ചൂരൽ മലയിലേക്കുള്ള റോഡിൽ അത്യാവശ്യ വാഹനങ്ങൾ അല്ലാത്തവ പാർക്ക് ചെയ്യരുതെന്ന് ജില്ലാ കലക്ടർ

മേപ്പാടി: ചൂരൽ മലയിലേക്കുള്ള റോഡിന്റെ ഇരു വശങ്ങളിലും അത്യാവശ്യ സേവനങ്ങൾക്കുള്ള വാഹനങ്ങൾ അല്ലാത്തവ പാർക്ക് ചെയ്യരുതെന്ന് ജില്ലാ കലക്ടർ ഡി.ആർ. മേഘശ്രീ അറിയിച്ചു.

മുണ്ടക്കൈയിലേക്ക് താൽക്കാലിക പാലം നിർമിക്കുന്നതിന് ഇന്ത്യൻ വ്യോമ സേനയുടെ വിമാനം കണ്ണൂർ എയർപോർട്ടിൽ ഇറങ്ങിയിട്ടുണ്ട്. വിമാനത്തിൽ കൊണ്ടുവന്ന പാലം നിർമ്മിക്കാനുള്ള സാമഗ്രികൾ ദുരന്ത സ്ഥലത്തേക്ക് അടിയന്തിരമായി എത്തിക്കേണ്ടതുണ്ട്.

ഇതിനാണ് നിയന്ത്രണം ഏർപ്പെടുത്തിയത്. ദുരന്തസ്ഥലത്തേക്ക് അനാവശ്യ സന്ദർശനത്തിനും കർശന വിലക്കുണ്ട്.