ലോക്​ നാഥ്​ ബെഹ്​റ പൊലീസ്​ മേധാവി

തിരുവനന്തപുരം: ലോക്​നാഥ്​ ബെഹ്​റയെ രണ്ടാമതും സംസ്​ഥാന ​െപാലീസ്​ മേധാവിയായി നിയമിക്കാൻ മന്ത്രിസഭ യോഗം തീരുമാനിച്ചു. നിലവിൽ ​െഎ.എം.ജി ഡയറക്​ടറും സെൻകുമാർ കഴിഞ്ഞാൽ സേനയിൽ ഏറ്റവും സീനിയറുമായ ഡോ. ജേക്കബ്​ തോമസിനെ പരിഗണിക്കാതെയാണ്​ ബെഹ്​റക്ക്​ നിയമനം നൽകിയത്​. അധികാരമേറ്റ ഉടനെ പിണറായി സർക്കാർ നീക്കം ചെയ്​ത ടി.പി. സെൻകുമാർ സുപ്രീംകോടതി വിധിയുമായി വീണ്ടും പൊലീസ്​ മേധാവിയായതോടെയാണ്​ ബെഹ്​റക്ക്​ സ്​ഥാനമൊഴിയേണ്ടിവന്നത്​.

ബെഹ്​റ മടങ്ങിയെത്തുന്നത് 55 ദിവസത്തിന്​ ശേഷമാണ്​. ചീഫ്​ സെക്രട്ടറി നളിനി നെറ്റോ, ആഭ്യന്തര അഡീഷനൽ ചീഫ്​ സെക്രട്ടറി, നിയമവകുപ്പ്​ സെക്രട്ടറി എന്നിവർ അംഗങ്ങളായ സമിതിയുടെ ശിപാർശ പരിഗണിച്ചാണ്​ തീരുമാനം. ടി.പി. സെൻകുമാർ വെള്ളിയാഴ്​ച​ വിരമിക്കുന്നതോടെ ബെഹ്​റ ചുമത​ലയേൽക്കും. നിലവിൽ വിജിലൻസ്​ മേധാവിയാണ്​ ബെഹ്​റ. പുതിയ വിജിലൻസ്​ ഡയറക്​ടറുടെ കാര്യത്തിൽ തീരുമാനമെടുത്തിട്ടില്ല. എ. ഹേമചന്ദ്രൻ, എൻ.സി. അസ്​താന എന്നിവരെ​ പരിഗണിക്കുന്നതായാണ്​ സൂചനകൾ. വിജിലൻസ്​ മേധാവിയുടെ നിയമനത്തോടെ പൊലീസ്​ തലപ്പത്ത്​ വ്യാപക അഴിച്ചുപണി ഉണ്ടാകും. 

നിയമനത്തിന്​ സർക്കാറിനോട്​ നന്ദി പറഞ്ഞ ബെഹ്​റ വിവാദങ്ങൾ തന്നെ അലട്ടുന്നില്ലെന്ന്​ വ്യക്​തമാക്കി. പകുതിയിൽ നിർത്തിയ കാര്യങ്ങൾ പൂർത്തിയാക്കും. ആവശ്യമായ മാറ്റങ്ങൾ വരുത്തും. സ്​ത്രീകളുടെയും കുട്ടികളുടെയും സുരക്ഷയാണ്​ പ്രധാനം. സർക്കാറി​​െൻറ നയത്തിനനുസരിച്ച്​ മികച്ച രീതിയിൽ പ്രവർത്തിക്കുമെന്നും അദ്ദേഹം പറഞ്ഞു. 1985 ​െഎ.പി.എസ്​ ബാച്ചുകാരനും​ ഒഡിഷ സ്വദേശിയുമാണ്​. 30 വർഷ​േത്താളം സേവനം അനുഷ്​ഠിച്ച അദ്ദേഹം സി.ബി.​െഎയിലും എൻ.​െഎ.എയിലും പ്രവർത്തിച്ചിട്ടുണ്ട്​. 2021വരെ കാലാവധിയുണ്ട്​. 

സർക്കാറിന്​ നന്ദി-ബെഹ്​റ
തിരുവനന്തപുരം: പൊലീസ്​ മേധാവിയായി വീണ്ടും നിയമിച്ചതിൽ സർക്കാറിന്​ നന്ദി എന്ന്​ ബെഹ്​റ പ്രതികരിച്ചു. ഒാൗദ്യോഗിക അറിയിപ്പ്​ ലഭിച്ചിട്ടില്ലെന്ന്​ പറഞ്ഞ ബെഹ്​റ പൊലീസ്​ മേധാവിയായാൽ നിലവിലെ കേസന്വേഷണങ്ങൾക്ക്​ മുൻഗണന നൽകുമെന്നും അദ്ദേഹം പറഞ്ഞു.