കൂ​ടി​ക്കാ​ഴ്ച ന​ട​ത്തി​യ​തി​ൽ രാ​ഷ്ട്രീ​യം കാ​ണു​ന്നെ​ങ്കി​ൽ എ​ന്താ​ണ് തെ​റ്റ്. ഗ​വ​ർ​ണ​ർ​ക്ക് രാ​ഷ്ട്രീ​യ​മു​ണ്ട്. വി​വി​ധ സം​സ്ഥാ​ന​ങ്ങ​ളി​ലെ ഗ​വ​ർ​ണ​ർ​മാ​ർ രാ​ഷ്ട്രീ​യം ക​ളി​ക്കു​ക​യാ​ണ്. കേ​ര​ള​ത്തി​ന്‍റെ ഗ​വ​ർ​ണ​ർ ഒ​രു പാ​ല​മാ​യി പ്ര​വ​ർ​ത്തി​ക്കു​ന്നെ​ന്ന് പ​റ​ഞ്ഞാ​ൽ തെ​റ്റാ​ണെ​ന്ന് പ​റ​യാ​നാ​കു​മോ -ചെ​ന്നി​ത്ത​ല പ​റ​ഞ്ഞു.

അ​ത്​ ബ്രേ​ക്ക്ഫാ​സ്റ്റ് മീ​റ്റി​ങ്​ മാ​ത്രം-മു​ഖ്യ​മ​ന്ത്രി

തി​രു​വ​ന​ന്ത​പു​രം: കേ​ന്ദ്ര ധ​ന​മ​ന്ത്രി​യു​മാ​യി ന​ട​ത്തി​യ കൂ​ടി​ക്കാ​ഴ്ച​യെ​ക്കു​റി​ച്ച്​ ഉ​യ​ർ​ന്ന വി​മ​ർ​ശ​ന​ങ്ങ​ൾ​ക്ക് വി​ശ​ദീ​ക​ര​ണ​വും മ​റു​പ​ടി​യു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. തീ​ർ​ത്തും സൗ​ഹൃ​ദ സം​ഭാ​ഷ​ണം മാ​ത്ര​മാ​ണ് ന​ട​ന്ന​തെ​ന്നും അ​തൊ​രു ബ്രേ​ക്ക്ഫാ​സ്റ്റ് മീ​റ്റി​ങ്​ മാ​ത്ര​മാ​യി​രു​ന്നെ​ന്നും ധ​നാ​ഭ്യ​ർ​ഥ​ന മ​റു​പ​ടി​യി​ൽ മു​ഖ്യ​മ​ന്ത്രി വി​ശ​ദീ​ക​രി​ച്ചു.

നി​ർ​മ​ല സീ​താ​രാ​മ​നെ ക​ണ്ട​തി​ൽ എ​ന്തോ വ​ലി​യ സം​ഭ​വം ന​ട​ന്ന​തു പോ​ലെ​യാ​ണ് പ്ര​തി​പ​ക്ഷം അ​വ​ത​രി​പ്പി​ക്കു​ന്ന​ത്. എ​നി​ക്ക് എ​ന്‍റെ രാ​ഷ്ട്രീ​യ​മു​ണ്ട്. ഗ​വ​ർ​ണ​ർ​ക്ക് അ​ദ്ദേ​ഹ​ത്തി​ന്റേ​തും കേ​ന്ദ്ര ധ​ന​മ​ന്ത്രി​ക്ക് അ​വ​രു​ടേ​തും. രാ​ഷ്ട്രീ​യ​മു​ള്ള വ്യ​ക്തി​ത്വ​ങ്ങ​ൾ ത​മ്മി​ൽ ക​ണ്ടാ​ൽ രാ​ഷ്ട്രീ​യം ഉ​രു​കി​പ്പോ​കു​ന്ന അ​വ​സ്ഥ​യു​ണ്ടാ​കു​മോ.

കൂ​ടി​ക്കാ​ഴ്ച​യി​ൽ പൊ​തു​വാ​യ കാ​ര്യ​ങ്ങ​ളാ​ണ് സം​സാ​രി​ച്ച​ത്. നാ​ടി​നെ​തി​രാ​യ ച​ർ​ച്ച​യ​ല്ല. നാ​ടി​ന്‍റെ നി​ര​വ​ധി പ്ര​ശ്ന​ങ്ങ​ൾ ച​ർ​ച്ച ചെ​യ്തു. കേ​ര​ള​ത്തി​ന്റെ കാ​ര്യ​ങ്ങ​ളി​ൽ ധ​ന​മ​ന്ത്രി ഗൗ​ര​വ​മാ​യ അ​ഭി​പ്രാ​യ​ങ്ങ​ളും പ്ര​ക​ടി​പ്പി​ച്ചു. മ​റ്റു​ത​ര​ത്തി​ൽ ഒ​രു നി​വേ​ദ​നം കൊ​ടു​ക്ക​ലി​നു​ള്ള അ​വ​സ​ര​മാ​യി ആ ‘​ബ്രേ​ക്ക് ഫാ​സ്റ്റ് മീ​റ്റി​ങ്ങി’​നെ മാ​റ്റി​യി​ല്ല. ഗ​വ​ർ​ണ​ർ പാ​ല​മാ​യി നി​ൽ​ക്കു​ന്നെ​ന്നാ​ണ് പ്ര​തി​പ​ക്ഷ വി​മ​ർ​ശ​നം. ഗ​വ​ർ​ണ​ർ ക്ഷ​ണി​ച്ചി​ട്ട​ല്ല, ഞാ​ൻ കൂ​ടി​ക്കാ​ഴ്ച​ക്ക് ചെ​ന്ന​ത്. ഞാ​ൻ ക്ഷ​ണി​ച്ച പ്ര​കാ​ര​മാ​ണ് ഗ​വ​ർ​ണ​ർ എ​ത്തി​യ​ത് -അദ്ദേഹം പറഞ്ഞു.