നിസ്വരോടുള്ള  ഗുണകാംക്ഷയും ആരാധന

ഇസ്​ലാം കാര്യങ്ങൾ മുഴുവൻ സാമൂഹികബന്ധിതമാണ്​. ഒന്നാം കാര്യമായ കലിമതുത്തൗഹീദ്​ മുസ്​ലിം സമുദായത്തി​​​െൻറ പൊതുമുദ്രയാണ്​. നമസ്​കാരം വ്യക്​തിപരമായ ആരാധനയാണെങ്കിലും ഫാത്തിഹ സൂറയിൽ ‘ഇയ്യാകനഅ്​ബുദു’ ^നിന്നെ ഞങ്ങൾ ആരാധിക്കുന്നു^ എന്നാണ്​ നാം ഒാതേ​ണ്ടത്​. ഒറ്റക്ക്​ നമസ്​കരിക്കുന്നവനും ഒന്നിച്ചു നമസ്​കരിക്കുന്നവനും ഞങ്ങൾ എന്നാണ്​ പറയേണ്ടത്​. ഇത്​ സാമൂഹികബോധത്തി​​​െൻറ ‘പ്രകടമായ’ പ്രഖ്യാപനമാണെന്ന്​ ഇമാം റാസി ത​​​െൻറ ഖുർആൻ വ്യാഖ്യാനത്തിൽ ഉദ്ധരിച്ചിട്ടുണ്ട്​. നമസ്​കാരത്തി​​​െൻറ തുടക്കം ഇപ്രകാരമാണെങ്കിൽ ഒടുക്കം അത്തഹിയ്യാത്തിൽ എല്ലാ നല്ലവരായ അടിമകൾക്കും അല്ലാഹുവി​​​െൻറ സുരക്ഷ ഉണ്ടാവ​െട്ട എന്നാണ്​ പ്രാർഥന. സ്വന്തം ആരാധനയിൽപോലും മറ്റുള്ളവരോട്​ ഗുണകാംക്ഷ നിലനിർത്തുന്നു. 
സകാത്​ സ്വന്തം സമ്പാദ്യത്തിൽ ദരിദ്രനുള്ള അവകാശമാണ്​. ഹജ്ജ്​ വേളയിൽ ആരാധനയിൽ വീഴ്​ച വന്നാൽ ബലി നടത്തുകയോ ധാന്യം ദാനംചെയ്യുകയോ വേണം. പാവപ്പെട്ടവനെ ഉൗട്ടു​േമ്പാഴാണ്​ നമ്മുടെ ആരാധന പൂർണമാകുന്നത്​. നോമ്പ്​ അനുഷ്ഠിക്കാൻ ആരോഗ്യകാരണത്താൽ കഴിയില്ലെങ്കിൽ ഒരു നോമ്പിന്​ ഒരു മുദ്ദ്​ എന്നതോതിൽ ധാന്യം സാധുക്കൾക്ക്​ ധർമം ചെയ്യണം. മറ്റൊരാൾക്ക്​ അന്നംനൽകുന്നത്​ നമ്മുടെ നോമ്പായി മാറുന്നു. ഇതാണ്​ ഇസ്​ലാമി​​​െൻറ സാമൂഹികമാനം. ‘മതം ഗുണകാംക്ഷയാണ്​’ എന്ന നബിവചനം ശ്രദ്ധേയമത്രെ. ‘സൃഷ്​ടികളോട്​ നന്ദി കാണിക്കാത്തവൻ അല്ലാഹുവിനോട്​ നന്ദി കാണിച്ചിട്ടില്ല’ എന്ന ഹദീസ്​ ഇതിനോട്​ ചേർത്തുവായിക്കണം.

