ദേവികുളം മുൻ എം.എൽ.എ കിട്ടപ്പ നാരായണസ്വാമി അന്തരിച്ചു

പള്ളിവാസൽ: കോൺഗ്രസ് നേതാവും ദേവികുളം മുൻ എം.എൽ.എയുമായ കിട്ടപ്പ നാരായണസ്വാമി അന്തരിച്ചു. 82 വയസ് ആയിരുന്നു. 1977-1980 കാലയളവിലാണ് ദേവികുളം നിയോജക മണ്ഡലത്തിൽ നിന്ന് എം.എൽ.എയായത്.

കെ.പി.സി.സി അംഗം, ഭവന നിർമാണ ബോർഡ് അംഗം എന്നീ നിലകളിൽ പ്രവർത്തിച്ചു. അഞ്ചാം നിയമസഭയിലാണ് നാരായണസ്വാമി അംഗമായിരുന്നത്.

നാരയണസ്വാമി-പയ് ലി മറിയം ദമ്പതികളുടെ മകനാണ്. പ്ലാന്‍ററും തോട്ടം തൊഴിലാളി സംഘടനയുടെ നേതാവും ആയിരുന്നു. ഭാര്യ: പാർവതി, അഞ്ച് മക്കൾ.

സംസ്കാരം ഉച്ചക്ക് മൂന്നു മണിക്ക് മൂന്നാർ പള്ളിവാസലിലെ വീട്ടുവളപ്പിൽ നടക്കും.