ശമ്പള-പെൻഷൻ വിതരണം:ട്രഷറികൾ ഞായറാഴ്ചയും പ്രവർത്തിക്കും

തിരുവനന്തപുരം: ഓണത്തോടനുബന്ധിച്ച് ശമ്പളവും പെൻഷനും ബോണസും ഉത്സവബത്തയും വിതരണം ചെയ്യുന്നത് സുഗമമാക്കാൻ ഞായറാഴ്ച സംസ്ഥാനത്തെ ട്രഷറികൾ പ്രവർത്തിക്കും. എല്ലാ ട്രഷറി ഓഫിസർമാർക്കും ഡയറക്ടർ ഇത് സംബന്ധിച്ച് നിർദേശം നൽകി.

ബോണസും ഉത്സവബത്തയും ശനിയാഴ്ച മുതൽ വിതരണം ചെയ്യാനാണ് നിർദേശിച്ചിരുന്നത്. ട്രഷറികളിൽ നിരവധി ബില്ലുകൾ ഇതിനകം സമർപ്പിച്ചിട്ടുണ്ട്. ഇവ സമയബന്ധിതമായി പാസാക്കാനും ഇടപാടുകൾ നടത്താനുമാണ് ഞായറാഴ്ച പ്രവർത്തിക്കുന്നത്.