പോപുലർ ഫ്രണ്ടിന്‍റെ സാമ്പത്തിക സഹായം തടയാൻ ജി​ല്ല പൊ​ലീ​സ് മേ​ധാ​വി​ക​ൾ​ക്ക്​ നി​ർ​ദേ​ശം

തി​രു​വ​ന​ന്ത​പു​രം: പോ​പു​ല​ർ ഫ്ര​ണ്ടി​ന്​ സാ​മ്പ​ത്തി​ക​സ​ഹാ​യം ല​ഭി​ക്കു​ന്ന മാ​ർ​ഗ​ങ്ങ​ൾ ത​ട​യു​ന്ന​തി​ന്​ ക​ർ​ശ​ന ന​ട​പ​ടി സ്വീ​ക​രി​ക്കാ​ൻ ജി​ല്ല പൊ​ലീ​സ് മേ​ധാ​വി​ക​ൾ​ക്ക്​ നി​ർ​ദേ​ശം. സം​ഘ​ട​ന​ക്ക്​ നി​രോ​ധ​നം ഏ​ർ​പ്പെ​ടു​ത്തി​യ സാ​ഹ​ച​ര്യ​ത്തി​ൽ തു​ട​ർ​ന്ന് സ്വീ​ക​രി​ക്കേ​ണ്ട ന​ട​പ​ടി​ക​ൾ ച​ർ​ച്ച ചെ​യ്യാ​ൻ പൊ​ലീ​സ് ആ​സ്ഥാ​ന​ത്ത്​ ചേ​ർ​ന്ന ഉ​ന്ന​ത​ത​ല​യോ​ഗ​ത്തി​ലാ​ണ്​ ഡി.​ജി.​പി അ​നി​ൽ കാ​ന്ത്​ ഇ​തു​സം​ബ​ന്ധി​ച്ച നി​ർ​ദേ​ശം ന​ൽ​കി​യ​ത്.

പോ​പു​ല​ർ ഫ്ര​ണ്ടി​ന്‍റെ ഓ​ഫ​ജ​സു​ക​ൾ, വ​സ്തു​വ​ക​ക​ൾ എ​ന്നി​വ നി​യ​മ​വി​രു​ദ്ധ​മാ​യി ഉ​പ​യോ​ഗി​ക്കു​ന്ന​ത് ത​ട​യാ​ൻ നോ​ട്ടി​ഫൈ ചെ​യ്യു​ന്ന​തി​ന് ജി​ല്ല പൊ​ലീ​സ് മേ​ധാ​വി​ക​ൾ ന​ട​പ​ടി സ്വീ​ക​രി​ക്കും. ക​ല​ക്ട​ർ​മാ​രു​മാ​യി ചേ​ർ​ന്നാ​യി​രി​ക്കും ഇ​ക്കാ​ര്യ​ത്തി​ൽ ജി​ല്ല പൊ​ലീ​സ് മേ​ധാ​വി​ക​ൾ തു​ട​ർ​ന​ട​പ​ടി സ്വീ​ക​രി​ക്കു​ക.

ഈ ​ന​ട​പ​ടി​ക​ൾ ക്ര​മ​സ​മാ​ധാ​ന​വി​ഭാ​ഗം എ.​ഡി.​ജി.​പി വി​ജ​യ്​ സാ​ക്ക​റെ​യും മേ​ഖ​ല ഐ.​ജി​മാ​രും റേ​ഞ്ച് ഡി.​ഐ.​ജി​മാ​രും നി​രീ​ക്ഷി​ക്കും. ഇ​തു​മാ​യി ബ​ന്ധ​പ്പെ​ട്ട നി​ർ​ദേ​ശ​ങ്ങ​ൾ സം​സ്ഥാ​ന പൊ​ലീ​സ് മേ​ധാ​വി പു​റ​പ്പെ​ടു​വി​ച്ചു. യോ​ഗ​ത്തി​ൽ എ.​ഡി.​ജി.​പി​മാ​ർ, ഐ.​ജി​മാ​ർ, ഡി.​ഐ.​ജി​മാ​ർ, ജി​ല്ല പൊ​ലീ​സ് മേ​ധാ​വി​ക​ൾ എ​ന്നി​വ​ർ പ​ങ്കെ​ടു​ത്തു.