ഡെ​ങ്കി​പ്പ​നി മ​ര​ണം; കേ​ര​ളം ഒ​ന്നാം സ്ഥാ​ന​ത്ത്​

തി​രു​വ​ന​ന്ത​പു​രം: പൊ​തു​ജ​നാ​രോ​ഗ്യ​രം​ഗ​ത്ത്​ ‘കേ​ര​ള മോ​ഡ​ൽ’ കൊ​ട്ടി​ഗ്​​ഘോ​ഷി​ക്കു​മ്പോ​ഴും രാ​ജ്യ​ത്ത്​ ഏ​റ്റ​വും കൂ​ടു​ത​ൽ ഡെ​ങ്കി​പ്പ​നി മ​ര​ണ​ങ്ങ​ൾ റി​പ്പോ​ർ​ട്ട്​ ചെ​യ്ത​ത്​​ കേ​ര​ള​ത്തി​ൽ. മാ​ത്ര​മ​ല്ല, ഈ​വ​ർ​ഷം ക​ഴി​ഞ്ഞ ഒ​ന്ന​ര​മാ​സ​ത്തി​നി​ടെ നാ​ല്​ ഡെ​ങ്കി മ​ര​ണ​ങ്ങ​ളും റി​പ്പോ​ർ​ട്ട്​ ചെ​യ്ത​താ​യി സം​സ്ഥാ​ന ആ​രോ​ഗ്യ​വ​കു​പ്പി​ന്‍റെ ക​ണ​ക്കു​ൾ വ്യ​ക്ത​മാ​ക്കു​ന്നു.

2019 മു​ത​ൽ 2024 വ​രെ​യു​ള്ള നാ​ഷ​ന​ൽ സെ​ന്‍റ​ർ ഫോ​ർ വെ​ക്ട​ർ​ബോ​ൺ ഡി​സീ​സ​സ്​ ക​ൺ​ട്രോ​ളി​ന്‍റെ വാ​ർ​ഷി​ക റി​പ്പോ​ർ​ട്ടി​ലാ​ണ്​ ആ​ശ​ങ്ക​പ്പെ​ടു​ത്തു​ന്ന ഈ ​ക​ണ​ക്കു​ക​ൾ​. കോ​വി​ഡ്​ മ​ര​ണ​ങ്ങ​ളു​ടെ കാ​ര്യ​ത്തി​ലും ഇ​തു​ത​ന്നെ​യാ​യി​രു​ന്നു കേ​ര​ള​ത്തി​​ന്‍റെ സ്ഥി​തി. 2016, 2017, 2018 കാ​ല​ഘ​ട്ട​ത്തി​ലാ​ണ്​ ഏ​റ്റ​വു​മ​ധി​കം ഡെ​ങ്കി കേ​ര​ള​ത്തി​ൽ റി​പ്പോ​ർ​ട്ട്​ ചെ​യ്​​ത​ത്.

2016, 2017, 2018 വ​ർ​ഷ​ങ്ങ​ളി​ലാ​യി 218 മ​ര​ണ​ങ്ങ​ൾ കേ​ര​ള​ത്തി​ൽ റി​പ്പോ​ർ​ട്ട്​ ചെ​യ്​​തെ​ന്നാ​ണ്​​ ആ​രോ​ഗ്യ​വ​കു​പ്പി​ന്‍റെ ക​ണ​ക്കു​ക​ൾ ചൂ​ണ്ടി​ക്കാ​ട്ടു​ന്ന​ത്. അ​തി​നു​ശേ​ഷം ​പ്ര​രോ​ധ​പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​യി ന​ട​ത്തി​യെ​ന്ന്​ ആ​രോ​ഗ്യ​വ​കു​പ്പ്​ അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും ഡെ​ങ്കി​പ്പ​നി വ്യാ​പ​ന​ത്തി​ലും മ​ര​ണ​നി​ര​ക്കി​ലും കേ​ര​ളം മു​ന്നി​ലേ​ക്ക്​ കു​തി​ക്കു​ക​യാ​ണ്.

ഞെ​ട്ടു​ന്ന ക​ണ​ക്ക്

• 2019 മു​ത​ൽ 2024 വ​രെ​യു​ള്ള ആ​റു​വ​ർ​ഷ​ത്തി​നി​ടെ, 301പേ​ർ​ ഡെ​ങ്കി​പ്പ​നി ബാ​ധി​ച്ച്​ കേ​ര​ള​ത്തി​ൽ മ​രി​ച്ചു.
• കേ​ന്ദ്ര​ഭ​ര​ണ പ്ര​ദേ​ശ​ങ്ങ​ള​ട​ക്കം 36 സം​സ്ഥാ​ന​ങ്ങ​ളി​ലാ​യി ക​ഴി​ഞ്ഞ ആ​റു​വ​ർ​ഷ​ത്തി​നി​ടെ, 11,04,198 പേ​ർ​ക്ക്​ ഡെ​ങ്കി​പ്പ​നി സ്ഥി​രീ​ക​രി​ച്ച​തി​ൽ 1516 മ​ര​ണ​ങ്ങ​ളാ​ണ്​ രാ​ജ്യ​ത്താ​കെ റി​പ്പോ​ർ​ട്ട്​ ചെ​യ്ത​ത്.
• ഇ​തി​ൽ കേ​ര​ളം ഏ​റ്റ​വും മു​ന്നി​ൽ. ഈ ​കാ​ല​യ​ള​വി​ൽ കേ​ര​ള​ത്തി​ൽ 52,694 പേ​ർ​ക്ക്​ രോ​ഗം സ്ഥി​രീ​ക​രി​ച്ചു.
• 2023ൽ 153 ​മ​ര​ണം (സ്ഥി​രീ​ക​രി​ച്ച​ത്: 17,426) . 2024 ൽ 71 ​മ​ര​ണം (സ്ഥി​രീ​ക​രി​ച്ച​ത്: 18,534)
• ആ​​​ന്ധ്ര​പ്ര​ദേ​ശ്, അ​രു​ണാ​ച​ൽ പ്ര​ദേ​ശ്, ല​ക്ഷ​ദ്വീ​പ്, മേ​ഘാ​ല​യ, ത്രി​പു​ര എ​ന്നി​വി​ട​ങ്ങ​ളി​ൽ ഒ​റ്റ ഡ​ങ്കി മ​ര​ണ​വു​മി​ല്ല.
• 2024 ൽ 21​സം​സ്ഥാ​ന​ങ്ങ​ളി​ൽ ഡെ​ങ്കി​പ്പ​നി മ​ര​ണ​മി​ല്ല.

ര​ണ്ടാ​മ​ത് മ​ഹാ​രാ​ഷ്ട്ര

• കേ​ര​ളം ക​ഴി​ഞ്ഞാ​ൽ തൊ​ട്ട​ടു​ത്ത്​ മ​ഹാ​രാ​ഷ്ട്ര​യാ​ണ്​ മ​ര​ണ​നി​ര​ക്കി​ൽ മു​ന്നി​ൽ.
• ആ​റു​കൊ​ല്ല​ത്തി​നി​ടെ, 189 മ​ര​ണ​ങ്ങ​ൾ​ റി​പ്പോ​ർ​ട്ട്​ ചെ​യ്തു.
• മൂ​ന്നാം സ്ഥാ​ന​ത്തു​ള്ള​ പ​ഞ്ചാ​ബി​ൽ 171 മ​ര​ണം
• രാ​ജ​സ്ഥാ​നി​ൽ 147 മ​ര​ണം.
• ഉ​ത്ത​ർ​പ്ര​ദേ​ശി​ൽ 132 മ​ര​ണം.