നോമ്പിലെ നിയന്ത്രണവും സോഷ്യൽ മീഡിയയും

അത്യാവശ്യമുള്ള ശാരീരികചോദനകൾവരെ ദൈവതൃപ്​തിക്കു വേണ്ടി മാറ്റിവെക്കുവാനും നിയന്ത്രിക്കുവാനും മനുഷ്യന്​ കരുത്തുപകരുന്നുവെന്നതാണ്​ നോമ്പി​​​െൻറ പ്രധാന ഗുണങ്ങളിലൊന്ന്​. ദൈവത്തിനു ഹിതകരമല്ലാത്തതൊന്നും അവർ പ്രവർത്തിക്കില്ല. നിത്യജീവിതത്തി​​​െൻറ ഭാഗമായ സോഷ്യൽ മീഡിയ ഉപയോഗവും നോമ്പുകാലത്ത്​ ഭൂരിഭാഗം പേരും നിയന്ത്രിച്ചുകൊണ്ടിരിക്കുന്നതും ഇൗ ആത്മനിയന്ത്രണത്തി​​​െൻറ ഭാഗമായാണ്​. നോമ്പുകാലം പിന്നിട്ടാലും ആ മേഖലയിലും ആത്മനിയന്ത്രണം പാലിക്കുവാനുള്ള കരുത്തുകൂടിയാണ്​ വിശ്വാസികൾ റമദാനിലൂടെ ആർജിച്ചെടുക്കുന്നത്​; എടുക്കേണ്ടത്​.

ഒ​േട്ടറെ ഉപകാരങ്ങളും പ്രയോജനവുമുള്ള മേഖലയാണ്​ സോഷ്യൽ മീഡിയ. അതി​​​െൻറ കടന്നുവരവോടുകൂടി നിഖില ജീവിത മേഖലകളിലും ബഹുദൂരം കുതിച്ചോടുകയാണ്​ മനുഷ്യൻ. അതേസമയം, ഇൗ ആധുനിക യന്ത്രം സമ്മാനിച്ച ദുരന്തങ്ങളിലേക്കൊന്ന്​ കണ്ണോടിക്കുക. ഇത്തരമൊരു ഘട്ടത്തിൽ ആത്മനിയന്ത്രണം പാലിക്കുന്ന എല്ലാവരും സോഷ്യൽ മീഡിയയിലും ആ നിയന്ത്രണം കാത്തുസൂക്ഷിക്കേണ്ടതുണ്ട്​. അതിലൂടെ ഷെയർ ചെയ്യപ്പെടുന്ന വാർത്തകളുടെ, കാഴ്​ചപ്പാടുകളുടെ നിജസ്​ഥിതി മനസ്സിലാക്കുകയാണ്​ പ്രധാനം. അതിനുമുമ്പ്​ കേട്ടപാതി കേൾക്കാത്തപാതി അത്​ വിശ്വസിക്കുകയും പ്രചരിപ്പിക്കുകയും ചെയ്യുന്നതിൽ നല്ല കരുതൽ വേണം. ദുർവൃത്തൻ വാർത്തകളുമായി വന്നാൽ നിങ്ങൾ ആദ്യം നിജസ്​ഥിതി തേടുവിൻ; ഇല്ലെങ്കിൽ പിന്നീട്​ ദുഃഖിക്കേണ്ടി വരും എന്ന്​ വിശുദ്ധ ഖുർആൻ (49:6) ഉണർത്തിയിട്ടുണ്ട്​. വ്യക്​തികളുടെ അഭിമാനവും അന്തസ്സും വളരെ ​വിലപ്പെട്ടതാണ്​. അതിന്​ ക്ഷതം വരുത്തുന്ന ട്രോളുകളും പരിഹാസങ്ങളും ഒഴിവാക്കപ്പെടണം. നിസ്സാര വിഷയങ്ങളിൽ സംഘടനകൾ തമ്മിൽ നടത്തുന്ന പോർവിളികളും ബന്ധപ്പെട്ടവർ മാറ്റിവെക്ക​െട്ട. സമയം ഏറെ വിലപ്പെട്ടതാണ്​.

