വിദേശി ഡെങ്കിപ്പനി ബാധിച്ച് മരിച്ച സംഭവം; വിനോദസഞ്ചാര മേഖലക്ക് കനത്ത ആഘാതം

ഫോ​ർ​ട്ട്​കൊ​ച്ചി: കൊ​ച്ചി​യി​ൽ വി​നോ​ദ​സ​ഞ്ചാ​ര​ത്തി​നാ​യി എ​ത്തി​യ വി​ദേ​ശി ഡെ​ങ്കി​പ്പ​നി ബാ​ധി​ച്ച് മ​രി​ച്ച സം​ഭ​വം വി​നോ​ദ​സ​ഞ്ചാ​ര മേ​ഖ​ല​ക്കു​ണ്ടാ​ക്കു​ന്ന​ത്​ വ​ലി​യ ആ​ഘാ​തം. വി​ദേ​ശ സ​ഞ്ചാ​രി​ക​ൾ അ​പ​ക​ട​ത്തി​ൽ​പെ​ടു​ന്ന​തും രോ​ധ​ബാ​ധി​ത​രാ​കു​ന്ന​തും മ​ര​ണ​വും കൊ​ച്ചി​യി​ൽ ടൂ​റി​സ്റ്റു​ക​ൾ സു​ര​ക്ഷി​ത​ര​ല്ല​ന്ന പ്ര​ചാ​ര​ണ​ത്തി​ന് വ​ഴി​യൊ​രു​ക്കി​യ​താ​യി ഈ ​രം​ഗ​ത്തു​ള്ള​വ​ർ പ​റ​യു​ന്നു. അ​യ​ർ​ല​ൻ​ഡ്​ സ്വ​ദേ​ശി റൈ​സാ​ദ് ഹോ​ളോ​വെ​ൻ​കോ​യാ​ണ് ഡെ​ങ്കി​പ്പ​നി ബാ​ധി​ച്ച് ഞാ​യ​റാ​ഴ്ച മ​രി​ച്ച​ത്. ടൂ​റി​സം സീ​സ​ൺ ആ​രം​ഭി​ച്ചി​രി​ക്കെ വി​ദേ​ശി ഡെ​ങ്കി​പ്പ​നി ബാ​ധി​ത​നാ​യി മ​രി​ച്ച സം​ഭ​വ​വും വി​ദേ​ശി യു​വാ​വ് ക​ഴി​ഞ്ഞ ദി​വ​സം നി​ർ​മാ​ണ​ത്തി​ലി​രി​ക്കു​ന്ന കാ​ന​യി​ൽ വീ​ണ് കാ​ലൊ​ടി​ഞ്ഞ സം​ഭ​വ​വും ഒ​രു മാ​സം മു​മ്പ്​ വി​ദേ​ശി​ക്ക് നാ​യ​യു​ടെ ക​ടി​യേ​റ്റ സം​ഭ​വ​വും സ​ഞ്ചാ​രി​ക​ൾ​ക്കി​ട​യി​ൽ വ​ലി​യ ആ​ശ​ങ്ക​യാ​ണ് പ​ര​ത്തി​യി​ട്ടു​ള്ള​ത്. പു​തു​വ​ത്സ​രാ​ഘോ​ഷ​ങ്ങ​ൾ അ​ടു​ത്തെ​ത്തി​യ വേ​ള​യി​ൽ ഇ​ത്ത​രം പ്ര​ചാ​ര​ണ​ങ്ങ​ൾ കൊ​ച്ചി​യു​ടെ ടൂ​റി​സ​ത്തി​ന്​ വ​ലി​യ ആ​ഘാ​ത​മു​ണ്ടാ​ക്കു​മെ​ന്ന്​ ടൂ​റി​സ്റ്റ് ഗൈ​ഡു​ക​ൾ അ​ട​ക്കം ചൂ​ണ്ടി​ക്കാ​ട്ടു​ന്നു.

