ഡൽഹി ദുരന്തം റെയിൽവേയുടെ അനാസ്ഥ-പ്രതിപക്ഷം

ന്യൂ​ഡ​ൽ​ഹി: തി​ക്കി​ലും തി​ര​ക്കി​ലും പെ​ട്ട് 18 പേ​ർ മ​രി​ച്ച ന്യൂ​ഡ​ൽ​ഹി റെ​യി​​ൽ​വേ സ്റ്റേ​ഷ​ൻ ദു​ര​ന്ത​ത്തി​ന് കാ​ര​ണം റെ​യി​ൽ​വേ​യു​ടെ കെ​ടു​കാ​ര്യ​സ്ത​ത​യും അ​നാ​സ്ഥ​യും. റി​സ​ർ​വ് ചെ​യ്യാ​ത്ത യാ​ത്ര​ക്കാ​ർ​ക്ക് അ​നി​യ​ന്ത്രി​ത​മാ​യി ടി​ക്ക​റ്റ് ന​ൽ​കു​ക​യും സു​ര​ക്ഷാ​സേ​ന​യെ വി​ന്യ​സി​ക്കു​ന്ന​തി​ലെ അ​പ​ര്യാ​പ്ത​യും ചൂ​ണ്ടി​ക്കാ​ട്ടി​യാ​ണ് റെ​യി​ൽ​വേ​ക്കെ​തി​രെ വി​മ​ർ​ശ​നം ഉ​യ​രു​ന്ന​ത്. കും​ഭ​മേ​ള​ക്കാ​യി പോ​കാ​നെ​ത്തി​യ ആ​ൾ​ക്കൂ​ട്ടം​കൊ​ണ്ട് ശ​നി​യാ​ഴ്ച വൈ​കു​ന്നേ​രം​മു​ത​ൽ ന്യൂ​ഡ​ൽ​ഹി സ്റ്റേ​ഷ​നും പ​രി​സ​ര​വും കാ​ലു​കു​ത്താ​ൻ ക​ഴി​യാ​ത്ത​വി​ധം നി​റ​ഞ്ഞി​ട്ടും ഒ​രു ന​ട​പ​ടി​യും ബ​ന്ധ​പ്പെ​ട്ട​വ​രു​ടെ ഭാ​ഗ​ത്തു​നി​ന്ന് ഉ​ണ്ടാ​യി​ല്ലെ​ന്ന് സ്റ്റേ​ഷ​നി​ലെ പോ​ർ​ട്ട​ർ​മാ​രും ഓ​ട്ടോ ഡ്രൈ​വ​ർ​മാ​രും പ​റ​യു​ന്നു. ശ​നി​യാ​ഴ്ച ​രാ​ത്രി അ​പ​ക​ടം ഉ​ണ്ടാ​കു​ന്ന​തി​ന് മു​മ്പ് പ്ര​യാ​ഗ് രാ​ജി​ലേ​ക്ക് മാ​ത്രം ഒ​രു മ​ണി​ക്കൂ​റി​ൽ 1,500 ജ​ന​റ​ൽ ടി​ക്ക​റ്റു​ക​ളാ​ണ് വി​റ്റ​ത്. പ്ലാ​റ്റ്ഫോ​മു​ക​ളി​ലേ​ക്കു​ള്ള ന​ട​പ്പാ​ത​യി​ൽ യാ​ത്രി​ക​ർ കു​ടു​ങ്ങി​ക്കി​ട​ക്കു​ന്ന ദൃ​ശ്യ​ങ്ങ​ൾ വൈ​കീ​ട്ടു​മു​ത​ൽ കാ​ണാ​മാ​യി​രു​ന്നു.

