അന്തരിച്ച മോഹനൻ വൈദ്യർക്ക്​ കോവിഡ്​

തിരുവനന്തപുരം: കഴിഞ്ഞ ദിവസം അന്തരിച്ച വിവാദ പ്രകൃതി ചികിത്സകൻ മോഹനൻ വൈദ്യർക്ക്​ കോവിഡ്​ സ്​ഥിരീകരിച്ചു. മരണാനന്തരം നടത്തിയ അന്തിമ പരിശോധനയിലാണ്​ രോഗം​ സ്​ഥിരീകരിച്ചത്​.

തി​രു​വ​ന​ന്ത​പു​രം കാ​ല​ടി​യി​ലെ ബ​ന്ധു​വീ​ട്ടി​ലാ​ണ്​ ശ​നി​യാ​ഴ്​​ച രാ​ത്രി ഏ​ഴു​മ​ണി​യോ​ടെ മോഹനൻ വൈദ്യരെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. 65 വയസായിരുന്നു. ബ​ന്ധു​ക്ക​ൾ വി​വ​രം അ​റി​യി​ച്ച​ത​നു​സ​രി​ച്ച് കൗ​ൺ​സി​ല​റു​ടെ​യും പൊ​ലീ​സിെൻറ​യും നേ​തൃ​ത്വ​ത്തി​ൽ മൃ​ത​ദേ​ഹം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റിയിരുന്നു.

ചേ​ർ​ത്ത​ല​യി​ൽ നി​ന്ന് ര​ണ്ടു​ദി​വ​സം മു​മ്പാ​ണ് ഇ​ദ്ദേ​ഹം മ​ക​നൊ​പ്പം കാ​ല​ടി​യി​ൽ എ​ത്തി​യ​ത്. ശ​നി​യാ​ഴ്​​ച രാ​വി​ലെ മു​ത​ൽ പ​നി​യും മ​റ്റു ചി​ല അ​സ്വ​സ്ഥ​ത​ക​ളും പ്ര​ക​ടി​പ്പി​ച്ചി​രു​ന്നു. വൈ​കീ​ട്ടോ​ടെ ശ്വാ​സ​ത​ട​സ്സ​വും ഛർ​ദി​യും ഉ​ണ്ടാ​വു​ക​യും കു​ഴ​ഞ്ഞ് വീ​ഴു​ക​യു​മാ​യി​രു​ന്നെ​ന്ന് ബ​ന്ധു​ക്ക​ൾ പൊ​ലീ​സി​നോ​ട് പ​റ​ഞ്ഞു. ചി​കി​ത്സാ​രീ​തി​ക​ളി​ലെ പ്ര​ത്യേ​ക​ത​കൊ​ണ്ട്​ പ​ല​പ്പോ​ഴും വി​വാ​ദ​ങ്ങ​ളി​ൽ നി​റ​ഞ്ഞു​നി​ന്ന ആ​ളാ​യി​രു​ന്നു മോ​ഹ​ന​ൻ വൈ​ദ്യ​ർ. വൈ​റ​സു​ക​ൾ ഇ​ല്ല, കാ​ൻ​സ​ർ എ​ന്ന അ​സു​ഖ​മി​ല്ല തു​ട​ങ്ങി​യ വാ​ദ​ങ്ങ​ൾ വ​ഴി നി​ര​വ​ധി ത​വ​ണ ഇ​ദ്ദേ​ഹം വി​മ​ർ​ശി​ക്ക​പ്പെ​ട്ടി​രു​ന്നു.