മ​രി​ച്ച വി​ദേ​ശി 75 വ​യ​സ്സു​കാ​ര​നാ​യി​ട്ടും ഡെ​ങ്കി​പ്പ​നി​യെ​ന്ന് റി​പ്പോ​ർ​ട്ട് വ​ന്നി​ട്ടും ചി​കി​ത്സ​യു​ടെ കാ​ര്യ​ത്തി​ൽ അ​ധി​കൃ​ത​ർ വേ​ണ്ട​ത്ര ഗൗ​ര​വം കാ​ണി​ച്ചി​ല്ലെ​ന്ന് ആ​ക്ഷേ​പ​മു​ണ്ട്. നേ​ര​ത്തെ വി​ദേ​ശി കാ​ന​യി​ൽ വീ​ണ് കാ​ലൊ​ടി​ഞ്ഞ സം​ഭ​വ​വും ആ​ശു​പ​ത്രി അ​ധി​കൃ​ത​ർ ലാ​ഘ​വ​ത്തോ​ടെ കൈ​കാ​ര്യം ചെ​യ്ത​ത് വ​ലി​യ വി​മ​ർ​ശ​ന​ത്തി​ന് ഇ​ട​യാ​ക്കി​യി​രു​ന്നു. ഫോ​ർ​ട്ടു​കൊ​ച്ചി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച യു​വാ​വി​നെ ആ​ദ്യം എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലേ​ക്കും അ​വി​ടെ​നി​ന്ന് ക​ള​മ​​ശ്ശേ​രി മെ​ഡി​ക്ക​ൽ കോ​ള​ജി​ലേ​ക്കും അ​വി​ടെ​നി​ന്ന്​ കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്കും മ​ട​ക്കി​യി​രു​ന്നു. അ​വ​സാ​നം കോ​ട്ട​യ​ത്തേ​ക്ക് കൊ​ണ്ടു​പോ​കാ​തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് ശ​സ്ത്ര​ക്രി​യ​ക്ക് വി​ധേ​യ​നാ​യ​ക്കു​ക​യാ​യി​രു​ന്നു. ആ​ശു​പ​​ത്രി​ക​ളി​ൽ​നി​ന്ന്​ ആ​ശു​പ​ത്രി​ക​ളി​ലേ​ക്കു​ള്ള മ​ട​ക്ക​ൽ തു​ട​ർ​ന്ന​തോ​ടെ മൂ​ന്ന്​ മ​ണി​ക്കൂ​റാ​ണ്​ ഈ ​യു​വാ​വ് വേ​ദ​ന കൊ​ണ്ട് പു​ള​ഞ്ഞ​ത്. അ​തി​ഥി​ക​ളാ​യെ​ത്തു​ന്ന വി​ദേ​ശ സ​ഞ്ചാ​രി​ക​ളോ​ട് പോ​ലും സ​ർ​ക്കാ​ർ ആ​തു​രാ​ല​യ​ങ്ങ​ളി​ൽ ക​രു​ണ കാ​ണി​ക്കു​ന്നി​ല്ലെ​ന്ന​തി​ന്‍റെ തെ​ളി​വു​ക​ളാ​ണ് ഇ​വ​യെ​ന്ന് ടൂ​റി​സം രം​ഗ​ത്ത് പ്ര​വ​ർ​ത്തി​ക്കു​ന്ന​വ​ർ ആ​രോ​പി​ക്കു​ന്നു.

കൊ​ച്ചി​യി​ൽ ഡെ​ങ്കി​പ്പ​നി ബാ​ധി​ച്ച് നേ​ര​ത്തേ​യും മ​ര​ണ​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു​വെ​ങ്കി​ലും ഒ​രു വി​ദേ​ശി മ​രി​ക്കു​ന്ന​ത് ഇ​ത് ആ​ദ്യ​മാ​യാ​ണ്. കൊ​ച്ചി​യി​ലെ​ത്തു​ന്ന വി​ദേ​ശ സ​ഞ്ചാ​രി​ക​ൾ കൊ​തു​ക് ക​ടി പ്ര​തി​രോ​ധി​ക്കാ​നു​ള്ള മു​ൻ​ക​രു​ത​ലോ​ടെ​യാ​ണ് വ​രു​ന്ന​തെ​ന്ന് ഹോം ​സ്റ്റേ ഉ​ട​മ​ക​ൾ പ​റ​യു​ന്നു. കാ​ര്യ​മാ​യ കൊ​തു​കു നി​ർ​മാ​ർ​ജ​ന പ്ര​വ​ർ​ത്ത​ന​ങ്ങ​ൾ ന​ഗ​ര​സ​ഭ​യു​ടെ ഭാ​ഗ​ത്ത്നി​ന്ന്​ ഉ​ണ്ടാ​കു​ന്നി​ല്ലെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു. സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ വി​ദേ​ശ സ​ഞ്ചാ​രി​ക​ൾ എ​ത്തു​ന്ന കൊ​ച്ചി​യി​ൽ കൊ​തു​കു​ശ​ല്യം, നാ​യ ശ​ല്യം, റോ​ഡി​ലെ കു​ഴി​ക​ൾ എ​ന്നി​വ​ക്കു​ള്ള പ​രി​ഹാ​ര​മാ​ർ​ഗ​ങ്ങ​ൾ ന​ഗ​ര​സ​ഭ സ്വീ​ക​രി​ക്ക​ണ​മെ​ന്ന് ഈ ​രം​ഗ​ത്തു​ള്ള​വ​ർ ആ​വ​ശ്യ​പ്പെ​ടു​ന്നു.