ബാറുകളുടെ ദൂരപരിധി കുറച്ചത്​ വിനോദസഞ്ചാരമേഖലയെ ബാധിക്കാതിരിക്കാൻ - മന്ത്രി രാമകൃഷ്​ണൻ

കോഴിക്കോട്: ബാറുകളുടെ ദൂരപരിധി പുതുക്കി നിശ്ചയിച്ചത്​ വിനോദസഞ്ചാര മേഖലയെ ബാധിക്കാതിരിക്കാനാണെന്ന് എക്സൈസ് മന്ത്രി ടി.പി. രാമകൃഷ്ണൻ. വിനോദ സഞ്ചാരികളുടെ അസൗകര്യം കണക്കി​െലടുത്താണ്​ ദൂരപരിധിയിൽ മാറ്റം വരുത്തിയത്​. പഴയ ദൂരപരിധി പുനഃസ്ഥാപിക്കുക മാത്രമാണ് ചെയ്തതെന്നും മന്ത്രി പറഞ്ഞു. 

ദൂരപരിധിയി​െല മാറ്റം മദ്യനയത്തി​​െൻറ ഭാഗമാണ്​. കഴിഞ്ഞ സർക്കാറി​​െൻറ കാലത്തുണ്ടായിരുന്ന ബിവറേജസ്​ ഒൗട്ട്​ലെറ്റുകളിൽ കൂടുതൽ ഒരെണ്ണം പോലും സർക്കാർ വർധിപ്പിച്ചിട്ടില്ല. ഒൗട്ട്​ലെറ്റുകൾക്ക്​ ദൂരപരിധി ഭേദഗതി ബാധകമല്ലെന്നും അദ്ദേഹം പറഞ്ഞു. 

ബാറുകളുടെ ദൂരപരിധി 200 മീറ്ററില്‍ നിന്ന് 50 മീറ്ററായാണ്​ കുറച്ചത്. ഫോര്‍ സ്റ്റാര്‍, ഫൈവ് സ്റ്റാര്‍, ഹെറിറ്റേജ് ബാറുകള്‍ക്കാണ് ഇളവ് അനുവദിച്ചിട്ടുള്ളത്. ത്രീസ്റ്റാര്‍ ബാറുകള്‍ക്കുള്ള ദൂരപരിധി 200 മീറ്ററായി തുടരും.