അ​പ​ക​ടം ന​ട​ന്ന​യു​ട​ൻ പ​ര​സ്പ​ര​വി​രു​ദ്ധ​മാ​യ വി​ശ​ദീ​ക​ര​ണ​ങ്ങ​ളാ​യി​രു​ന്നു റെ​യി​ൽ​വേ പു​റ​ത്തി​റ​ക്കി​യ​ത്. പ​രി​ക്കേ​റ്റ​വ​രെ ആ​​ശു​പ​ത്രി​യി​ൽ എ​ത്തി​ക്കാ​നും ഏ​റെ വൈ​കി​യെ​ന്ന വി​മ​ർ​ശ​നം ഉ​യ​ർ​ന്നു. മ​ര​ണ​നി​ര​ക്ക് ര​ണ്ട​ക്ക​സം​ഖ്യ ക​ട​ന്നി​ട്ടും മ​ര​ണം ഉ​ണ്ടാ​യി​ല്ലെ​ന്ന് വ​രു​ത്തി​ത്തീ​ർ​ക്കാ​നാ​യി​രു​ന്നു റെ​യി​ൽ​​വേ മ​ന്ത്രി അ​ശ്വി​നി വൈ​ഷ്ണ​വ് തു​ട​ക്ക​ത്തി​ൽ ശ്ര​മി​ച്ച​ത്. പ്ര​ധാ​ന​മ​ന്ത്രി​യും ​ഡ​ൽ​ഹി ല​ഫ്റ്റ​ന​ന്റ് ഗ​വ​ർ​ണ​റും മ​രി​ച്ച​വ​ർ​ക്ക് ആ​ദാ​രാ​ഞ്ജ​ലി അ​ർ​പ്പി​ച്ച് സ​മൂ​ഹ മാ​ധ്യ​മ​ങ്ങ​ളി​ൽ കു​റി​പ്പ് ഇ​ട്ട​തി​ന് പി​ന്നാ​ലെ​യാ​ണ് മ​ന്ത്രി മ​ര​ണം സ്ഥി​രീ​ക​രി​ക്കാ​ൻ ത​യ​റാ​യ​തെ​ന്നും വി​മ​ർ​ശ​നം ഉ​യ​ർ​ന്നു. അ​പ​ക​ടം ന​ട​ന്ന് 24 മ​ണി​ക്കൂ​ർ പി​ന്നി​ട്ടി​ട്ടും റെ​യി​​ൽ​വേ മ​ന്ത്രി വാ​ർ​ത്താ​സ​മ്മേ​ള​നം വി​ളി​ച്ച് വി​ശ​ദീ​ക​ര​ണം ന​ൽ​കി​യി​ട്ടി​ല്ല.

അ​തേ​സ​മ​യം, ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ ന​ട​ത്തു​മെ​ന്ന് റെ​യി​ൽ​വേ​ ഡെ​പ്യൂ​ട്ടി ​പൊ​ലീ​സ് ക​മീ​ഷ​ണ​ർ കെ.​പി.​എ​സ്. മ​ൽ​ഹോ​ത്ര പ​റ​ഞ്ഞു.

റെ​യി​ൽ​​വേ​യു​ടെ അ​നാ​സ്ഥ ചൂ​ണ്ടി​ക്കാ​ട്ടി ഡ​ൽ​ഹി ല​ഫ്റ്റ​ന​ന്റ് ഗ​വ​ർ​ണ​ർ ത​ന്നെ​യാ​യി​രു​ന്നു ആ​ദ്യം രം​ഗ​ത്തു​വ​ന്ന​ത്. സ​മൂ​ഹ​മാ​ധ്യ​മ​ത്തി​ൽ പോ​സ്റ്റ് ചെ​യ്ത കു​റി​പ്പ് അ​ദ്ദേ​ഹം പി​ന്നീ​ട് മാ​റ്റി. സം​ഭ​വ​ത്തി​ന്റെ ധാ​ർ​മി​ക ഉ​ത്ത​ര​വാ​ദി​ത്തം ഏ​റ്റെ​ടു​ത്ത് റെ​യി​ൽ​വേ മ​ന്ത്രി രാ​ജി​വെ​ക്ക​ണ​മെ​ന്ന് കോ​ൺ​ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ ആ​വ​ശ്യ​പ്പെ​ട്ടു. ന്യൂ​ഡ​ൽ​ഹി സ്റ്റേ​ഷ​നി​ലു​ണ്ടാ​യ​ത് കൂ​ട്ട​ക്കൊ​ല​യാ​ണെ​ന്നും ഒ​രു മി​നി​റ്റു​പോ​ലും മ​ന്ത്രി​സ്ഥാ​ന​ത്ത് തു​ട​രാ​ൻ അ​ശ്വി​നി വൈ​ഷ്ണ​വി​ന് യോ​ഗ്യ​ത​യി​ല്ലെ​ന്നും കോ​ൺ​ഗ്ര​സ് വ​ക്താ​വ് സു​പ്രി​യ ​​​ശ്രീ​നാ​റ്റെ പ​റ​ഞ്ഞു.

