കർദിനാളിന്​ കന്യാസ്​ത്രീയുടെ പരാതി ലഭിച്ചിട്ടി​ല്ലെന്ന്​ സഭ

കൊച്ചി: ജലന്ധർ രൂപത ബിഷപ് ഫ്രാങ്കോ മുളക്കലിനെതിരെ ലൈംഗിക പീഡനം ആരോപിച്ച്​ കുറവിലങ്ങാട്​ മഠത്തിലെ കന്യാസ്​ത്രീയിൽനിന്ന്​ സീറോ മലബാർ സഭ ആർച് ബിഷപ്​ കർദിനാൾ മാർ ജോർജ്​ ആലഞ്ചേരിക്ക്​ പരാതി ലഭിച്ചിട്ടില്ലെന്ന്​ സഭ വക്​താവ്​ അറിയിച്ചു. വിദേശത്തായിരുന്ന കർദിനാൾ തിങ്കളാഴ്​ചയാണ്​ തിരിച്ചെത്തിയത്. കന്യാസ്​ത്രീയുടെ പരാതി ലഭിച്ചതായി മേജർ ആർച്​ ബിഷപ്പി​െൻറ കാര്യാലയത്തിലെ രേഖകളിൽ കാണുന്നില്ല. പരാതി നൽകിയ കന്യാസ്​ത്രീ ആരാണെന്ന്​ മാധ്യമ വാർത്തകളിൽനിന്ന്​ വ്യക്​തമല്ലെന്നും പത്രക്കുറിപ്പിൽ പറയുന്നു.

ഏതാനും മാസം മുമ്പ്​ ജലന്ധർ രൂപതയിലെ ഒരു കന്യാസ്​ത്രീ കർദിനാളിനെ നേരിൽ കാണുകയും അവരുടെ സന്യാസ സമൂഹത്തിൽ നടന്ന ചില നിയമനങ്ങളും സ്​ഥലം മാറ്റങ്ങളും സംബന്ധിച്ചും തന്മൂലം അവർക്കുണ്ടായ ബുദ്ധിമുട്ടുകളെക്കുറിച്ചും സംസാരിച്ചിരുന്നു. ഇൗ സന്യാസ സമൂഹം ലാറ്റിൻ ഹയരാർക്കിയുടെ കീഴിലായതിനാൽ സീറോ മലബാർ സഭയുടെ മേജർ ആർച്​ ബിഷപ്പിന് ഇടപെടാൻ അധികാരമില്ലെന്ന്​ വിശദീകരിച്ച് കന്യാസ്​ത്രീയെ മടക്കി അയച്ചു.

കഴിഞ്ഞവർഷം നവംബർ 23ന്​ ജലന്ധർ രൂപതയിൽ സേവനം ചെയ്യുന്ന ഒരു കന്യാസ്​ത്രീയുടെ പിതാവ് മകൾ അനുഭവിക്കുന്ന ചില ബുദ്ധിമുട്ടുകളെക്കുറിച്ച് മേജർ ആർച്ച്​ ബിഷപ്പിന് കത്ത് നൽകിയിരുന്നു. ഇതിലും ലൈംഗിക പീഡനത്തെക്കുറിച്ച്​ പറയുന്നില്ല. പരാതിയിൽ പറഞ്ഞ വിഷയങ്ങളിൽ ഇടപെടാൻ സീറോ മലബാർ സഭ മേജർ ആർച്​ ബിഷപ്പിന് അധികാരമില്ലാത്തതിനാൽ മേൽനടപടി എടുത്തില്ല. ജലന്ധർ രൂപതയുടേയോ അവിടത്തെ മെത്രാ​​െൻറയോമേൽ സീറോ മലബാർ സഭ മേജർ ആർച്​ ബിഷപ്പിന്​ ഒരുവിധ അധികാരമോ അവകാശമോ ഇല്ലെന്നും പത്രക്കുറിപ്പിൽ വ്യക്​തമാക്കുന്നു.