അവ സോഷ്യൽ മീഡിയ ഉപയോഗത്തിലൂടെ തുലച്ചുകളയാനുള്ളതല്ലെന്ന തിരിച്ചറിവ്​ ആർജിക്കണം. ഇൻഫർമേഷൻ ഹൈവേ എന്നാണ്​ സോഷ്യൽമീഡിയയെ പരിചയപ്പെടുത്തപ്പെടാറുള്ളത്​. അഥവാ ലക്കും ലഗാനുമില്ലാതെ, വേണ്ടതും വേണ്ടാത്തതും തലങ്ങും വിലങ്ങും പാറിപ്പറക്കുന്ന അങ്ങാടി. ഒരു പൊതു കവലയിലെത്തുന്ന വിശ്വാസി അവിടെ പാലിക്കേണ്ട മര്യാദകൾ അന്ത്യപ്രവാചകൻ മുഹമ്മദ്​ നബി പഠിപ്പിച്ചിട്ടുണ്ട്​. ദൃഷ്​ടികൾ താഴ്​ത്തുക എന്നതാണ്​ വഴിയുടെ പ്രധാന അവകാശമായി അവിടുന്ന്​ പഠിപ്പിച്ചത്​. അതുതന്നെയാണ്​ ഇൻഫർമേഷൻ ഹൈവേയിലേക്ക്​ കയറുന്നവരും ശ്രദ്ധിക്കേണ്ട പ്രധാന സിഗ്​നൽ. തുറക്കാൻ പാടില്ലാത്ത അനവധി സൈറ്റുകളുണ്ട്​ സോഷ്യൽ മീഡിയയിൽ. അവിടെ കണ്ണ്​ താഴ്​ത്തുക എന്ന ആത്മനിയന്ത്രണം പാലിക്കുകയാണ്​ ആവശ്യം.

ഉപദ്രവങ്ങൾ തടയുകയാണ്​​ കവലകളിൽ പാലിക്കേണ്ട രണ്ടാമത്തെ മര്യാദ. താൻ കാരണം സൈബറിടങ്ങളിൽ ഒരാൾക്കും ഒരു ഉപദ്രവവും ഉണ്ടാവില്ലെന്ന്​ എല്ലാവരും ഉറപ്പുവരുത്ത​െട്ട. സമാധാനം നേരുന്നവന്​ പ്രത്യഭിവാദ്യം കൈമാറുക എന്നതാണ്​ അങ്ങാടിയിൽ പാലിക്കേണ്ട മൂന്നാമത്തെ ബാധ്യത. അതിനാൽ, സമാധാനത്തിന്​ ഭംഗം വരുന്ന ഒന്നും കൈമാറ്റം ചെയ്യപ്പെടരുത്​. നന്മ കൽപിക്കുകയും തിന്മ തടയുകയും ചെയ്യുക എന്നതാണ്​ ആൾക്കൂട്ടങ്ങളിൽ നാം പുലർത്തേണ്ട നാലാമത്തെ ബാധ്യത എന്നാണ്​ മുഹമ്മദ്​ നബിയുടെ അധ്യാപനം. നന്മയുടെ ഉയർച്ചക്കും തിന്മയുടെ വിപാടനത്തിനുമാകണം ഒരാൾ സൈബറിടങ്ങളെ  ഉപയോഗിക്കേണ്ടത്​. ചുരുക്കത്തിൽ, ആത്മനിയന്ത്രണം വേണ്ട വലിയൊരു മേഖലയാണ്​ സോഷ്യൽ മീഡിയ രംഗം. അത്തരമൊരു കരുതൽ ശക്തിയും ആസക്തി നിയന്ത്രണവും നൽകുന്നതാവ​െട്ട നോമ്പു കാലം.