രാ​ജ്യ​ത്ത് ര​ണ്ടു​ത​രം ഇ​ന്ത്യ​ക്കാ​ർ ഉ​ണ്ടെ​ന്നും ഒ​രു​വ​ശ​ത്ത് രാ​ജാ​വ് ത​ന്റെ സു​ഹൃ​ത്തു​ക്ക​ളെ കും​ഭ​മേ​ള​യി​ൽ കു​ളി​പ്പി​ക്കാ​ൻ സ​ഹാ​യി​ക്കു​ന്ന​തും മ​റു​വ​ശ​ത്ത് സാ​ധാ​ര​ണ​ക്കാ​ർ റെ​യി​ൽ​വേ പ്ലാ​റ്റ്ഫോ​മി​ൽ മ​രി​ച്ചു​വീ​ഴു​ന്ന​തു​മാ​​ണെ​ന്ന് സു​പ്രി​യ വ്യ​ക്ത​മാ​ക്കി. മ​ന്ത്രി രാ​ജി​വെ​ക്കു​ക​യോ അ​ദ്ദേ​ഹ​ത്തെ പു​റ​ത്താ​ക്കു​ക​യോ ചെ​യ്യ​ണ​മെ​ന്ന് തൃ​ണ​മൂ​ൽ കോ​ൺ​ഗ്ര​സ് എം.​പി സാ​ഖേ​ത് ഗോ​ഖ​ലെ ആ​വ​ശ്യ​പ്പെ​ട്ടു. റെ​യി​​ൽ​വേ​യും റെ​യി​ൽ​വേ മ​ന്ത്രി​യും അ​പ​ക​ട​ത്തി​ന്റെ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ന്നി​ല്ലെ​ന്ന് രാ​ജ്യ​സ​ഭ എം.​പി ​​പ്രി​യ​ങ്ക ച​തു​ർ​വേ​ദി കു​റ്റ​പ്പെ​ടു​ത്തി.

തിക്കിത്തിരക്കുന്ന അപകടങ്ങൾ

ന്യൂ​ഡ​ൽ​ഹി: ന്യൂ​ഡ​ൽ​ഹി റെ​യി​ൽ​വേ സ്റ്റേ​ഷ​നി​ലു​ണ്ടാ​യ തി​ക്കി​ലും തി​ര​ക്കി​ലും​പെ​ട്ട് മ​ഹാ കും​ഭ​മേ​ള​യി​ലേ​ക്കു​ള്ള തീ​ർ​ഥാ​ട​ക​രു​ൾ​പ്പെ​ടെ പ​തി​നെ​ട്ടോ​ളം പേ​ർ മ​രി​ച്ച​ത് ഞെ​ട്ട​ലോ​ടെ​യാ​ണ് രാ​ജ്യം കേ​ട്ട​ത്. ഏ​താ​നും ആ​ഴ്ച​ക​ൾ​ക്ക് മു​മ്പാ​ണ് മ​ഹാ​കും​ഭ​മേ​ള​യി​ൽ മൗ​നി അ​മാ​വാ​സി നാ​ളി​ൽ തി​ക്കി​ലും തി​ര​ക്കി​ലും പെ​ട്ട് 30 പേ​ർ​ക്ക് ജീ​വ​ൻ ന​ഷ്ട​മാ​കു​ക​യും 60 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത​ത്. ഇ​ത്ത​രം ദു​ര​ന്ത​ങ്ങ​ൾ രാ​ജ്യ​ത്ത് ഒ​റ്റ​പ്പെ​ട്ട സം​ഭ​വ​ങ്ങ​ള​ല്ല. മു​ൻ കാ​ല അ​പ​ക​ട​ങ്ങ​ളി​ലൂ​ടെ:

