ഡൽഹിയിൽനിന്ന്​ ട്രെയിനിൽ കേരളത്തിലെത്തുക 602 പേർ

തിരുവനന്തപുരം: ഡൽഹിയിൽ നിന്ന്​ ട്രെയിനിൽ കേരളത്തിലെത്തുന്നത്​ 602 പേർ. വെള്ളിയാഴ്​ച രാവിലെയാണ്​ ട്രെയിൻ എത്തുക.തമ്പാനൂർ റെയിൽവേ സ്‌റ്റേഷനിൽ രാവിലെ 5.25 ഓടെ ട്രെയിൻ എത്തുമെന്ന്​ തിരുവനന്തപുരം ജില്ല ഇൻഫർമേഷൻ ഓഫിസർ അറിയിച്ചു. 

തിരുവനന്തപുരത്ത് ഇറങ്ങുന്ന യാത്രക്കാരുടെ ജില്ല തിരിച്ചുള്ള കണക്കുകൾ; തിരുവനന്തപുരം - 150, കൊല്ലം- 84, പത്തനംതിട്ട - 89, ആലപ്പുഴ- 37, കോട്ടയം - 34, തമിഴ്നാട് - 61 പോകേണ്ട സ്ഥലം അറിയിക്കാത്തവർ - 147. 

മറ്റ് ജില്ലകളിലേക്ക് പോകേണ്ടവർക്ക് 25 കെ.എസ്.ആർ.ടി.സി ബസുകൾ ഏർപ്പാടാക്കിയിട്ടുണ്ട്. തമിഴ്നാട്ടിലേക്ക് പോകേണ്ടവർക്ക് അഞ്ച് ബസുകൾ ഏർപ്പെടുത്തിയതായി കന്യാകുമാരി കലക്ടർ തിരുവനന്തപുരം കലക്ടറെ അറിയിച്ചു. 

റെയിൽവേ സ്​റ്റേഷനിൽ യാത്രക്കാരുടെ ആരോഗ്യ പരിശോധന കർശനമായി നടത്തുന്നതിനും തുടർ നടപടികൾക്കുമുള്ള സജജീകരണങ്ങൾ എർപ്പെടുത്തിയതായും ജില്ല ഭരണകൂടം അറിയിച്ചു.