നോമ്പ്​ കേവലം ഉപവാസമല്ല. ഇല്ലാത്തവ​​​െൻറ വേദന അറിയാനും തഖ്​വയിലൂടെ നാഥനിലേക്ക്​ അടുക്കാനുമുള്ള ആരാധനയാണ്​. ദാനധർമവും സ്​നേഹബന്ധങ്ങളുമാണ്​ നോമ്പിനെ ചൈതന്യധന്യമാക്കുന്നത്​. വ്യക്​തിബന്ധങ്ങളെ വഷളാക്കുന്ന പരദൂഷണം, ഏഷണി എന്നിവ നോമ്പി​​​െൻറ പ്രതിഫലം നഷ്​ടപ്പെടുത്തും. കുടുംബബന്ധങ്ങൾ തകർക്കുന്നവൻ ഒരു സദസ്സിലുണ്ടായാൽ അവിടെ അല്ലാഹുവി​​​െൻറ അനുഗ്രഹം ഇറങ്ങുകയി​െല്ലന്ന പ്രവാചകാധ്യാപനം നൽകുന്ന താക്കീത്​ ചെറുതല്ല.

ലോകത്തി​​​െൻറ ഏതു കോണിലുള്ളവനായാലും പ്രഭാതം മുതൽ അസ്​തമയം വരെ നോമ്പനുഷ്​ഠിക്കുന്നു. ഇൗ സമയപ്പൊരുത്തം ഭൂഖണ്ഡങ്ങൾ മാറു​േമ്പാഴുള്ള സമയമാറ്റത്തെ പരിഗണിക്കാതെ ഉദയാസ്​തമയവുമായി ബന്ധപ്പെടുത്തിയാണ്​ ഇസ്​ലാം സംവിധാനിച്ചിരിക്കുന്നത്​. അല്ലാഹുവി​​​െൻറ ഭൂമിയിൽ എവിടെയായിരുന്നാലും രാപ്പകലുകളെ ആധാരമാക്കി വ്രതമെടുക്കുക എന്ന പൊതു രീതിയാണ്​ അവലംബിക്കുന്നത്​.

നോമ്പി​​​െൻറ പരിസമാപ്​തിയോടെ പെരുന്നാൾ ആഘോഷിക്കുന്നവൻ നിർബന്ധമായും ഫിത്ർ സകാത്​ നൽകിയിരിക്കണം. ഇല്ലെങ്കിൽ അവ​​​െൻറ ഒരുമാസക്കാലത്തെ നോമ്പ്​ അർഥശൂന്യമായിപ്പോകും.

നോമ്പി​​​െൻറ ചൈതന്യം മനസ്സിലാക്കിയ പല അമുസ്​​ലിം സുഹൃത്തുക്കളും റമദാനിൽ വ്രതമെടുക്കുന്നതായി നാം കേട്ടുകൊണ്ടിരിക്കുന്നു. ഇസ്​ലാമികമായ ഇൗ ആരാധനയിൽ അവർ ആകൃഷ്​ടരായത്​ നോമ്പി​​​െൻറ സാമൂഹികമായ വിലയിരുത്തലായി മാറുന്നു. 

പട്ടിണിപ്പാവങ്ങളെ തിരിഞ്ഞുനോക്കാതെയും അവശരെ അവഗണിച്ചുകൊണ്ടും നാമെത്ര ഉപവസിച്ചാലും അല്ലാഹു അംഗീകരിക്കില്ല. ‘‘ജനങ്ങളിൽ ഏറ്റവും  ഉത്തമൻ ജനങ്ങൾക്ക്​ കൂടുതൽ ഉപകാരം ചെയ്യുന്നവനാണ്​’’ എന്നാണ്​ നബി പഠിപ്പിച്ചിട്ടുള്ളത്​. നോമ്പുനോൽക്കാൻ താൽപര്യം കാണിക്കുന്നവൻ ദാനധർമങ്ങൾക്കും സാമൂഹികസേവനങ്ങൾക്കും മടികാണിക്കുന്നുവെങ്കിൽ അവൻ റമദാ​​​െൻറ സന്ദേശം മനസ്സിലാക്കിയിട്ടില്ല.