1. ഫെ​ബ്രു​വ​രി 16, 2025 -ന്യൂ​ഡ​ൽ​ഹി: ന്യൂ​ഡ​ൽ​ഹി റെ​യി​ൽ​വേ സ്റ്റേ​ഷ​നി​ലു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് മ​ഹാ കും​ഭ​മേ​ള​യി​ലേ​ക്കു​ള്ള തീ​ർ​ഥാ​ട​ക​ർ ഉ​ൾ​പ്പെ​ടെ 18 മ​ര​ണം.

2. ജ​നു​വ​രി 29, 2025 - മ​ഹാ​കും​ഭ​മേ​ള, പ്ര​യാ​ഗ്‌​രാ​ജ്: മ​ഹാ​കും​ഭ​മേ​ള​യി​ൽ മൗ​നി അ​മാ​വാ​സി ദി​വ​സം പു​ല​ർ​ച്ച​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 30 പേ​ർ മ​ര​ണ​പ്പെ​ടു​ക​യും 60 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

3. ജൂ​ലൈ ര​ണ്ട്, 2024 - ഹ​ത്രാ​സ്, ഉ​ത്ത​ർ​പ്ര​ദേ​ശ്: സ്വ​യം പ്ര​ഖ്യാ​പി​ത ആ​ൾ​ദൈ​വ​മാ​യ ഭോ​ലെ ബാ​ബ സം​ഘ​ടി​പ്പി​ച്ച പ്രാ​ർ​ഥ​ന​യോ​ഗ​ത്തി​ലു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് നൂ​റി​ല​ധി​കം പേ​ർ മ​രി​ച്ചു

4. മാ​ർ​ച്ച് 31, 2023 - ഇ​ന്ദോ​ർ, മ​ധ്യ​പ്ര​ദേ​ശ്: രാ​മ​ന​വ​മി നാ​ളി​ൽ ഒ​രു ക്ഷേ​ത്ര​ത്തി​ലെ 'ഹ​വ​ൻ' ച​ട​ങ്ങി​നി​ടെ സ്ലാ​ബ് ത​ക​ർ​ന്ന് 36 പേ​ർ മ​രി​ച്ചു.

5. ജ​നു​വ​രി ഒ​ന്ന്, 2022 - മാ​താ വൈ​ഷ്ണോ ദേ​വി ക്ഷേ​ത്രം, ജ​മ്മു-​ക​ശ്മീ​ർ: ഭ​ക്ത​രു​ടെ ക​ന​ത്ത​തി​ര​ക്കി​ൽ 12 പേ​ർ മ​രി​ക്കു​ക​യും നി​ര​വ​ധി​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

6. സെ​പ്റ്റം​ബ​ർ 29, 2017 - എ​ൽ​ഫി​ൻ​സ്റ്റ​ൺ റോ​ഡ് സ്റ്റേ​ഷ​ൻ, മും​ബൈ: ര​ണ്ട് റെ​യി​ൽ​വേ സ്റ്റേ​ഷ​നു​ക​ൾ​ക്കി​ട​യി​ലു​ള്ള ഇ​ടു​ങ്ങി​യ പാ​ല​ത്തി​ൽ തി​ക്കി​ലും തി​ര​ക്കി​ലും 23 പേ​ർ മ​രി​ക്കു​ക​യും 36 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

7. ജൂ​ലൈ 14, 2015 - രാ​ജ​മു​ണ്ട്രി, ആ​ന്ധ്ര​പ്ര​ദേ​ശ്: ഗോ​ദാ​വ​രി ന​ദി​യു​ടെ തീ​ര​ത്ത് പു​ഷ്‌​ക​രം ഉ​ത്സ​വ​ത്തി​നി​ടെ​യു​ണ്ടാ​യ തി​ര​ക്കി​ൽ 27 പേ​ർ മ​രി​ക്കു​ക​യും 20 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

