ഇ​ത​ര സം​സ്ഥാ​ന​ക്കാ​രാ​യ അ​യ്യ​പ്പ​ഭ​ക്ത​രി​ൽ​നി​ന്ന്​ ​ ഭക്ഷണത്തിന്​ അമിതവില ഈടാക്കരുത്​ -ഹൈകോടതി

കൊ​ച്ചി: ഇ​ത​ര സം​സ്ഥാ​ന​ക്കാ​രാ​യ അ​യ്യ​പ്പ​ഭ​ക്ത​രി​ൽ​നി​ന്ന്​ ഭ​ക്ഷ​ണ​ത്തി​ന്​ അ​മി​ത​വി​ല ഈ​ടാ​ക്കു​ന്ന​ത്​ ത​ട​യ​ണ​മെ​ന്ന്​ ഹൈ​കോ​ട​തി. പ​ത്ത​നം​തി​ട്ട ജി​ല്ല ക​ല​ക്ട​ർ നി​ശ്ച​യി​ച്ച വി​ല​വി​വ​ര​പ്പ​ട്ടി​ക മ​റ്റ്​ ഭാ​ഷ​ക​ളി​ൽ പ്ര​ദ​ർ​ശി​പ്പി​ക്കാ​ത്ത​തും പ​രാ​തി​പ്പെ​ടാ​ൻ കൃ​ത്യ​മാ​യ സം​വി​ധാ​ന​മി​ല്ലാ​ത്ത​തും​ മൂ​ല​മാ​ണ്​ പ​ല​രും വ​ഞ്ചി​ക്ക​പ്പെ​ടു​ന്ന​ത്.

അ​തി​നാ​ൽ സ​ന്നി​ധാ​നം, പ​മ്പ, നി​ല​ക്ക​ൽ, എ​രു​മേ​ലി മേ​ഖ​ല​ക​ളി​ലെ ഭ​ക്ഷ​ണ​ശാ​ല​ക​ളി​ലും ഇ​ട​ത്താ​വ​ള​ങ്ങ​ളി​ലും അം​ഗീ​കൃ​ത വി​ല​വി​വ​ര​പ്പ​ട്ടി​ക വി​വി​ധ ഭാ​ഷ​ക​ളി​ൽ പ്ര​ദ​ർ​ശി​പ്പി​ക്ക​ണം. പ​രാ​തി​യു​ണ്ടെ​ങ്കി​ൽ അ​റി​യി​ക്കാ​ൻ ജി​ല്ല മ​ജി​സ്ട്രേ​ട്ടി​ന്‍റെ ഫോ​ൺ ന​മ്പ​റും ബോ​ർ​ഡി​ൽ ഉ​ണ്ടാ​ക​ണം. ക​രി​ക്ക്​ വി​ല​യും പ്ര​ദ​ർ​ശി​പ്പി​ക്ക​ണം. ശ​ബ​രി​മ​ല സ്പെ​ഷ​ൽ ക​മീ​ഷ​ണ​ർ ന​ൽ​കി​യ റി​പ്പോ​ർ​ട്ടു​ക​ൾ പ​രി​ഗ​ണി​ച്ചാ​ണ്​ ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് ജി. ​ഗി​രീ​ഷ് എ​ന്നി​വ​ര​ട​ങ്ങു​ന്ന ദേ​വ​സ്വം ബെ​ഞ്ചി​ന്‍റെ ഉ​ത്ത​ര​വ്.

ഓ​രോ സം​സ്ഥാ​ന​ത്തു​നി​ന്നു​മു​ള്ള ഭ​ക്ത​ർ​ക്ക് പ​രാ​തി അ​റി​യി​ക്കാ​ൻ പ്ര​ത്യേ​ക നോ​ഡ​ൽ ഓ​ഫി​സ​ർ​മാ​രെ നി​യോ​ഗി​ക്കു​ന്ന​തു​മാ​യി ബ​ന്ധ​പ്പെ​ട്ട്​ ഹൈ​കോ​ട​തി എ​തി​ർ​ക​ക്ഷി​ക​ളു​ടെ നി​ല​പാ​ട്​ തേ​ടി. നീ​ലി​മ​ല-​അ​പ്പാ​ച്ചി​മേ​ട് - ശ​ബ​രി​പീ​ഠം പ​ര​മ്പ​രാ​ഗ​ത പാ​ത​യി​ൽ തീ​ർ​ഥാ​ട​ക​ർ​ക്ക് ആ​രോ​ഗ്യ പ്ര​ശ്ന​ങ്ങ​ളു​ണ്ടാ​യാ​ൽ ബ​ന്ധ​പ്പെ​ടേ​ണ്ട അ​ടി​യ​ന്ത​ര ഫോ​ൺ ന​മ്പ​ർ ന​ൽ​കാ​നും നി​ർ​ദേ​ശി​ച്ചി​ട്ടു​ണ്ട്.

സ്വാ​മി അ​യ്യ​പ്പ​ൻ റോ​ഡി​ൽ മ​തി​യാ​യ ശു​ചി​മു​റി സൗ​ക​ര്യം ഏ​ർ​പ്പെ​ടു​ത്തു​ക, സ​ന്നി​ധാ​ന​ത്തെ അ​ണ്ട​ർ​പാ​സി​ൽ മ​തി​യാ​യ വെ​ളി​ച്ച​വും വൃ​ത്തി​യും ഉ​റ​പ്പു​വ​രു​ത്തു​ക, ഭ​ക്ഷ​ണ​ത്തി​ന്‍റെ വി​ല​വി​വ​ര​പ്പ​ട്ടി​ക വെ​ർ​ച്വ​ൽ ക്യൂ ​പ്ലാ​റ്റ്‌​ഫോ​മി​ൽ ന​ൽ​കാ​നാ​വു​മോ എ​ന്ന​റി​യി​ക്കു​ക, നീ​ലി​മ​ല -ശ​രം​കു​ത്തി പാ​ത​യി​ൽ ആ​വ​ശ്യ​മാ​യ മാ​ലി​ന്യ​ശേ​ഖ​ര​ണ സാ​മ​ഗ്രി​ക​ൾ സ്ഥാ​പി​ക്കു​ക തു​ട​ങ്ങി​യ നി​ർ​ദേ​ശ​ങ്ങ​ളും ന​ൽ​കി.