ഡെങ്കി, വെള്ളപ്പാണ്ട്​​: ആരോഗ്യ ഗ​വേഷണങ്ങളിൽ ക്യൂബൻ സഹകരണത്തിന്​ ആലോചന

തി​രു​വ​ന​ന്ത​പു​രം: ആ​രോ​ഗ്യ​രം​ഗ​ത്തെ നൂ​ത​ന ഗ​​വേ​ഷ​ണ​ങ്ങ​ളി​ൽ ക്യൂ​ബ​യു​മാ​യി സ​ഹ​ക​രി​ക്കാ​ൻ സ​ർ​ക്കാ​ർ ആ​ലോ​ച​ന. ഡെ​ങ്കി​പ്പ​നി​ക്കു​ള്ള വാ​ക്​​സി​ൻ വി​ക​സി​പ്പി​ച്ച​ത​ട​ക്കം ക്യൂ​ബ​യു​ടെ ആ​രോ​ഗ്യ​നേ​ട്ട​ങ്ങ​ൾ കേ​ര​ള​വു​മാ​യി ബ​ന്ധി​പ്പി​ക്കാ​നാ​ണ്​ ശ്ര​മം. ഡെ​ങ്കി​പ്പ​നി​ക്ക്​ ക്യൂ​ബ ക​ണ്ടെ​ത്തി​യ വാ​ക്സി​നി​ൽ ക്ലി​നി​ക്ക​ൽ പ​രീ​ക്ഷ​ണ​ങ്ങ​ൾ പു​രോ​ഗ​മി​ക്കു​ക​യാ​ണ്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​രോ​ഗ്യ​മ​ന്ത്രി വീ​ണ ജോ​ർ​ജ്, ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ എ​ന്നി​വ​ർ ന​ട​ത്തി​യ ക്യൂ​ബ​ൻ സ​ന്ദ​ർ​ശ​ന​ത്തി​ന്​ പി​ന്നാ​ലെ​യാ​ണ്​ സ​ഹ​ക​ര​ണ ആ​ലോ​ച​ന​ക​ൾ​ക്ക്​ വ​ഴി​തു​റ​ക്കു​ന്ന​ത്.

ഡ​യ​ബ​റ്റി​ക്​ രോ​ഗം വ​ർ​ധി​ച്ച്​ വി​ര​ലു​ക​ളും മ​റ്റും മു​റി​ച്ചു​മാ​റ്റേ​ണ്ടി വ​രു​ന്ന രോ​ഗാ​വ​സ്ഥ​യെ ചെ​റു​ക്കാ​നു​ള്ള മ​രു​ന്ന്​ ​ക്യൂ​ബ വി​ക​സി​പ്പി​ച്ചി​ട്ടു​ണ്ടെ​ന്നും 85 ശ​ത​മാ​നം ഫ​ല​പ്രാ​പ്തി​യു​മു​ണ്ടെ​ന്നും ക​ഴി​ഞ്ഞ ദി​വ​സം കെ.​എ​ൻ. ബാ​ല​ഗോ​പാ​ൽ വ്യ​ക്ത​മാ​ക്കി​യി​രു​ന്നു. അ​മേ​രി​ക്ക​ൻ ഉ​പ​രോ​ധ​മു​ള്ള​തു​കൊ​ണ്ട്​ വൈ​ദ്യ മേ​ഖ​ല​യി​ലെ ഇ​ത്ത​രം ക​ണ്ടെ​ത്ത​ലു​ക​ൾ മ​റ്റി​ട​ങ്ങ​ളി​ലേ​ക്ക്​ എ​ത്തി​ക്കാ​നാ​കു​ന്നി​ല്ല. ഈ ​ക​ണ്ടെ​ത്ത​ലു​ക​ൾ കേ​ര​ള​ത്തി​ലേ​ക്ക്​ വ്യാ​പി​പ്പി​ക്കാ​നാ​യാ​ൽ ആ​രോ​ഗ്യ​മേ​ഖ​ല​ക്ക്​ വ​ലി​യ നേ​ട്ട​മാ​യി​രി​ക്കു​മെ​ന്നും അ​ദ്ദേ​ഹം പ്ര​തി​ക​രി​ച്ചു.

ശ്വാ​സ​കോ​ശ അ​ർ​ബു​ദ​ത്തി​ന്​ വാ​ക്​​സി​ൻ ക​ണ്ടെ​ത്തി​യ​താ​ണ്​ മ​​​​റ്റൊ​ന്ന്. എ​ട്ടി​ട​ത്ത്​ മ​രു​ന്ന്​ പ​രീ​ക്ഷ​ണം വി​ജ​യ​ക​ര​മാ​യി പൂ​ർ​ത്തി​യാ​ക്കി. വെ​ള്ള​പ്പാ​ണ്ടി​ന്​ ഫ​ല​പ്ര​ദ​മാ​യ മ​രു​ന്നും ക്യൂ​ബ​യി​ലു​ണ്ട്. ഓ​ട്ടി​സ​മ​ട​ക്ക​മു​ള്ള​വ​ക്ക്​ ഫ​ല​പ്ര​ദ​മാ​യ ചി​കി​ത്സ​ക്കും മ​രു​ന്നി​നു​മു​ള്ള ഗ​വേ​ഷ​ണ​ങ്ങ​ൾ അ​വി​ടെ ന​ട​ക്കു​ന്നു. അ​ന്താ​രാ​ഷ്ട്ര നി​ല​വാ​ര​ത്തോ​ടെ മ​രു​ന്നു​ക​ളും മെ​ഡി​ക്ക​ൽ ഉ​പ​ക​ര​ണ​ങ്ങ​ളും നി​ർ​മി​ക്കു​ന്ന​തി​ൽ ക്യൂ​ബ​ൻ ബ​യോ​ടെ​ക്​​നോ​ള​ജി​യും ഫാ​ർ​മ​സ്യൂ​ട്ടി​ക്ക​ൽ​സും വ​ലി​യ നേ​ട്ട​ങ്ങ​ൾ കൈ​വ​രി​ച്ചി​ട്ടു​ണ്ട്.

ന്യൂ​റോ സ​യ​ൻ​സി​ലും ബ​യോ​ടെ​ക്​​നോ​ള​ജി​യി​ലും വി​പു​ല​മാ​യ ഗ​വേ​ഷ​ണ​ങ്ങ​ൾ ന​ട​ക്കു​ന്ന സ്ഥാ​പ​ന​ങ്ങ​ൾ ​മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ലു​ള്ള സം​ഘം സ​ന്ദ​ർ​ശി​ച്ചി​രു​ന്നു. ആ​രോ​ഗ്യ-​അ​നു​ബ​ന്ധ മേ​ഖ​ല​ക​ളി​ൽ നി​ക്ഷേ​പ​ം സ്വാ​ഗ​തം ചെ​യ്​​ത്​ ബ​യോ ക്യൂ​ബ ഫാ​ർ​മ​യു​മാ​യി സ​ഹ​ക​രി​ച്ച് കേ​ര​ള​ത്തി​ൽ വാ​ക്‌​സി​ൻ നി​ർ​മാ​ണ കേ​ന്ദ്രം സ്ഥാ​പി​ക്കു​ന്ന​തും പ​രി​ഗ​ണ​ന​യി​ലാ​ണ്.