8. ഒ​ക്ടോ​ബ​ർ മൂ​ന്ന്, 2014 - ഗാ​ന്ധി മൈ​താ​നം, പ​ട്‌​ന: ദ​സ​റ ആ​ഘോ​ഷ​ങ്ങ​ൾ​ക്ക് തൊ​ട്ടു​പി​ന്നാ​ലെ 32 പേ​ർ മ​രി​ക്കു​ക​യും 26 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു

9. ഒ​ക്‌​ടോ​ബ​ർ 13, 2013 - മ​ധ്യ​പ്ര​ദേ​ശി​ലെ ര​ത്ത​ൻ​ഗ​ഢ് ക്ഷേ​ത്രം: പാ​ലം ത​ക​രു​മെ​ന്ന അ​ഭ്യൂ​ഹ​ത്തെ തു​ട​ർ​ന്ന് 115 പേ​ർ മ​ര​ണ​പ്പെ​ടു​ക​യും 100 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

10. ന​വം​ബ​ർ 19, 2012 - അ​ദാ​ല​ത് ഘ​ട്ട്, പ​ട്ന: ഛഠ് ​പൂ​ജ​യ്ക്കി​ടെ ഉ​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 20 ഓ​ളം പേ​ർ മ​രി​ച്ചു.

11. ന​വം​ബ​ർ എ​ട്ട്, 2011 - ഹ​ർ-​കി-​പൗ​രി ഘ​ട്ട്, ഹ​രി​ദ്വാ​ർ: ഗം​ഗാ​ന​ദി​യി​ൽ മ​ത​പ​ര​മാ​യ സ​മ്മേ​ള​ന​ത്തി​നി​ടെ തി​ക്കി​ലും തി​ര​ക്കി​ലും പെ​ട്ട് 20 പേ​ർ മ​രി​ച്ചു.

12. ആ​ഗ​സ്റ്റ് മൂ​ന്ന്, 2008 - നൈ​നാ ദേ​വി ക്ഷേ​ത്രം, ബി​ലാ​സ്പൂ​ർ, ഹി​മാ​ച​ൽ പ്ര​ദേ​ശ്: പാ​റ​യി​ടി​ഞ്ഞു എ​ന്ന കിം​വ​ദ​ന്തി​യെ തു​ട​ർ​ന്നു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 162 പേ​ർ കൊ​ല്ല​പ്പെ​ടു​ക​യും 47 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

13. സെ​പ്റ്റം​ബ​ർ 30, 2008 - ചാ​മു​ണ്ഡി ദേ​വി ക്ഷേ​ത്രം, ജോ​ധ്പൂ​ർ, രാ​ജ​സ്ഥാ​ൻ: ബോം​ബ് ഉ​ണ്ടെ​ന്ന അ​ഭ്യൂ​ഹ​ത്തെ തു​ട​ർ​ന്നു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 250ഓ​ളം പേ​ർ മ​ര​ണ​പ്പെ​ടു​ക​യും 60ൽ ​അ​ധി​കം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

14. ജ​നു​വ​രി 25, 2005 - മ​ന്ധ​ർ​ദേ​വി ക്ഷേ​ത്രം, സ​താ​ര, മ​ഹാ​രാ​ഷ്ട്ര: വാ​ർ​ഷി​ക തീ​ർ​ഥാ​ട​ന​ത്തി​നി​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 340ൽ ​അ​ധി​കം ഭ​ക്ത​ർ മ​ര​ണ​പ്പെ​ട്ടു.

15. ആ​ഗ​സ്റ്റ് 27, 2003 - കും​ഭ​മേ​ള, നാ​സി​ക്, മ​ഹാ​രാ​ഷ്ട്ര: കും​ഭ​മേ​ള​യി​ലെ പു​ണ്യ​സ്നാ​ന​ത്തി​നി​ടെ 39 പേ​ർ കൊ​ല്ല​പ്പെ​ടു​ക​യും 140 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.