ദിലീപി​െൻറ അറസ്​റ്റ്​ അന്വേഷണം നിഷ്​പക്ഷമെന്നതിന്​ തെളിവ്​ -കോടിയേരി

ആലപ്പുഴ: കുറ്റം ചെയ്​തവർ എത്ര ഉന്നതരാണെങ്കിലും തെളിവുണ്ടെങ്കിൽ രക്ഷപ്പെടാൻ അനുവദിക്കി​െല്ലന്ന സർക്കാർ നയത്തി​​​െൻറ സൂചനയാണ്​ നടൻ ദിലീപി​​​െൻറ അറസ്​​െറ്റന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. കെ.ആർ. ഗൗരിയമ്മക്ക്​ അവരുടെ വസതിയിൽ എത്തി പിറന്നാൾ ആശംസ നേർന്നശേഷം വാർത്ത​ലേഖകരോട്​ സംസാരിക്കുകയായിരുന്നു അദ്ദേഹം.

കേസിൽ ഗൂഢാലോചന തുടക്കത്തിൽ പ്രകടമാകാതിരുന്നതുകൊണ്ടാണ്​ മുഖ്യമന്ത്രിക്ക്​ അങ്ങനെ പറയേണ്ടിവന്നത്​. എന്നാൽ, അന്വേഷണം പുരോഗമിച്ചശേഷം കാര്യങ്ങൾ കൂടുതൽ വ്യക്തമായി തുടങ്ങി. വ്യക്തമായ തെളിവ്​ ലഭിക്കാതെ മുഖ്യമന്ത്രിക്കാണെങ്കിലും അഭിപ്രായം പറയാൻ കഴിയില്ല. തെളിവ്​ ലഭിച്ചാൽ ഉന്നതനാണെങ്കിലും രക്ഷപ്പെടില്ലെന്ന്​ മുഖ്യമന്ത്രിതന്നെ വ്യക്​തമാക്കിയിരുന്നു. 

ആരെ പ്രതിയാക്കണമെന്നും അല്ലെന്നും തീരുമാനിക്കുന്നത്​ സർക്കാറല്ല, അന്വേഷണ ഉദ്യോഗസ്ഥരാണ്​. അവർ നിഷ്​പക്ഷമായി അന്വേഷിച്ചതി​​​െൻറ ഫലമാണ്​ ഇപ്പോഴത്തെ സംഭവം. ഇതിൽ അഭിപ്രായം പറയേണ്ടത്​ പൊലീസ്​ ഉദ്യോഗസ്ഥരാണ്​. താൻ ആ ടീമിൽപെട്ടയാളല്ല. വിഷയത്തെ മുൻവിധിയോടെ കാണുന്ന സമീപനം സർക്കാറിനില്ല. അന്വേഷണത്തിൽ സി.പി.എം ഇടപെടാറില്ല. ഒരുതരത്തിലുള്ള ബാഹ്യസമ്മർദവും അന്വേഷണ സംഘത്തിനുമേൽ ഉണ്ടായില്ല എന്നതിന്​ ഉദാഹരണം കൂടിയാണ്​ അറസ്​റ്റ്​. സിനിമ മേഖലയിൽ നല്ലതല്ലാത്ത പല പ്രവണതകളും ഉള്ളതി​​​െൻറ ഭാഗമാണി​െതന്നും കോടിയേരി അഭിപ്രായപ്പെട്ടു. തിങ്കളാഴ്​ച രാത്രി 8.30ഒാടെയാണ്​ കോടിയേരി ഗൗരിയമ്മയെ സന്ദർശിച്ചത്​. അഡ്വ. എ.എം. ആരിഫ്​ എം.എൽ.എയും ഒപ്പമുണ്ടായിരുന്നു.