പത്തനംതിട്ടയിലെ സം​ഘ​ട​നാപ്രശ്​നങ്ങളിൽ ​നേതൃത്വത്തിന്​ വീഴ്ചയെന്ന്​ വിമർശനം

തി​രു​വ​ന​ന്ത​പു​രം: പ​ത്ത​നം​തി​ട്ട ജി​ല്ല​യി​ലെ സം​ഘ​ട​നാ പ്ര​ശ്​​ന​ങ്ങ​ൾ കൈ​കാ​​ര്യം ചെ​യ്യു​ന്ന​തി​ൽ ​നേ​തൃ​ത്വ​ത്തി​ന്​ വീ​ഴ്ച​യു​ണ്ടാ​യെ​ന്ന്​ കെ.​പി.​സി.​സി രാ​ഷ്ട്രീ​യ​കാ​ര്യ സ​മി​തി യോ​ഗ​ത്തി​ൽ വി​മ​ർ​ശ​നം. എ ​പ​ക്ഷ​ക്കാ​രാ​യ കെ.​സി. ജോ​സ​ഫ്, എം.​എം. ഹ​സ​ൻ, ബെ​ന്നി ബ​ഹ​നാ​ൻ എ​ന്നി​വ​രാ​ണ്​ വി​മ​ർ​ശ​നം ഉ​ന്ന​യി​ച്ച​ത്.

പ​ത്ത​നം​തി​ട്ട​യി​ലെ സം​ഘ​ട​നാ പ്ര​ശ്​​ന​ങ്ങ​ളു​ടെ പേ​രി​ൽ ഡി.​സി.​സി മു​ൻ പ്ര​സി​ഡ​ന്‍റ്​ ബാ​ബു ജോ​ർ​ജി​നെ​തി​രെ മാ​ത്രം അ​ച്ച​ട​ക്ക ന​ട​പ​ടി സ്വീ​ക​രി​ച്ച​ത്​ ശ​രി​യാ​യി​ല്ലെ​ന്ന്​ നേ​താ​ക്ക​ൾ ചൂ​ണ്ടി​ക്കാ​ട്ടി. ന​ട​പ​ടി​ക്ക്​ വി​ധേ​യ​നാ​യ അ​ദ്ദേ​ഹ​ത്തെ തി​രി​ച്ചെ​ടു​ക്കാ​ൻ ശ്ര​ദ്ധി​ക്കാ​ത്ത​താ​ണ്​ പാ​ർ​ട്ടി വി​ടാ​ൻ ഇ​ട​യാ​ക്കി​യ​ത്. എ​ന്നാ​ൽ, ആ​രെ​യും പു​റ​ത്താ​ക്ക​ണ​മെ​ന്ന നി​ർ​ബ​ന്ധം കെ.​പി.​സി.​സി​ക്ക്​ ഇ​ല്ലെ​ന്ന്​ പ്ര​സി​ഡ​ന്‍റ്​ കെ. ​സു​ധാ​ക​ര​ൻ മ​റു​പ​ടി ന​ൽ​കി. ഡി.​സി.​സി ഓ​ഫി​സി​ൽ ന​ട​ന്ന അ​നി​ഷ്ട സം​ഭ​വ​ങ്ങ​ളു​ടെ പേ​രി​ലാ​ണ്​ ബാ​ബു ജോ​ർ​ജി​നെ​തി​രെ അ​ച്ച​ട​ക്ക ന​ട​പ​ടി​യെ​ടു​ത്ത​ത്. കാ​ര​ണം കാ​ണി​ക്ക​ൽ നോ​ട്ടീ​സ്​ ന​ൽ​കി​യ​ശേ​ഷ​വും വാ​ർ​ത്ത​സ​മ്മേ​ള​നം ഉ​ൾ​പ്പെ​ടെ ന​ട​ത്തി അ​ദ്ദേ​ഹം നേ​താ​ക്ക​ളെ വി​മ​ർ​ശി​ച്ചു.

ഖേ​ദ​പ്ര​ക​ട​നം പോ​ലും ന​ട​ത്താ​ൻ അ​ദ്ദേ​ഹം ത​യാ​റാ​യി​ല്ലെ​ന്നും സു​ധാ​ക​ര​ൻ വി​ശ​ദീ​ക​രി​ച്ചു. വൈ​ക്കം സ​ത്യ​ഗ്ര​ഹ ശ​താ​ബ്​​ദി​യോ​ട​നു​ബ​ന്ധി​ച്ച്​ പാ​ർ​ട്ടി സം​ഘ​ടി​പ്പി​ച്ച സ​മ്മേ​ള​ന​വു​മാ​യി ബ​ന്ധ​പ്പെ​ട്ട്​ ത​നി​ക്ക്​ പ്ര​തി​ക​രി​ക്കേ​ണ്ടി​വ​ന്ന സാ​ഹ​ച​ര്യം കെ. ​മു​ര​ളീ​ധ​ര​ൻ വി​ശ​ദീ​ക​രി​ച്ചു.

അ​തി​ന്‍റെ പേ​രി​ൽ ക​ഴി​ഞ്ഞ കെ.​പി.​സി.​സി നി​ർ​വാ​ഹ​ക​സ​മി​തി യോ​ഗ​ത്തി​ൽ ത​നി​ക്കെ​തി​രെ ന​ട​ന്ന വി​മ​ർ​ശ​ന​ങ്ങ​ളി​ലെ അ​തൃ​പ്തി അ​ദ്ദേ​ഹം അ​റി​യി​ച്ചു. കെ.​പി.​സി.​സി ജ​ന​റ​ൽ സെ​ക്ര​ട്ട​റി പ​ഴ​കു​ളം മ​ധു നി​ർ​വാ​ഹ​ക​സ​മി​തി യോ​ഗ​ത്തി​ൽ മു​ര​ളി​ക്കെ​തി​രെ ന​ട​ത്തി​യ വി​മ​ർ​ശ​ന​ങ്ങ​ളോ​ട്​ മ​റ്റ്​ നേ​താ​ക്ക​ളും വി​യോ​ജി​ച്ചു.